2 Kɔrɛntɩ 6:6 - New Testament

⁶ Đɔɖɔ lɛ, ɖɩtɩŋɩɣnɩ ɖa-cɩɖɩcɩɖɩ wɛtʋ nɛ ɖɔ-lɔŋsɩnɖɛ nɛ ɖa-tɩ ɖɔkʋʋ nɛ ɖa-camɩyɛ lakasɩ nɛ Fezuu Kiɖeɖeu nɛ ɖɔ-sɔɔlɩm siŋŋ

2 Kɔrɛntɩ 6:6 ပူးပေါင်းရင်းမြစ်များ

Room 12:9

Pʋwɛɛ se ɩsɔɔlɩ ɛyáa nɛ mɩ-laŋɩyɛ tɩŋa pilim. Ikizi mbʋ́ pɩfɛyɩ ɖeu yɔ kpem. Mɩ-ɛsɩyɛ ɛsɛɛnɩ mbʋ́ pʋwɛ ɖeu yɔ.

Room 15:19

Ɛlabɩ ɖɔɖɔ hama lakasɩ ndɩ ndɩ nɛ ɛwɩlɩ Fezuu Kiɖeɖeu ɖoŋ. Ḿbʋ́ monsusi Krɩstʋ Laŋhɛzɩyɛ Tɔm siŋŋ, kpaɣ Yeruusalɛm nɛ puwolo pɩsɩɩnɩ Iliirii.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 13:4

Weyi ɛsɔɔlʋʋ ɛyáa yɔ, ɛɖɔkʋʋ ɛ-tɩ, ɛsɩŋnɩ-wɛ, ɛɛwɛɣ ɛsɩsɛmɩyɛ. Ɛɛkpazɩɣ ɛ-tɩ, ɛɛwɛɣ ajana.

1 Kɔrɛntɩ 2:16

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Asɩm Kɩpaɣlʋ lɩmaɣza? Apɩzɩɣ ɛtasɩ-ɩ tɔm?» Ŋgʋ́ ɖa yɔ, ɖɩmaɣzɩɣ ɛzɩ Krɩstʋ maɣzʋʋ yɔ.

1 Kɔrɛntɩ 2:4

Monsusaɣ-mɩ Ɛsɔtɔm lɛ, pɩtɛkɛ ɛyáa lɔŋsɩnɖɛ monsusaɣnɩ-mɩ-tʋ se mawabɩnɩ-mɩ. Ɛlɛ́, Fezuu Kiɖeɖeu ɖoŋ wɩlɩnɩ-mɩ se tɔm ndʋ́ monsusuu yɔ, tɩkɛ toovenim.

2 Kɔrɛntɩ 1:23

Ŋgʋ́, Ɛsɔ mankpakɩɣ se ɛkɛ ma-aseɣɖe tʋ, yee mɛncɛtɩɣ yɔ, ɛkʋ-m. Mbʋ́ pʋ-yɔɔ mantatasɩ pɩsʋʋ mɩ-tɛ Kɔrɛntɩ yɔ lɛ se: maasɔɔlaa se malɩzɩ-mɩ pɩ-taa.

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

2 Kɔrɛntɩ 11:6

Paa mɛnfɛyɩ nɔɔ leleŋ yɔ, mansɩm nabʋyʋ. Ḿbʋ́ ɖɩwɩlɩ-mɩ kpayɩ alɩwaatʋ kpeekpe pɩtɩŋa pɩ-taa.

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Kɔrɛntɩ 2:10

Yee nɔɔyʋ ɛyʋsaa nɛ ikpeɣ-i yɔ, ma ɖɔɖɔ menkpeɣiɣ-i. Ma lɛ, yee pɩɩwɛɛ se menkpeɣ nɔɔyʋ yɔ, mɛntɛm-ɩ kpeɣu mɩ-yɔɔ ɛzɩ pʋmʋnaʋ se mala Krɩstʋ ɛsɩndaa yɔ.

2 Kɔrɛntɩ 2:4

Mama-mɩ takayaɣ ŋ́gá nɛ ɛsɛñɩŋɩyɛ siŋŋ nɛ laŋpɩsɩyɛ nɛ ɛsɩtɛɣlɩm. Mantama-mɩ se mɩ-hɔ ɛpɩsɩ. Ɛlɛ́, mancaɣaɣ se ɩtɩlɩ ɛzɩma mbʋ́ mɔnsɔɔlɩ-mɩ siŋŋ yɔ.

