2 Kɔrɛntɩ 5:18 - New Testament

¹⁸ Ɛsɔ weyi ɛtɩŋnɩ Krɩstʋ yɔɔ nɛ ɖa nɛ ɩ ɖiceɣ yɔ, ɛ-cɔlɔ pɩtɩŋa payɩ pɩlɩnaa. Ɛnʋ ɖʋnɩ-ɖʋ se ɖiwoni ɛyáa lɛlaa ɛ-cɔlɔ nɛ pa nɛ ɩ peceɣ ɖɔɖɔ.

2 Kɔrɛntɩ 5:18 ပူးပေါင်းရင်းမြစ်များ

Luka 10:5

Yee ɩsʋ ɖɩɣa nakɛyɛ taa lɛ, iheyi ka-taa ñɩma se: ‹Ɛsɔ ɛhɛzɩ mɩ-laŋa.›

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 3:27

Yohanɛɛsɩ cosi-wɛ se: «Mbʋ́ Ɛsɔ ha ɛyʋ yɔ, pi-ɖeke koŋ ɛpɩzɩɣ ɛmʋ.

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Room 11:36

Mbʋ́ pʋyɔɔ yɔ, ɛ-cɔlɔ pɩtɩŋa pɩlɩɣna. Ɛnʋ yebina nɛ pɩtɩŋa pʋwɛɛ se pɩkɛ ɛ-ñɩm. Ɛsɔ hɩɖɛ ɛsɛɛ paa ɖooye! Pɩla ḿbʋ́!

Room 5:1

Đe-lidaʋ yɔɔ pɩtɩŋnaa nɛ Ɛsɔ pɩsɩ-ɖʋ kʋtʋʋzaa. Pʋ-yɔɔ pɩtɩŋnɩ ɖa nɛ ɖa-Kɩpaɣlʋ Yesu Krɩstʋ ɖɛ-kpɛndʋʋ yɔɔ nɛ ɖa nɛ ɩ pʋwɛɛ leleŋ.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 11:12

Mbʋ́ pʋyɔɔ yɔ, paa abalʋ yɔɔ Ɛsɔ ɛtɩŋnaa nɛ ɛla halʋ yɔ, halʋ lʋlʋʋnɩ abalʋ. Ŋgʋ́, halʋ nɛ abalʋ nɛ pɩtɩŋa payɩ Ɛsɔ cɔlɔ pɩlɩnaa.

1 Kɔrɛntɩ 12:6

Paa ɖa-tʋma labʋ ɛwɛ ndɩ ndɩ yɔ, Ɛsɔ kʋɖʋm ɛnʋ ɛhaɣnɩ ɖatɩŋa payɩ ɖoŋ se ɖɩla atɩŋa.

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

Koloosi 1:22

Ɛlɛ́, lɛɛlɛɛyɔ Ɛsɔ tɩŋnɩ ɛ-Pɩyalʋ sɩm yɔɔ nɛ mɩ nɛ ɩ iceɣ se ɛpɩzɩ ewoni-mɩ ɛ-ɛsɩndaa nɛ ɩkɛ ɛ-ñɩma nɛ ɩwɛɛ cɩɖɩcɩɖɩ nɛ pataana kawanaɣ nakɛyɛ mɩ-yɔɔ.

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

Yakubu 1:17

Mbʋ́ pɩtɩŋa pahaɣ ɛyʋ nɛ pʋwɛ ɖeu pɩtɩɩfɛyɩ yɔ, Ɛsɔ weyi ɛwɛ ɛsɔdaa yɔ ɛ-cɔlɔ pɩlɩnaa. Ɛnʋ labɩnɩ wɩsɩ nɛ fenaɣ nɛ tɩɩnzɩ. Ɛɛlɛɣzɩɣ kaʋ: ɛfɛyɩ ɛzɩ kɩlɛmʋʋ yɔ.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

1 Yohanɛɛsɩ 4:10

Mbʋ́ pɩwɩlɩɣ sɔɔlɩm ḿbʋ́ kpem yɔ lɛ se: ɛnʋ calɩnɩ-ɖʋ sɔɔlʋʋ nɛ etiyi ɛ-Pɩyalʋ se ɛkɔɔ ɛsɩ ɖɔ-yɔɔ nɛ ɛpɩzɩ ekpeɣ-ɖʋ ɖa-kɩwɛɛkɩm.