2 Kɔrɛntɩ 6:16 - New Testament

¹⁶ Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

2 Kɔrɛntɩ 6:16 ပူးပေါင်းရင်းမြစ်များ

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

Maatiyee 6:24

Yesu tasɩ-wɛ heyuu se: «Nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔma, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsa Ɛsɔ nɛ ɩtɛ ɩwɛnɩ liidiye laɣzaɣ.»

Luka 5:36

Pʋwayɩ lɛ, etuu-wɛ eduuye se: «Paacɩyɩɣ wonuu kɩfalʋʋ hɔɔlaɣ nɛ pɔtɔnɩ kɩbɩnʋʋ. Palabɩ ḿbʋ́ yɔ, pɛwɛɛkɩɣ kɩfalʋʋ. Piyele hɔɔlaɣ kɩfalaɣ ɛɛmʋʋnɩ wonuu kɩbɩnʋʋ ɖɔɖɔ.

Yohanɛɛsɩ 14:23

Yesu cosi-i se: «Weyi ɛsɔɔlɩ-m yɔ, ɛɖɔŋ mɔn-tɔm yɔɔ. Man-Caa sɔɔlʋʋ-ɩ nɛ ma nɛ ɩ ɖiwolo ɖɩwɛɛ pʋdʋ tɛ.

Yohanɛɛsɩ 6:56

Weyi ɛtɔkɩ mon-tomnaɣ nɛ ɛñɔɔ man-calɩm yɔ, ma nɛ ɩ ɖɩwɛ ɖama taa.

Room 8:11

Yee Ɛsɔ weyi efezi Yesu nɛ ɛlɩɩnɩ sɩɖaa taa yɔ e-Fezuu Kiɖeɖeu ɛwɛ mɩ-cɔlɔ lɛ, ɛzɩma ɛɛpɩzɩɣ ɛtɩŋnɩ e-Fezuu Kiɖeɖeu ŋgʋ́ kɩwɛ mɩ-cɔlɔ yɔ kɩ-yɔɔ nɛ efezi ɖɔɖɔ mi-tomnasɩ nzɩ́ sɩsɩkɩ yɔ?

Room 8:9

Mɩ lɛ, ɩɩcakɩ wezuu ɛzɩ pɩkɛdɩnaʋ mɩ-maɣmaɣ yɔ, ɩcakɩ-kʋ ɛzɩ pɩkɛdɩnaʋ Fezuu Kiɖeɖeu yɔ. Mbʋ́ pʋyɔɔ yɔ, Fezuu Kiɖeɖeu wɛ mɩ-cɔlɔ. Yee Krɩstʋ Fezuu ɛfɛyɩ nɔɔyʋ cɔlɔ yɔ, ɛtɛkɛ Krɩstʋ tʋ.

Room 9:26

Nɛ ɖenɖe paaheyi ɛyáa se: ‹Ɩtɛkɛ ma-ñɩma yɔ,› peeɖe maɣmaɣ pɔkɔŋ-wɛ yaʋ se Ɛsɔ weyi ɛwɛ wezuu yɔ e-piya.»

1 Kɔrɛntɩ 10:21

Ɩɩpɩzɩɣ ɩñɔɔ Kɩpaɣlʋ sʋlʋm caɖaɣ nɛ ɩtɛ ɩñɔɔ aleewaa ñɩmbʋ caɖaɣ. Mɩ nɛ Kɩpaɣlʋ ɩɩpɩzɩɣ ɩkpɛndɩ ɩtɔɔ nɛ mɩ nɛ aleewaa ɩtɛ ɩkpɛndɩ ɩtɔɔ ɖɔɖɔ.

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 2:22

Ɛ-yɔɔ mɩ ɖɔɖɔ ɩwɛ mbá pamanɩ-kɛ se Ɛsɔ ɛtɩŋnɩ e-Fezuu Kiɖeɖeu yɔɔ nɛ ɛwɛɛ ka-taa yɔ pa-taa.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

2 Timootee 1:14

Đɔkɩ pʋyʋ kɩbanʋ weyi Ɛsɔ tɩŋnɩ e-Fezuu Kiɖeɖeu ŋgʋ́ kɩwɛ ɖa-taa yɔ kʋ-yɔɔ nɛ ɛ́ɖʋzɩ ñe-nesi taa yɔ nesi naalɛ kpam.

