2 Kɔrɛntɩ 6:10 - New Testament

¹⁰ Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

2 Kɔrɛntɩ 6:10 ပူးပေါင်းရင်းမြစ်များ

Maatiyee 5:12

Mɩ-taa ɛhʋlʋmɩ nɛ ɩmayɩ amaya, mbʋ́ pʋyɔɔ yɔ, mɩ-kɩhɛyʋʋ ɖɔ Ɛsɔ cɔlɔ pɩtɩɩfɛyɩ. Meheyiɣ-mɩ se ḿbʋ́ paawɛ náyaa mbá pɛlɛyɩ-mɩ kɔm yɔ pa-wayɩ kaŋ kaŋ.»

Maatiyee 5:4

Mbá pɛ-ɛsɛ ñɩŋaa yɔ, pehiɣ pa-tɩ! Mbʋ́ pʋyɔɔ yɔ, Ɛsɔ kɔŋ pa-laŋa hɛzʋʋ.

Luka 6:21

Mbá mɩ ñɔɔsɩ wɩɣ-mɩ lɛɛlɛɛyɔ yɔ, ihiɣ mɩ-tɩ! Mbʋ́ pʋyɔɔ yɔ, ɩkɔŋ haɣʋ! Mbá mɩ iwiɣ lɛɛlɛɛyɔ yɔ, ihiɣ mɩ-tɩ! Mbʋ́ pʋyɔɔ yɔ, ɩkɔŋ woŋuu.

Yohanɛɛsɩ 16:22

Mɩ ɖɔɖɔ lɛ, mɩ-laŋa wɛɛkɩ lɛɛlɛɛyɔ. Ɛlɛ́, mankaɣ-mɩ tasʋʋ naʋ nɛ ahʋlʋmɩ, nɔɔyʋ ɛɛpɩzɩɣ ɛwɛɛkɩ-yɛ ɖɔɖɔ kaʋ.

Tʋma Labʋ 16:25

Pɩkɛdɩ ɖoó hɛkʋ taa lɛ, Pɔɔlɩ nɛ Silaasɩ pɛsɛɣ Ɛsɔ nɛ pasaŋ-ɩ nɛ hendu nɛ salaka tɩnaa lɛlaa welesiɣ.

Tʋma Labʋ 3:6

Ɛlɛ́, Pɩyɛ heyi-kɛ se: «Mɛnfɛyɩnɩ liidiye yaa sika, ɛlɛ́, mahaɣ-ŋ mbʋ́ mɛwɛna yɔ: Nazarɛɛtɩ tʋ Yesu Krɩstʋ ɖoŋ taa lɛ, kʋyɩ ŋɖɔ!»

Tʋma Labʋ 5:41

Ɛlɛ́, tiyiyaa ḿbá pakʋyɩ pɔ-cɔlɔ nɛ palɩɩnɩ laŋhʋlʋmɩyɛ. Mbʋ́ pʋyɔɔ yɔ, Ɛsɔ nawa se pamʋnaa se pɔtɔɔ kʋñɔŋ Yesu yɔɔ.

Room 11:12

Mbá pɛtɛkɛ Yuda ñɩma yɔ, Yuda ñɩma ɛzaɣ́tʋ nɛ pɔ-tɔlʋʋ pɔ-yɔɔ pehiɣ Ɛsɔ ñɩm. Yee pɩkɛ ḿbʋ́ lɛ, ɛzɩma pʋwɛɣ alɩwaatʋ ndʋ́ patɩŋa payɩ papɩsɩɣ ñʋʋ yabʋ nʋmɔʋ taa yɔ?

Room 12:15

Mɩ nɛ mbá pamayɩɣ amaya yɔ, ɩkpɛndɩ ɩmayɩ. Mɩ nɛ mbá paba wiliɣ yɔ, ɩkpɛndɩ iwili.

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

Room 9:2

toovenim ḿbʋ́ lɛ se: mɔ-hɔyɛ pɩsaa siŋŋ nɛ pʋwɛɛ pɩcɛyɩɣ-m.

1 Kɔrɛntɩ 1:5

Toovenim lɛ, mɩ-kpɛndʋʋ ḿbʋ́ pʋ-yɔɔ ɩpɩsɩ ñɩm tɩnaa. Ɛsɔ ha-mɩ pɩtɩŋa payɩ. Kɔzɩkɔzɩ eyebu nɛ ɩtɩlɩ toovenim nɛ isusuu ɛ-tɔm yɔ.

