2 Kɔrɛntɩ 5:17 - New Testament

¹⁷ Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

2 Kɔrɛntɩ 5:17 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Maatiyee 24:35

Ɛsɔdaa nɛ tɛtʋ pamʋkɩ, ɛlɛ́, mɔn-tɔm ñaamʋkɩ kaʋ.»

Luka 5:38

Pɛŋ weyi ɩtɔtɔɔ yɔ, ɩ-taa posuu.

Yohanɛɛsɩ 14:20

Puwiye ńɖɩ́ ɩtɩlɩɣ se ma nɛ man-Caa ɖɩwɛ ɖama taa nɛ ma nɛ mɩ ɖɩwɛɛ ɖama taa ɖɔɖɔ.

Yohanɛɛsɩ 15:2

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Yohanɛɛsɩ 15:5

Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Yohanɛɛsɩ 3:3

Ɛlɛ́, Yesu kaɖɩ-ɩ se: «Toovenim lɛ, meheyiɣ-ŋ se yee pataɖaɣnɩ nɔɔyʋ lʋlʋʋ yɔ, ɛɛkɛɣ Ɛsɔ Kewiyaɣ taa tʋ.»

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Room 16:10

Ɩsɛɛ Apelɛɛsɩ weyi pɩtɩŋnɩ takʋʋ yɔɔ nɛ ɛwɩlɩ se ɛwɛnɩ lidaʋ Krɩstʋ yɔɔ siŋŋ yɔ. Ɩsɛɛ ɖɔɖɔ Aristoobuuli hɔʋ taa ñɩma.

Room 16:11

Ɩsɛɛ Eroodiyɔɔ weyi ɛkɛ Yuda tʋ ɖɔɖɔ ɛzɩ ma yɔ nɛ Narsiisi hɔʋ taa ñɩma mbá pɛkɛ Kɩpaɣlʋ ñɩma yɔ.

Room 16:3

Ɩsɛɛ Prisiili nɛ Akilaasɩ ɛyáa mbá ma nɛ wɛ ɖɩlakɩ Krɩstʋ Yesu tʋmɩyɛ yɔ.

Room 16:7

Ɩsɛɛ Andronikuusi nɛ Yuuniyaasɩ mbá pɛkɛ Yuda ñɩma ɖɔɖɔ ɛzɩ ma yɔ. Ma nɛ wɛ paaɖʋ salaka. Pɛkɛ Krɩstʋ tiyiyaa mbá ɛyáa sɩm-wɛ siŋŋ yɔ. Pɛkɛ Krɩstʋ ñɩma nɛ pʋcɔ pɩtalɩnɩ-m.

Room 16:9

Ɩsɛɛ ɖa-taabalʋ Urbɛɛnɩ weyi ɖa nɛ ɩ ɖɩlakɩ Krɩstʋ tʋmɩyɛ yɔ nɛ man-taabalʋ kʋsɔɔlʋ Staacɩɩ.

Room 7:6

Đooo lɛ, ɖɩɩwɛ ɛzɩ yomaa yɔ paɣtʋ nesi taa. Ɛlɛ́, lɛɛlɛɛyɔ ɖɩwɛ ɛzɩ sɩɖaa yɔ nɛ tɩtatasɩ ɖoŋ wɛnaʋ ɖɔ-yɔɔ. Ɛsɔ lɩzɩ-ɖʋ ti-nesi taa. Pʋ-yɔɔ ɖɩlɛɣzɩ ɛzɩma mbʋ́ ɖɩlakaɣ Ɛsɔ tʋmɩyɛ yɔ ɛzɩ Fezuu Kiɖeɖeu wɩlʋʋ-ɖʋ yɔ. Đɩɩtasɩɣ-ɖɩ labʋ ɛzɩ paɖʋʋ paɣtʋ taa yɔ.

Room 8:1

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

1 Kɔrɛntɩ 13:11

Alɩwaatʋ ndʋ́ maakɛ pɩɣa yɔ, mɔyɔɔdaɣ nɛ mamaɣzɩɣ nɛ mahʋʋ man-taa ɛzɩ pɩɣa yɔ. Lɛɛlɛɛyɔ malabɩ ɛyʋ lɛ, meyele pɩcatʋ tɔm.

2 Kɔrɛntɩ 12:2

Mansɩm Krɩstʋ tʋ nɔɔyʋ, pɩtalɩ pɩnzɩ hiu nɛ naanza yɔ Ɛsɔ kpazʋʋ-ɩ ɛ-cɔlɔ ɖooo ɛsɔdaa yɔ. Mantatɩlɩ se toovenim pɩkpazɩ-ɩ yaa ɛ-kalɩzaɣ ɖeke kpana. Ɛsɔ ɖeke sɩmna.

2 Kɔrɛntɩ 5:16

Pʋ-yɔɔ lɛ, pɩkpaɣʋnɩ lɛɛlɛɛyɔ yɔ, ɖɩɩtasɩɣ nɔɔyʋ sɩm ɛsɛ yɔɔ. Paa ɛsɛ yɔɔ ɖɩɩsɩm Krɩstʋ yɔ, lɛɛlɛɛyɔ, ɖɩsɩm mbʋ́ ɛkɛnaa kpem yɔ.

2 Kɔrɛntɩ 5:19

Mbʋ́ pʋyɔɔ yɔ, Krɩstʋ yɔɔ Ɛsɔ katɩŋnaa nɛ ɛ nɛ ɛyáa tɩŋa payɩ peceɣ. Pe-ceɣu ḿbʋ́ pɩ-taa lɛ, ɛtaakpaɣ pa-kɩwɛɛkɩm nɛ ɛlabɩnɩ tʋmɩyɛ. Ɛɖʋ-ɖʋ se ɖisusi ceɣu ḿbʋ́ pʋ-tɔm.

2 Kɔrɛntɩ 5:21

Krɩstʋ tala kɩwɛɛkɩm kaʋ. Ɛlɛ́, Ɛsɔ sʋʋ-ɩ ɖa-kɩwɛɛkɩm se ɖa nɛ ɩ ɖɛ-kpɛndʋʋ taa lɛ, ɖɩpɩsɩ ɛyáa kʋtʋʋzaa Ɛsɔ ɛnʋ ɛ-ɛsɩndaa» yɔ.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 2:15

Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Filiipu 4:21

Ɩsɛɛ mbá patɩŋa payɩ pɛkɛ Ɛsɔ ñɩma pa nɛ Krɩstʋ Yesu pɛ-kpɛndʋʋ taa yɔ. Taabalaa mbá ma nɛ wɛ ɖɩwɛɛ yɔ, pɛsɛ-mɩ.