Ebree 3:6

Piyele Krɩstʋ lɛ, ɛ́lɛ́ ñalabɩ ɛ-ñɩnɖɛ camɩyɛ ɛzɩ abalɩbɩɣa ŋgá kɔcɔŋnɩ ka-caa ɖɩɣa yɔɔ yɔ. Yee ɖɩwɛɛ nɛ sɔɔndʋ ɛɛkpaɣ-ɖʋ nɛ ɖɩɖɔkɩ ɖe-lidaʋ wɛnaʋ mbʋ́ pʋkɔŋ labʋ yɔ pɩ-taa yɔ, pʋbʋ, ɖɩkɛ ɛ-ɖɩɣa taa ñɩma. Ḿbʋ́ ɖa-taa hʋlʋmɩnaa.

Ebree 8:10

Kɩpaɣlʋ tasɩ yɔɔdʋʋ se: Ɩɩnaɣ nɔɔ haʋ mbʋ́ mɔnkɔŋ ɖʋʋ ma nɛ Izrɛɛlɩ ñɩma ɖɛ-hɛkʋ taa kɩyakɩŋ ɩnʋ ɩ-wayɩ yɔ. Manɖʋʋ man-paɣtʋ pa-lɩmaɣza taa. Mamaɣ-tʋ ɖɔɖɔ pa-laŋa taa. Mɛnkɛɣ pɛ-Ɛsɔ nɛ ḿbá kɛ ma-ñɩma.

Yakubu 4:5

Ɩmaɣzɩɣ se Ɛsɔtɔm Takayaɣ taa tɔm tʋnɛ, tɩfɛyɩ wazaɣ naa we? Ńdʋ́ lɛ se: «Ɛsɔ ñɩnɩɣ fezuu ŋgʋ́ ɛha-ɖʋ yɔ nɛ sʋsɩ.»

1 Pɩyɛ 2:5

Pʋwɛɛ se ɩwɛɛ ɛzɩ pɛɛ wena awɛ wezuu yɔ. Ana Ɛsɔ kpakɩɣ nɛ ɛtɩŋnɩ e-Fezuu Kiɖeɖeu yɔɔ nɛ ɛmanɩ ɛ-ɖɩɣa. Peeɖe ɩkɛɣ cɔjɔnaa mbá ɛlɩzɩ-wɛ nɛ patɩŋɩɣnɩ Yesu Krɩstʋ yɔɔ nɛ palaɣ-ɩ kɩlaŋ weyi paanaɣ nɛ e-liu wɛɛ-ɩ yɔ.

1 Yohanɛɛsɩ 4:12

Nɔɔyʋ tana Ɛsɔ wiɖiyi kaʋ. Ɛlɛ́, yee ɖɩsɔɔlɩ ɖama yɔ, pɩwɩlɩɣ se ɖa nɛ ɩ ɖɩkpɛndaa nɛ ɛ-sɔɔlɩm wɛɛ ɖa-taa siŋŋ.

1 Yohanɛɛsɩ 4:15

Yee nɔɔyʋ ɛkaɖɩ kpayɩ se Yesu lɛ Ɛsɔ Pɩyalʋ yɔ, pɩwɩlɩɣ se ɛ nɛ Ɛsɔ pɛwɛ ɖama taa.

Wɩlʋʋ 2:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Efɛɛzɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɔnɖɔkɩ tɩɩnzɩ ńzɩ́ sɩ-lʋbɛ me-nesi kɩbanzɩ taa nɛ mɔnɖɔŋ sika kanɖʋnaa ḿbá pa-lʋbɛ pɛ-hɛkʋ taa yɔ, mɔntɔŋna se:

Wɩlʋʋ 21:3

Pɩkɛdaa lɛ, manɩɩ puholuuni kewiyaɣ kpelaɣ yɔɔ se: «Lɛɛlɛɛyɔ Ɛsɔ ɖɩɣa wɛ ɛyáa cɔlɔ! Ɛcakɩ pɔ-cɔlɔ nɛ pɛkɛ ɛ-ñɩma. Ɛ-maɣmaɣ ɛwɛɣ pɔ-cɔlɔ.

Wɩlʋʋ 21:7

Weyi ɛwakɩ yɔ, malakɩ-ɩ kʋjɔʋ ŋ́gʋ́. Mɛnkɛɣ ɛ-Ɛsɔ nɛ ɛkɛ man-pɩɣa.