2 Kɔrɛntɩ 6:14 - New Testament

¹⁴ Mɩ nɛ mbá paañaŋ Krɩstʋ yɔ, ɩtaakpɛndɩ. Mbʋ́ pʋyɔɔ yɔ, ɛzɩma mbʋ́ pʋtʋʋzaa yɔ nɛ mbʋ́ pɩtatʋʋzɩ yɔ pɩpɩzɩɣ pɩkpɛndɩ? Ɛzɩma ñalɩmɩyɛ nɛ cɩkpɛndʋʋ papɩzɩɣ pɛkpɛndɩ?

2 Kɔrɛntɩ 6:14 ပူးပေါင်းရင်းမြစ်များ

Yohanɛɛsɩ 7:7

Kedeŋa ñɩma ɛɛpaɖɩɣ-mɩ, ɛlɛ́, ma papaɖɩɣ. Mbʋ́ pʋyɔɔ yɔ, malɩzɩɣ aseɣɖe se mbʋ́ palakɩ yɔ, pɩfɛyɩ ɖeu.

Tʋma Labʋ 4:23

Peyebi Pɩyɛ nɛ Yohanɛɛsɩ lɛ, powolo pɛ-ɛgbaɣdɩnaa cɔlɔ nɛ pɛkɛdɩ-wɛ tɔm ndʋ́ tɩtɩŋa cɔjɔnaa sɔsaa nɛ ɛjaɖɛ taa sɔsaa peheyi-wɛ yɔ.

1 Kɔrɛntɩ 10:21

Ɩɩpɩzɩɣ ɩñɔɔ Kɩpaɣlʋ sʋlʋm caɖaɣ nɛ ɩtɛ ɩñɔɔ aleewaa ñɩmbʋ caɖaɣ. Mɩ nɛ Kɩpaɣlʋ ɩɩpɩzɩɣ ɩkpɛndɩ ɩtɔɔ nɛ mɩ nɛ aleewaa ɩtɛ ɩkpɛndɩ ɩtɔɔ ɖɔɖɔ.

1 Kɔrɛntɩ 15:33

Ɩtaayele nɛ nɔɔyʋ cɛtɩ-mɩ: «Ɛgbaɣdɩyɛ kɩdɛkɛdɩyɛ lesiɣ lakasɩ kɩbanzɩ.»

1 Kɔrɛntɩ 5:9

Takayaɣ ŋgá maama-mɩ yɔ, maaheyi-mɩ ka-taa se mɩ nɛ acɛyɛ laɖaa ɩtaaɖɔ.

1 Kɔrɛntɩ 6:6

Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

1 Kɔrɛntɩ 7:39

Halʋ ɛtɛm walʋʋ abalʋ yɔ, pʋwɛɛ se ɛwɛɛ ɛ-yɔɔ ḿbʋ́ alɩwaatʋ ndʋ́ abalʋ ɛnʋ ɛwɛnɩ ɛ-ɛsɛ yɔ. Yee abalʋ ɛnʋ ɛsɩba yɔ, ɛpɩzɩɣ ɛwalɩ weyi e-liu wɛɛ yɔ. Ɛlɛ́, pʋwɛɛ se pʋdʋ ɛkɛ weyi ɛ nɛ Kɩpaɣlʋ pɛkpɛndaa yɔ.

Filiipu 2:15

Ɩla ḿbʋ́ nɛ pataana kawanaɣ nakɛyɛ mɩ-yɔɔ nɛ ɩwɛɛ cɩɖɩcɩɖɩ nɛ ɩkɛ Ɛsɔ piya nzɩ́ paanaɣ sɩ-yɔɔ kɩwɛɛkɩm nabʋyʋ yɔ kedeŋa yɔɔ cɩnɛ ɛyáa azaɣ́a nɛ kɩtatʋʋzɩŋ pɛ-hɛkʋ taa. Mɩ lɛ ñalɩmɩyɛ pɛ-hɛkʋ taa ɛzɩ ɛsɔdaa tɩɩnzɩ yɔ.

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.