2 Kɔrɛntɩ 6:1 - New Testament

¹ Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

2 Kɔrɛntɩ 6:1 ပူးပေါင်းရင်းမြစ်များ

Maatiyee 23:37

Pʋwayɩ lɛ, Yesu heyi Yeruusalɛm ñɩma se: «Hei! Yeruusalɛm ñɩma mɩ, ɩkʋʋ náyaa nɛ ɩyakɩ mbá Ɛsɔ tiyini-mɩ yɔ pɛɛ nɛ pasɩkɩ. Tam ɛzɩma mɔntɔsɔɔlɩ se menkpeɣli-mɩ mɔn-cɔlɔ nɛ mohuuzi mɩ-yɔɔ nɛ pʋyʋ ɛtaalabɩ-mɩ ɛzɩ ɖoyuu papʋʋ kɩ-kalɩmasɩ yɔɔ yɔ nɛ ikizi?

Tʋma Labʋ 11:23

Ɛtalaa lɛ, ɛna ɛzɩma mbʋ́ Ɛsɔ labɩ lootiye mbá pɛwɛnɩ lidaʋ Krɩstʋ yɔɔ yɔ nɛ ɛ-taa hʋlʋmɩ nɛ ɛsazɩ patɩŋa payɩ se pɔ́ɖɔ́kɩ Kɩpaɣlʋ nɛ laŋɩyɛ kʋɖʋmɖɩyɛ kpam.

Tʋma Labʋ 14:3

Paa ḿbʋ́ yɔ, paacaɣ Ikoniyɔm peeɖe ka ka nɛ posusuu ɛzɩma mbʋ́ Kɩpaɣlʋ lakɩ ɛyáa lootiye yɔ kaalɛyɩtʋ. Eyeba nɛ pawɩlɩ kawɩlɩsɩ nɛ pala hama lakasɩ nɛ pɩwɩlɩ se tɔm ńdʋ́ posusuu yɔ, tɩkɛ toovenim.

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

Galaatɩ 2:21

Ma lɛ, maayeki nɛ Ɛsɔ lootiye pɩsɩ aleɣwondu kaʋ. Yee nɔɔyʋ ɛpɩzɩɣ ɛkɛ kʋtʋʋzʋ Ɛsɔ ɛsɩndaa se ɛɖɔŋ paɣtʋ yɔɔ yɔ, pʋbʋ Krɩstʋ sɩbɩ falaa yem.

Galaatɩ 3:4

Ɩmaɣzɩɣ se ɩtɔɔ kʋñɔmɩŋ ɩnʋ falaa yaa we? Pɩɩpɩzɩɣ pɩla ḿbʋ́.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

Tiiti 2:11

Mbʋ́ pʋyɔɔ yɔ, Ɛsɔ yeba nɛ ɛyáa na e-lootiye. Đɩ-taa patɩŋa payɩ pa-ñʋʋ yabʋ lɩɣna.

Ebree 12:15

Ɩcɔnɩ ɖama yɔɔ camɩyɛ nɛ mɩ-taa nɔɔyʋ ɛtaakɔɔ ɛha lootiye nɖɩ́ Ɛsɔ labɩ-mɩ yɔ siɣ́ye. Mɩ-taa nɔɔyʋ ɛtaawɛɛ ɛzɩ tɩʋ ñaŋ ñɩŋgʋ ŋgʋ́ kɩwɛɛ nɛ kʋ-sɔtʋ ɖɛɣ ɛyáa sakɩyɛ nɛ tɩwɛɛkɩɣ-wɛ yɔ.

Ebree 12:25

Yee ḿbʋ́, ɩɖɔkɩ mɩ-tɩ! Ɩtaakizi se iiwelesiɣni Ɛsɔ weyi ɛyɔɔdʋʋnɩ-mɩ yɔ. Mbʋ́ pʋyɔɔ yɔ, Izrɛɛlɩ ñɩma kizaa se paawelesiɣni weyi eheyaɣ-wɛ kedeŋa yɔɔ cɩnɛ mbʋ́ ɛwɩlɩ-ɩ yɔ nɛ patatʋlɩ nɩŋgbaŋʋʋ hɔm taa. Pʋ-yɔɔ lɛ, yee ɖa ɖahaɣ siɣ́ye weyi ɛyɔɔdʋʋnɩ-ɖʋ nɛ ɛsɔdaa yɔ yɔ, ɖɩɩpɩzɩɣ ɖɩlɩɩ pɩ-taa ɖɔɖɔ.

Ebree 4:1

Ɛsɔ tɛm ɖʋʋ se ɖɩpɩzɩɣ ɖɩsʋʋ ɖenɖe ɛñɔɔzɩ-ɖʋ ɖɩhɛzɩyɛ yɔ. Pʋ-yɔɔ lɛ, ɩkpa mɩ-tɩ nɛ pɩtaakɔɔ pɩla se pucoɖi mɩ-taa nɔɔyʋ se ɛɛsʋʋ peeɖe.

1 Pɩyɛ 4:10

Ɛsɔ labɩ paa mɩ-taa weyi kʋjɔʋ nɛ kɩ-ndɩ se ɛla tʋma ndɩ ndɩ. Pʋ-yɔɔ lɛ, pʋwɛɛ se paa weyi ɛkpaɣ-kʋ nɛ ɛlabɩnɩ tʋmɩyɛ camɩyɛ nɛ ɛsɩnɩ lɛlaa.