2 Kɔrɛntɩ 6:7 - New Testament

⁷ nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

2 Kɔrɛntɩ 6:7 ပူးပေါင်းရင်းမြစ်များ

Maarkɩ 16:20

Pʋwayɩ lɛ, ɛ-tɔmkpɛlɩkɩyaa ñɛɖɛɛ nɛ posusuu Laŋhɛzɩyɛ Tɔm paa le. Kɩpaɣlʋ sɩŋaɣnɩ-wɛ pa-tʋmɩyɛ taa nɛ ɛtɩŋɩɣnɩ hama lakasɩ ndɩ ndɩ yɔɔ nɛ ɛwɩlɩɣ se tɔm ndʋ́ posusuu yɔ, tɩkɛ toovenim.

Tʋma Labʋ 11:21

Ɛlɛ́, Fezuu Kiɖeɖeu ha patɩŋa Ɛsɔ ɖoŋ nɛ ɛyáa sakɩyɛ wɛnɩ lidaʋ ɛ-yɔɔ nɛ pɛlɛɣzɩ wɛtʋ.

1 Kɔrɛntɩ 1:24

Ɛlɛ́, mbá Ɛsɔ yawa yɔ, paa pɛkɛ Yuda ñɩma yaa pɛtɛkɛ Yuda ñɩma yɔ, Krɩstʋ ɛnʋ, ɛkɛnɩ-wɛ Ɛsɔ ɖoŋ nɛ Ɛsɔ lɔŋsɩnɖɛ.

2 Kɔrɛntɩ 13:4

Mbʋ́ pʋyɔɔ yɔ, ɛ-ɛjandʋ yɔɔ pakam-ɩ kaamaŋkaɣ yɔɔ. Ɛlɛ́, pɩtɩŋnɩ Ɛsɔ ɖoŋ yɔɔ nɛ ɛwɛɛ wezuu. Đa nɛ ɩ ɖɛ-kpɛndʋʋ taa lɛ, ɖɩwɛ ɛjandʋ ɖɔɖɔ. Ɛlɛ́, alɩwaatʋ ndʋ́ ɖɩkɔŋ mɩ-tɛ yɔ, Ɛsɔ ɖoŋ ɖɩñɔɔzʋʋnɩ tɔm mɩ-hɛkʋ taa.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 7:14

Maasam-mɩ ɛ-cɔlɔ, ɩtaɖʋ-m fɛyɛ. Mbʋ́ pʋyɔɔ yɔ, ɛzɩma mbʋ́ ɖiheyiɣ-mɩ toovenim paa ɖooye yɔ, ḿbʋ́ ɖɔɖɔ mɩ-tɔm ndʋ́ ɖiheyi Tiiti yɔ, tɩlabɩ ḿbʋ́ ɖeyi ɖeyi.

Efɛɛzɩ 1:13

Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.

Efɛɛzɩ 3:20

Ɛnʋ weyi ɛlakɩ tʋmɩyɛ ɖa-taa nɛ e-ɖoŋ yɔ, ɛpɩzɩɣ ɛlabɩ-ɖʋ nɛ pɩkɩlɩ mbʋ́ ɖɩpɔzʋʋ-ɩ yɔ yaa mbʋ́ ɖɩmaɣzɩɣ yɔ kpem.

Efɛɛzɩ 4:21

Paa pɩlabɩ ɛzɩma, pɔyɔɔdɩ ɛ-tɔm nɛ ɩnɩɩ nɛ pɛkpɛlɩkɩ Yesu ñɩma mɩ toovenim mbʋ́ pʋwɛ ɛ-cɔlɔ yɔ.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

1 Tesalooniki 5:8

Ɛlɛ́, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛsɛ camɩyɛ. Lidaʋ nɛ sɔɔlɩm pɛkɛnɩ-ɖʋ ñɩ́ɣ́yʋ́ʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Đa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

2 Timootee 4:7

Malʋbɩ lʋbɩyɛ kɩbanɖɛ nɛ mense nɛ mantalɩ men-seya tɩnaɣ yɔɔ nɛ mɔnɖɔkɩ lidaʋ ŋgʋ́ mɛwɛnɩ Ɛsɔ yɔɔ yɔ.

Ebree 2:4

Ɛsɔ ñatɩŋnɩ kawɩlɩsɩ nɛ hama lakasɩ ndɩ ndɩ pɔ-yɔɔ nɛ ɛwɩlɩ se tɔm ndʋ́ pɔyɔɔdaa yɔ, tɩkɛ toovenim. Đɔɖɔ lɛ, ɛtayɩ-wɛ e-Fezuu Kiɖeɖeu haɖɛ ɛzɩ ɛ-maɣmaɣ e-liu wɛʋ yɔ.

Yakubu 1:18

Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.