2 Kɔrɛntɩ 6:13 - New Testament

¹³ Pʋ-yɔɔ mɔyɔɔdʋʋnɩ-mɩ ɛzɩ men-piya yɔ: ɩsɔɔlɩ-ɖʋ ɛzɩ ɖɩsɔɔlʋʋ-mɩ yɔ.

2 Kɔrɛntɩ 6:13 ပူးပေါင်းရင်းမြစ်များ

Maarkɩ 11:24

Pʋ-yɔɔ meheyiɣ-mɩ se mbʋ́ pɩtɩŋa ɩsʋlʋmʋʋ Ɛsɔ yɔ, ɩwɛnɩ lidaʋ se paa pɩɩla ɛzɩma, ɛhaɣ-mɩ-pʋ. Pʋbʋ, pɩlakɩ ḿbʋ́ ɖɔɖɔ.

Galaatɩ 4:12

Taabalaa! Mentendiɣ-mɩ se mɩ-wɛtʋ ɛwɛɛ ɛzɩ ma-ñɩndʋ yɔ, mbʋ́ pʋyɔɔ yɔ, ma ɖɔɖɔ mɛwɛ ɛzɩ mɩ yɔ. Ɩtalabɩ-m kɩdɛkɛdɩm nabʋyʋ.

Galaatɩ 4:19

Men-piya! Mantasɩɣ nɩʋ siziŋ mɩ-yɔɔ ɛzɩ halʋ lʋlʋʋ yɔ nɛ pʋkɔɔ pɩsɩɩnɩ alɩwaatʋ ndʋ́ ɩtɛzɩ pɩʋ nɛ ɩwɛɛ ɛzɩ Krɩstʋ yɔ.

1 Tesalooniki 2:11

Ɩnawa ɖɔɖɔ se ɖa nɛ mɩ-taa paa weyi pɩɩwɛ ɛzɩ caja nɛ e-piya yɔ.

1 Yohanɛɛsɩ 2:1

Men-piya! Mamaɣ-mɩ takayaɣ kanɛ se ɩtaala kɩwɛɛkɩm. Ɛlɛ́, yee pɩlabɩ se nɔɔyʋ labɩ kɩwɛɛkɩm yɔ, pʋdʋ ɛtɩlɩ se nɔɔyʋ wɛ Caa Ɛsɔ cɔlɔ nɛ etendiɣ-i se ekpeɣ-ɖʋ ɖa-kɩwɛɛkɩm. Ɛnʋ lɛ Yesu Krɩstʋ, ɛtʋʋzaa.

1 Yohanɛɛsɩ 3:18

Men-piya! Pɩfɛyɩ se ɖɩsɔɔlɩ ɖa-taabalaa nɛ nɔsɩ yem, ɛlɛ́, pʋwɛɛ se ɖɩsɔɔlɩ-wɛ nɛ ɖa-lakasɩ toovenim taa.

1 Yohanɛɛsɩ 3:7

Men-piya! Itaayele nɛ nɔɔyʋ cɛtɩ-mɩ kaʋ! Weyi ɛlakɩ mbʋ́ pʋtʋʋzaa yɔ, ɛkɛ kʋtʋʋzʋ ɛzɩ Yesu Krɩstʋ yɔ.

3 Yohanɛɛsɩ 1:4

Yee manɩwa se men-piya ɖɔŋ toovenim nʋmɔʋ taa yɔ, man-taa hʋlʋmʋʋ pɩtɩɩfɛyɩ. Nabʋyʋ fɛyɩ se pɩkɛdɩɣnɩ-m nɛ pɩkɩlɩ ḿbʋ́.