2 Kɔrɛntɩ 3:3

Mɩwɛnɩ ɛzɩ takayaɣ ŋ́gá yɔ. Mbʋ́ pʋyɔɔ yɔ, ɖɔ-yɔɔ Krɩstʋ tɩŋnaa nɛ ɛma-kɛ. Pɩtɛkɛ tɔlɩm ɛmanɩ-kɛ, ɛlɛ́, Ɛsɔ wezuu tʋ Fezuu Kiɖeɖeu ɛmanɩ-kɛ. Pɩtɛkɛ pɩtaahalanzɩ yɔɔ ɛma-kɛ, ɛlɛ́, ɛyáa laŋa taa ɛmawa.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

2 Kɔrɛntɩ 7:2

Pɩfɛyɩ se ɩkpa-m nɛ mɩ-tɩ. Đɩtala nɔɔyʋ mbʋ́ pɩfɛyɩ ɖeu yɔ. Đɩtaɖʋzɩ nɔɔyʋ, ɖitepeɣzi ɖɔɖɔ nɔɔyʋ nɛ ɖikpizi e-nesi taa.

Galaatɩ 3:2

Tɔm kʋɖʋmtʋ koŋ mɔnpɔzʋʋ-mɩ, ńdʋ́ lɛ se: ɩɖɔŋ Yuda ñɩma paɣtʋ yɔɔ camɩyɛ yɔɔ Ɛsɔ ha-mɩ e-Fezuu Kiɖeɖeu yaa ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ? Icosi-m nɛ manɩɩ.

Galaatɩ 3:5

Ɩɖɔŋ paɣtʋ yɔɔ yɔɔ Ɛsɔ ha-mɩ e-Fezuu Kiɖeɖeu nɛ ɛlakɩ hama lakasɩ mɩ-hɛkʋ taa yaa we? Pɩtɛkɛ ḿbʋ́! Ɩnɩ Laŋhɛzɩyɛ Tɔm nɛ itisi-tʋ yɔɔ ɛha-mɩ-kʋ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Efɛɛzɩ 3:4

Ɩkalɩɣ mbʋ́ mamawa yɔ lɛ, ɩna mbʋ́ ɛwɩlɩ-m Krɩstʋ tɔm ndʋ́ tɩɩwɛ mɛsaɣ tɛɛ yɔ tɩ-taa yɔ.

Efɛɛzɩ 4:2

iluzi mɩ-tɩ kpem nɛ ɩwɛɛ leleŋ nɛ ɩɖɔkɩ mɩ-hɔ. Ɩɖɔkɩ ɖama camɩyɛ nɛ sɔɔlɩm.

Efɛɛzɩ 4:32

Ɛlɛ́, ɩla ɖama hɛɛɛ nɛ ɩna ɖama pʋtɔdɩyɛ. Ikpeɣ ɖama ɛzɩ Ɛsɔ kpeɣu-mɩ yɔ, mɩ nɛ Krɩstʋ mɩ-kpɛndʋʋ taa.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 2:3

Ɛ-cɔlɔ Ɛsɔ lɔŋsɩnɖɛ nɛ ɛ-lɛɣtʋ pa-ñɩm tɩŋa payɩ wɛ mɛsaɣ tɛɛ.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

1 Tesalooniki 2:10

Mbá mɩ ɩwɛnɩ lidaʋ Ɛsɔ yɔɔ yɔ, mɩ-ɛsɩndaa lɛ, ɖe-wezuu caɣʋ kɛwɛ cɩɖɩcɩɖɩ nɛ kʋtʋʋzɩ nɛ paanaɣ kawanaɣ nakɛyɛ pɩ-taa. Mɩ nɛ Ɛsɔ lɛ ɖa-aseɣɖe tɩnaa.

1 Timootee 4:12

Taayele se nɔɔyʋ ɛpɛŋ-ŋ tɛtɛ se ŋkɛ evebu. Ɛlɛ́, pʋwɛɛ se ŋwɩlɩ mbá pɛwɛnɩ lidaʋ Krɩstʋ yɔɔ yɔ nʋmɔʋ nɛ ñɔ-yɔɔdaɣ nɛ ñɔ-ɖɔnɛ nɛ ñɔ-sɔɔlɩm nɛ ñe-lidaʋ wɛnaʋ nɛ ña-cɩɖɩcɩɖɩ wɛtʋ.

1 Timootee 5:2

Kpaɣ ɖɔɖɔ halaa akpadɩyaa ɛzɩ ño-ɖoonaa yɔ nɛ asayaa ɛzɩ ñɛ-ɛyáa yɔ. Taawɛnɩ lɩmaɣza kɩdɛkɛdɛɛ pa-taa nɔɔyʋ yɔɔ.

2 Timootee 3:10

Ña lɛ, ŋtɩŋ-m ma-wɩlʋʋ nɛ mɔn-ɖɔnɛ nɛ mbʋ́ manɖʋwa se malakɩ yɔ nɛ me-lidaʋ wɛnaʋ nɛ mɔ-hɔyɛ ɖɔkʋʋ nɛ mɔn-sɔɔlɩm nɛ man-tɩ ɖɔkʋʋ

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Yohanɛɛsɩ 3:18

Men-piya! Pɩfɛyɩ se ɖɩsɔɔlɩ ɖa-taabalaa nɛ nɔsɩ yem, ɛlɛ́, pʋwɛɛ se ɖɩsɔɔlɩ-wɛ nɛ ɖa-lakasɩ toovenim taa.