2 Kɔrɛntɩ 7:1 - New Testament

¹ Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

2 Kɔrɛntɩ 7:1 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Maatiyee 5:8

Mbá pa-taa wɛ cɩɖɩcɩɖɩ yɔ, pehiɣ pa-tɩ! Mbʋ́ pʋyɔɔ yɔ, pɔkɔŋ Ɛsɔ naʋ.

Tʋma Labʋ 9:31

Krɩstʋ ŋgbɛyɛ taa ñɩma kɛwɛ laŋhɛzɩyɛ taa Yudee nɛ Galilee nɛ Samaarɩɩ pa-ageeta hɔɔlɩŋ tɩŋa taa. Pɛtɛzaɣ pɩʋ nɛ pañaŋ Kɩpaɣlʋ nɛ Fezuu Kiɖeɖeu sɩŋnɩ-wɛ nɛ pɛtɛzɩɣ ɖɔʋ.

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

1 Kɔrɛntɩ 6:20

Mbʋ́ pʋyɔɔ yɔ, ɩkɛ ɛyáa mbá Ɛsɔ yabɩ-wɛ yɔ. Pʋ-yɔɔ lɛ, ɩkpaɣ mi-tomnasɩ nɛ ɩɖʋnɩ Ɛsɔ hɩɖɛ.

2 Kɔrɛntɩ 1:20

Ɛnʋ wɩlɩɣnɩ-ɖʋ kaŋŋ se mbʋ́ pɩtɩŋa payɩ Ɛsɔ heyi-ɖʋ se ɛlakɩ-ɖʋ yɔ, ɛlakɩ pɩtɩŋa payɩ nɛ pɩtɩŋnɩ Krɩstʋ yɔɔ. Đɔɖɔ lɛ, ɛ-yɔɔ ɖɩtɩŋɩɣna nɛ ɖiheyi Ɛsɔ se: «Pɩla ḿbʋ́!» Nɛ pɩkɛnɩ Ɛsɔ ɛnʋ koboyaɣ.

Efɛɛzɩ 2:3

Đa ɖɔɖɔ ɖatɩŋa payɩ ɖɩɩwɛ pa-taa. Đɩɖɔŋaɣ ɛzɩ ɖa-maɣmaɣ ɖe-liu wɛʋ yɔ nɛ ɖɩlakɩ mbʋ́ pɩkɛdɩnɩ-ɖʋ yɔ nɛ mbʋ́ ɖɩmaɣzɩɣ yɔ. Pɩɩwɛɛ se Ɛsɔ ɛhʋʋnɩ-ɖʋ ɖɔɖɔ ɛzɩ lɛlaa yɔ wɛtʋ ndʋ́ tɩ-taa ɖɩwɛɛ yɔ tɩ-yɔɔ.

1 Tesalooniki 3:13

Ḿbʋ́ eyeki nɛ ɩtɛzɩ pɩʋ nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ ɖa-Caa Ɛsɔ ɛsɩndaa puwiye nɖɩ́ ɖa-Kɩpaɣlʋ Yesu nɛ ɛ-ñɩma tɩŋa payɩ pɔkɔŋ yɔ.

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

Ebree 12:23

Iwobi Ɛsɔ kajalaɣ piya nzɩ́ pama sɩ-hɩla ɛsɔdaa nɛ sikpeɣli ɖama nɛ sɩtɔkɩ kazanɖʋ yɔ sɩ-ŋgbɛyɛ taa. Iwobi Ɛsɔ cɔlɔ ɖɔɖɔ, ɛnʋ hʋʋnɩnɩ ɛyáa tɩŋa payɩ: toovenim tɩnaa mbá pasɩba nɛ ɛtɛzɩ-wɛ pɩsʋʋ mbá pamʋnaa yɔ.

Ebree 12:28

Pʋ-yɔɔ lɛ, ɖɩwɛnɩ Ɛsɔ yɔɔ ɛsɩmɩyɛ, mbʋ́ pʋyɔɔ yɔ, ɛha-ɖʋ kewiyaɣ ŋgá kɛfɛyɩ ñamsʋʋ yɔ: ɖiluŋ ɛ-tɛɛ ɛzɩ pɩkɛdɩnaʋ-ɩ yɔ nɛ ñamtʋ nɛ sɔɔndʋ.

Ebree 4:1

Ɛsɔ tɛm ɖʋʋ se ɖɩpɩzɩɣ ɖɩsʋʋ ɖenɖe ɛñɔɔzɩ-ɖʋ ɖɩhɛzɩyɛ yɔ. Pʋ-yɔɔ lɛ, ɩkpa mɩ-tɩ nɛ pɩtaakɔɔ pɩla se pucoɖi mɩ-taa nɔɔyʋ se ɛɛsʋʋ peeɖe.

Ebree 6:9

Mɛ-ɛgbaɣdɩnaa! Paa ɖɩyɔɔdɩ ḿbʋ́ yɔ, ɖɩtaɣ-mɩ liu siŋŋ se ɩwɛ nʋmɔʋ kɩbaŋgʋ taa, ŋ́gʋ́ lɛ ñʋʋ yabʋ nʋmɔʋ.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

1 Pɩyɛ 1:15

Ɛsɔ wɛ cɩɖɩcɩɖɩ nɛ ɛ́yáa-mɩ. Pʋ-yɔɔ lɛ, mɩ ɖɔɖɔ ɩwɛɛ cɩɖɩcɩɖɩ mɩ-lakasɩ tɩŋa taa.

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 1:9

Ɛlɛ́, yee ɖiheyi ɖa-kɩwɛɛkɩm yɔ, Ɛsɔ kpeɣiɣ-ɖʋ-pʋ nɛ ɛñalɩ ɖa-kɩdɛkɛdɩm tɩŋa. Mbʋ́ pʋyɔɔ yɔ, ɛtʋʋzaa nɛ ɛlakɩ mbʋ́ ɛɖʋwa se ɛlakɩ yɔ.

1 Yohanɛɛsɩ 3:3

Weyi ɛtaɣ-ɩ liu ḿbʋ́ yɔ, ɛñɔɔzʋʋ ɛ-tɩ nɛ ɛwɛɛ cɩɖɩcɩɖɩ ɛzɩ Yesu Krɩstʋ ɛnʋ ɛwɛʋ yɔ.