2 Kɔrɛntɩ 6:4 - New Testament

⁴ Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.

2 Kɔrɛntɩ 6:4 ပူးပေါင်းရင်းမြစ်များ

Luka 21:19

Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ camɩyɛ nɛ ihiɣ ñʋʋ yabʋ.»

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Tʋma Labʋ 20:34

Mɩ-maɣmaɣ ɩnawa se malabɩ tʋmɩyɛ nɛ ma-maɣmaɣ me-nesi nɛ mehiɣ mbʋ́ pɩtɛɖaɣ ma nɛ man-taabalaa yɔ.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Room 16:10

Ɩsɛɛ Apelɛɛsɩ weyi pɩtɩŋnɩ takʋʋ yɔɔ nɛ ɛwɩlɩ se ɛwɛnɩ lidaʋ Krɩstʋ yɔɔ siŋŋ yɔ. Ɩsɛɛ ɖɔɖɔ Aristoobuuli hɔʋ taa ñɩma.

Room 3:5

Mbʋ́ ɖɩlakɩ nɛ pɩtatʋʋzɩ yɔ, ḿbʋ́ wɩlɩɣnɩ se Ɛsɔ tʋʋzaa. Yee ḿbʋ́ lɛ, pʋwɛɛ se ɖɩyɔɔdɩ ɖɔɖɔ ɛzɩ lɛlaa yɔɔdʋʋ se Ɛsɔ tatʋʋzɩ yɔ alɩwaatʋ ndʋ́ ɛhɔŋ ɖa-nɩŋgbaaŋ yɔ yaa we?

Room 5:8

Ɛlɛ́, Ɛsɔ ñawɩlɩ-ɖʋ ɛzɩma mbʋ́ ɛsɔɔlɩ-ɖʋ yɔ. Mbʋ́ pʋyɔɔ yɔ, alɩwaatʋ ndʋ́ ɖɩɩkɛ kɩwɛɛkɩm laɖaa yɔ eyeba nɛ Krɩstʋ sɩ ɖɔ-yɔɔ.

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

1 Kɔrɛntɩ 4:1

Pʋwɛɛ se ɛyáa ɛtɩlɩ se Krɩstʋ tiyiyaa ɖa, ɖɩkɛ ɛ-tʋmlaɖaa. Ɛsɔ ɖʋzɩ e-toovenim mbʋ́ pɩɩwɛ mɛsaɣ tɛɛ yɔ ɖe-nesi taa se ɖɩwɩlɩ ɛyáa.

1 Kɔrɛntɩ 9:11

Đisusi-mɩ Ɛsɔtɔm nɛ tɩwɛɛ mɩ-taa ɛzɩ poɖuu ɖomaɣ hayɩm taa yɔ. Pʋ-yɔɔ lɛ, ɖɩɩɖɛlɛsɩɣ niye alɩwaatʋ ndʋ́ ɖɩpɔzʋʋ-mɩ se ɩha-ɖʋ mbʋ́ ɖɩcakɩnɩ wezuu yɔ.

2 Kɔrɛntɩ 11:23

Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.

2 Kɔrɛntɩ 11:27

Malabɩ tʋma wena awɛ kaɖɛ yɔ nɛ pɩnɩ-m siŋŋ. Nabʋyʋ taa lɛ, mancaɣnɩ mɛ-ɛsɛ nɛ ñɔɔsɩ nɛ lɔkɔtʋ pakʋ-m. Nabʋyʋ taa lɛ, mɛwɛɛ nɔɔ hɔkʋʋ yɔɔ. Mantaawɛnɩ wondu se monsuu nɛ niŋkaɣ kʋ-m.

2 Kɔrɛntɩ 11:9

Maawɛ mɩ-tɛ nɛ mɛwɛɛ liidiye kʋñɔŋ taa lɛ, mantasʋlʋmɩ mɩ-taa nɔɔyʋ pʋyʋ. Ɛlɛ́, Yesu ŋgbɛyɛ taa ñɩma mbá palɩnɩ Masedonii egeetiye taa nɛ pɔkɔɔ yɔ, ḿbá hanɩ-m mbʋ́ pɩtɛɖaɣ-m yɔ. Maaɖɔkɩ man-tɩ pɩtɩŋa pɩ-taa se mantaakɛnɩ-mɩ sʋʋtʋ, mɔnɖɔkʋʋ man-tɩ ḿbʋ́ ɖɔɖɔ.

2 Kɔrɛntɩ 12:10

Pʋ-yɔɔ man-taa hʋlʋmɩnɩ ɛjandʋ nɛ tʋtʋ nɛ tɛɖʋʋ nɛ wayɩ wɛʋ kaŋ kaŋ nɛ siziŋ weyi manɩɣ Krɩstʋ nʋmɔʋ taa yɔ. Mbʋ́ pʋyɔɔ yɔ, alɩwaatʋ ndʋ́ mɛwɛɣ ɛjandʋ taa yɔ mɛwɛɣ ɖoŋ.

2 Kɔrɛntɩ 12:12

Alɩwaatʋ ndʋ́ malakaɣ tʋmɩyɛ mɩ-tɛ yɔ, mɔnɖɔkaɣ man-tɩ pɩtɩŋa pɩ-taa nɛ Ɛsɔ tɩŋɩɣnɩ mɔ-yɔɔ nɛ ɛlakɩ ɛ-hama lakasɩ ndɩ ndɩ. Ḿbʋ́ wɩlɩɣna se mɛnkɛ Krɩstʋ tiyiyu.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 3:6

Eyeba ɖɔɖɔ se ɖɩkɛ nɔɔ haʋ kɩfam tʋmlaɖaa. Nɔɔ haʋ kɩfam ḿbʋ́, pɩtɛkɛ paɣtʋ ndʋ́ paamawa yɔ. Ɛlɛ́, pɩkɛ mbʋ́ pɩlɩnɩ Fezuu Kiɖeɖeu cɔlɔ yɔ. Mbʋ́ pʋyɔɔ yɔ, paɣtʋ yeki nɛ ɛyáa sɩkɩ. Ɛlɛ́, Fezuu Kiɖeɖeu ñahaɣ wezuu.