2 Kɔrɛntɩ 2:4

Mama-mɩ takayaɣ ŋ́gá nɛ ɛsɛñɩŋɩyɛ siŋŋ nɛ laŋpɩsɩyɛ nɛ ɛsɩtɛɣlɩm. Mantama-mɩ se mɩ-hɔ ɛpɩsɩ. Ɛlɛ́, mancaɣaɣ se ɩtɩlɩ ɛzɩma mbʋ́ mɔnsɔɔlɩ-mɩ siŋŋ yɔ.

2 Kɔrɛntɩ 4:15

Mɩ-yɔɔ pɩtɩŋa payɩ pɩlakɩ ḿbʋ́ se Ɛsɔ ɛtɩŋnɩ e-lootiye yɔɔ nɛ ɛya ɛyáa sakɩyɛ ñʋʋ. Ɛlakɩ ḿbʋ́ se mbá pasaŋ-ɩ se ɛ-hɩɖɛ ɛsɛɛ yɔ, pɛtɛzɩ ɖɔʋ.

2 Kɔrɛntɩ 4:7

Đɩwɛ ɛzɩ cʋʋ pɛŋ weyi ɩ-taa wɛ ñɩm sɔsɔm ḿbʋ́ yɔ se paa weyi ɛna se ɖoŋ sɔsɔŋ ɛnʋ ɛtɛkɛ ɖa-ñɩŋ, ɛlɛ́ Ɛsɔ ñɩŋ ɛkɛnaa.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

Efɛɛzɩ 3:16

Mentendiɣ-i ḿbʋ́ se eyele nɛ pɩtɩŋnɩ e-Fezuu Kiɖeɖeu yɔɔ nɛ ɩkpa ɖoŋ siŋŋ mɩ-lɩmaɣza taa ɛzɩ e-koboyaɣ wɛʋ nɛ kɛfɛyɩ tɩnaɣ yɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Filiipu 2:17

Mi-lidaʋ ŋgʋ́ ɩwɛnɩ Ɛsɔ yɔɔ yɔ, kʋwɛ ɛzɩ kɩlaʋ ŋgʋ́ ɩlaɣ-ɩ yɔ. Pʋtɔma yɔ, pakʋʋ-m nɛ man-calɩm sɔzɩ mɩ-kɩlaʋ ŋ́gʋ́ kʋ-yɔɔ. Paa pɩlaba ḿbʋ́ yɔ, man-taa hʋlʋmʋʋ nɛ ma nɛ mɩ ɖɩmayɩ amaya.

Filiipu 4:4

Mɩ-taa ɛhʋlʋmɩ tam se mɩ nɛ Kɩpaɣlʋ ɩkpɛndaa. Mantasɩɣ-mɩ heyuu se: mɩ-taa ɛhʋlʋmɩ!

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

1 Tesalooniki 1:6

Ḿbʋ́ yebina nɛ ɩtɩŋ ɖa nɛ Kɩpaɣlʋ ɖa-nʋmɔʋ. Alɩwaatʋ ndʋ́ itisi Laŋhɛzɩyɛ Tɔm yɔ, ɩtɔɔ kʋñɔŋ siŋŋ. Ɛlɛ́, Fezuu Kiɖeɖeu kasɩnɩ-mɩ nɛ ɩwɛɛ laŋhʋlʋmɩyɛ taa.

1 Tesalooniki 5:16

Mɩ-taa ɛhʋlʋmɩ tam.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 4:13

Ɛlɛ́, pʋwɛɛ se mɩ-laŋa ɛhʋlʋmɩ se mɩ nɛ Krɩstʋ ɩtɔkɩnɩ kʋñɔŋ. Mbʋ́ pʋyɔɔ yɔ, ḿbʋ́ yekina nɛ mɩ-laŋa tɛzɩ hʋlʋmʋʋ ɖɔɖɔ siŋŋ puwiye nɖɩ́ ɛlɩzɩɣ e-koboyaɣ nɛ ɛwɩlɩ ɛyáa yɔ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!

Wɩlʋʋ 21:7

Weyi ɛwakɩ yɔ, malakɩ-ɩ kʋjɔʋ ŋ́gʋ́. Mɛnkɛɣ ɛ-Ɛsɔ nɛ ɛkɛ man-pɩɣa.