2 Kɔrɛntɩ 5:9 - New Testament

⁹ Pʋ-yɔɔ ɖɔɖɔ ɖɩwɛɛ ɖɩlʋkɩ se paa ɖɩɩwɛ cɩnɛ yaa peeɖe yɔ yɔ, ɖɔ-tɔm ɛkɛdɩnɩ-ɩ.

2 Kɔrɛntɩ 5:9 ပူးပေါင်းရင်းမြစ်များ

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Tʋma Labʋ 10:35

paa anɩ, ɛtɩɩkɛ le tʋ nɛ ɛñaŋ-ɩ nɛ ɛlakɩ mbʋ́ pʋtʋʋzaa yɔ yɔ, pʋdʋ tɔm kɛdɩɣnɩ-ɩ.

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Room 14:8

Mbʋ́ pʋyɔɔ yɔ, yee ɖɩwɛ wezuu yɔ, ɖɩwɛɛ se ɖɩɖʋ Kɩpaɣlʋ hɩɖɛ. Yee ɖɩsɩkɩ yɔ, ɖɩsɩkɩ se ɖɩɖʋ-ɩ hɩɖɛ ɖɔɖɔ. Pʋ-yɔɔ lɛ, paa ɖɩwɛ wezuu yaa ɖɩsɩba yɔ, ɖɩkɛ Kɩpaɣlʋ ñɩma.

Room 15:20

Manɖʋwa siŋŋ se monsusuu Laŋhɛzɩyɛ Tɔm ɖenɖe pɔtɔyɔɔdɩdɩ Krɩstʋ tɔm yɔ nɛ mantaakɔɔ mantɩnɩ nɔɔyʋ tigiɖe yɔɔ.

1 Kɔrɛntɩ 15:58

Pʋ-yɔɔ lɛ, taabalaa kɩbama, ɩɖɔkɩ mɩ-tɩ camɩyɛ kpam. Pɩtaaliɣti-mɩ, ɩla Kɩpaɣlʋ tʋma paa ɖooye. Mbʋ́ pʋyɔɔ yɔ, mɩ-maɣmaɣ ɩtɛm naʋ se tʋma wena ɩlakɩ mɩ nɛ ɩ mɩ-kpɛndʋʋ taa yɔ, atɛkɛ falaa.

2 Kɔrɛntɩ 5:6

Pʋ-yɔɔ ɖɩtaɣ-ɩ liu paa ɖooye. Ŋgʋ́, ɖɩtɛm naʋ se yee ɖɩwɛ tomnaɣ kanɛ ka-taa ḿbʋ́ yɔ, ɖiposini Kɩpaɣlʋ ɖɩɣa.

2 Kɔrɛntɩ 5:8

Đɩtaɣ-ɩ liu siŋŋ nɛ ɖɩsɔɔlɩ se ɖɩlɩɩ tomnaɣ kanɛ ka-taa nɛ ɖiwolo ɖɩwɛɛ Kɩpaɣlʋ cɔlɔ.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

Koloosi 1:29

Pʋ-yɔɔ mankʋʋ man-tɩ nɛ tʋmɩyɛ nɛ e-ɖoŋ seɣtiɣ-m siŋŋ nɛ malʋkɩ.

1 Tesalooniki 4:1

Taabalaa! Đɩɩkpɛlɩkɩ-mɩ ɛzɩma mbʋ́ pʋwɛɛ se ɩɖɔ nɛ pɩkɛdɩnɩ Ɛsɔ yɔ. Paa pɩɩla ɛzɩma, ḿbʋ́ ɩɖɔŋ. Ɛlɛ́, tɔm ndʋ́ ɖɩtɛzɩɣnɩ-mɩ yɔ lɛ se ɖɩsazɩɣ-mɩ nɛ ɖiheyiɣ-mɩ ɖa nɛ Kɩpaɣlʋ Yesu ɖɛ-kpɛndʋʋ taa se: ɩla nɛ pɩkɩlɩ ḿbʋ́!

1 Tesalooniki 4:11

Ɩñaɣ pana nɛ ɩwɛɛ laŋhɛzɩyɛ taa fɛɛɛ nɛ ɩnɩɩnɩ mɩ-maɣmaɣ mɩ-tɔm nɛ ɩla tʋma nɛ mi-nesi ɛzɩ ɖɩtɛm-mɩ heyuu yɔ.

1 Timootee 4:10

Pʋ-yɔɔ ɖɩlakɩ tʋmɩyɛ sɩbʋ yɔɔ sɩbʋ yɔɔ nɛ ɖɩlʋkɩ. Mbʋ́ pʋyɔɔ yɔ, ɖɩtaɣ Ɛsɔ weyi ɛwɛ wezuu yɔ. Ɛkɛ ɛyáa tɩŋa payɩ ñʋʋ yaɖʋ, kɔzɩkɔzɩ mbá pɛwɛnɩ lidaʋ ɛ-yɔɔ yɔ.

Ebree 12:28

Pʋ-yɔɔ lɛ, ɖɩwɛnɩ Ɛsɔ yɔɔ ɛsɩmɩyɛ, mbʋ́ pʋyɔɔ yɔ, ɛha-ɖʋ kewiyaɣ ŋgá kɛfɛyɩ ñamsʋʋ yɔ: ɖiluŋ ɛ-tɛɛ ɛzɩ pɩkɛdɩnaʋ-ɩ yɔ nɛ ñamtʋ nɛ sɔɔndʋ.

Ebree 4:11

Pʋ-yɔɔ lɛ, ɖikpedesi nɛ ɖɩsʋʋ hɛzʋʋ ḿbʋ́ pɩ-taa nɛ ɖa-taa nɔɔyʋ ɛtaakɔɔ ɛtɔlɩ se ɛlabɩ kaañamtʋ ɛzɩ ɖɔ-cɔzɔnaa yɔ.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.