2 Kɔrɛntɩ 4:17

Mbʋ́ pʋyɔɔ yɔ, kʋñɔmɩŋ cikpeŋ weyi ɖɩtɔkɩ ɖe-wezuu caɣʋ taa yɔ, ɩhaɣ-ɖʋ koboyaɣ sɔsɔɔ ŋgá kakɩlɩ ɩtɩŋa payɩ nɛ kaatɛŋ wiɖiyi kaʋ yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 4:8

Ɛyáa cɔ-ɖʋ pata nɛ panazɩɣ-ɖʋ, ɛlɛ́, pɩtakɩlɩ-ɖʋ. Đɩɩnaɣ se ɖɩla ɛzɩma, ɛlɛ́, ɖɩtɔlɔ liu.

2 Kɔrɛntɩ 7:11

Ɛsɔ tɩŋnɩ ɛzɩma mbʋ́ mɩ-laŋa wɛɛkaa yɔ pʋ-yɔɔ, ɩɩnaɣ mbʋ́ pɩlɩ-mɩ pɩ-taa yɔ: ɩcɔnɩ ɩna ɛzɩma mbʋ́ ɩmaɣzɩɣ pɩtɩŋa pʋ-yɔɔ camɩyɛ yɔ! Ɩcɔnɩ ɩna ɛzɩma mbʋ́ ɩpɩzɩɣ ɩlʋkɩ mɩ-tɩ yɔɔ yɔ! Ɩcɔnɩ ɩna ɛzɩma mbʋ́ fɛyɛ kpaɣ-mɩ nɛ mbʋ́ pɩtɛkɛdɩ yɔ! Ɩcɔnɩ ɩna ɛzɩma mbʋ́ sɔɔndʋ kpaɣ-mɩ yɔ! Ɩcɔnɩ ɩna ɛzɩma mbʋ́ mi-liu wɛɛ se ɩtasɩ-m naʋ yɔ! Ɩcɔnɩ ɩna ɛzɩma mbʋ́ pɩlakɩ-mɩ hʋnʋm yɔ! Ɩcɔnɩ ɩna ɛzɩma mbʋ́ ɩhɔm kɩwɛɛkɩm laɖʋ nɩŋgbaŋʋʋ yɔ! Ɩwɩlɩ pɩtɩŋa pɩ-taa se ɩtɛwɛɛkɩ pʋyʋ tɔm ńdʋ́ tɩ-taa.

Koloosi 1:11

Ḿbʋ́ yekina nɛ pɩtɩŋnɩ e-ɖoŋ koboyaɣ ñɩŋ yɔɔ nɛ ɩkpa ɖoŋ siŋŋ nɛ ɩpɩzɩ ɩñaɣ pana nɛ ɩɖɔkɩ mɩ-hɔ pɩtɩŋa pɩ-taa nɛ

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 3:7

Pʋ-yɔɔ lɛ, taabalaa, paa ɖɩnɩɣ siziŋ nɛ ɖɩtɔkɩ kʋñɔmɩŋ yɔ, ɖa-laŋɩyɛ hɛnɩ-mɩ mi-lidaʋ wɛnaʋ yɔɔ.

1 Tesalooniki 5:14

Taabalaa! Đɩsazɩɣ-mɩ se ɩka fendinaa ñʋŋ taa nɛ ɩtasɩ lɛɣtʋ mbá pitibi po-toma taa yɔ. Ɩsɩnɩ ajamaa nɛ ɩɖɔkɩ mɩ-hɔ nɛ paa weyi.

1 Timootee 2:15

Paa ḿbʋ́ yɔ, halaa lʋlʋʋ piya nɛ Ɛsɔ ya pa-ñʋʋ. Ɛlɛ́, pʋwɛɛ se pɛwɛnɩ lidaʋ ɛ-yɔɔ tam ḿbʋ́ nɛ pɔsɔɔlɩ ɛyáa nɛ pɛwɛɛ cɩɖɩcɩɖɩ Ɛsɔ ɛnʋ ɛ-ɛsɩndaa. Pataaɖɛlɛsɩ niye.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

1 Timootee 6:11

Weyi ña ŋkɛ Ɛsɔ ɛyʋ yɔ, koli pɩtɛ lakasɩ ńzɩ́. Ñɩnɩ mbʋ́ pʋtʋʋzaa yɔ nɛ ŋñɩnɩ ɖɔɖɔ se ŋla mbʋ́ Ɛsɔ liu wɛɛ yɔ. Ñaɣ pana nɛ ŋwɛnɩ lidaʋ Ɛsɔ yɔɔ ḿbʋ́ nɛ ŋsɔɔlɩ ɛyáa nɛ ŋɖɔkɩ ña-tɩ nɛ ŋwɛɛ leleŋ.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 2:24

Ŋgʋ́, pɩfɛyɩ se Kɩpaɣlʋ tʋmlaɖʋ nɛ nɔɔyʋ poyoo. Pʋwɛɛ se ɛla ɛyáa tɩŋa mbʋ́ pʋwɛ ɖeu yɔ nɛ ɛpɩzɩ ɛwɩlɩɣ tɔm nɛ ɛɖɔkʋʋ ɛ-hɔyɛ.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.