3 Mbʋ́ pʋyɔɔ yɔ, yee ɖɩsʋ ka-taa yɔ, ɖɩɩwɛɣ tombolo.
Đɔɖɔ lɛ, ɖisisiɣ kɩɖanɖʋʋ ŋ́gʋ́ kɩ-tɛɛ nɛ ɖe-liu wɛɛ kpem se Ɛsɔ ɛsʋzɩ-ɖʋ ɖa-ɖɩɣa ŋ́gá ka-taa nɛ pʋwɛɛ ɛzɩ posu-ɖʋ wondu yɔ.
Alɩwaatʋ ndʋ́ tɩtɩŋa ɖɩwɛɣ kɩɖanɖʋʋ ŋ́gʋ́ kɩ-tɛɛ yɔ, ɖisisiɣ nɛ pɩnɩɣ-ɖʋ. Mbʋ́ pʋyɔɔ yɔ, ɖɩɩcaɣ se Ɛsɔ ɛhɔzɩ tomnaɣ ŋgá ɖɩwɛ ka-taa yɔ. Ɛlɛ́, ɖe-liu wɛɛ se esuu-ɖʋ ɖɔɖɔ ɛsɔdaa ñɩŋga. Peeɖe mbʋ́ pʋwɛ wezuu yɔ, pɩlɛɣzɩɣ mbʋ́ pɩsɩkɩ yɔ pu-lone taa.
Ɛlɛ́, Kɩpaɣlʋ tɔ se: «Ɩna, montuduu-mɩ ɛzɩ mɩ́lʋ́ yɔ. Weyi ɛcakɩnɩ ɛ-ɛsɛ nɛ ɛɖaŋ e-wondu se ɛtaaɖɔ ndaakpeɖe nɛ pana ɛ-fɛyɛ yɔ, ehiɣ ɛ-tɩ!»
Pʋ-yɔɔ mantasɩɣ-wɛ tɔm se pɔkɔɔ mɔn-cɔlɔ nɛ paya sika ŋgá pɔhɔbɩ-kɛ miŋ nɛ kañɩlɩsɩɣ camɩyɛ yɔ nɛ papɩsɩ ñɩm tɩnaa. Pɔkɔɔ paya wondu kʋhʋlʋmʋtʋ nɛ posuu nɛ pataawɛɛ tombolo nɛ pana pɛ-fɛyɛ. Pɔkɔɔ paya ɖɔɖɔ kɔyɛ nɛ pelizi pɛ-ɛsɛ taa nɛ papɩzɩ pana.
