2 Kɔrɛntɩ 5:13 - New Testament

¹³ Yee ɖɩɩwɛ ɛzɩ kɩmɛlɛmɩŋ yɔ yɔ, Ɛsɔ ɛsɩndaa ɖɩɩwɛ ḿbʋ́. Ŋgʋ́, ɖɩtɛkɛ kɩmɛlɛmɩŋ. Ḿbʋ́ wazɩɣnɩ-mɩ.

2 Kɔrɛntɩ 5:13 ပူးပေါင်းရင်းမြစ်များ

Maarkɩ 3:21

Ɛ-ñɩma nɩ ḿbʋ́ lɛ, pakʋyɩ powolo se pakpaɣ-ɩ. Mbʋ́ pʋyɔɔ yɔ, pamaɣzaɣ se: «Ɛsʋ kpaaŋ.»

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

2 Kɔrɛntɩ 11:1

Hayɩ! Lɛɛlɛɛyɔ, mentendiɣ-mɩ se itisi man-kɩmɛlɛndʋ tɔm. Ɩmʋ-tʋ.

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 12:6

Yee me-liu ɛɛwɛɛ se mankʋndʋʋ yɔ, mantaakɛ kɩmɛlɛŋ. Pʋbʋ maakʋndɩnɩ mbʋ́ pɩlabɩ ɖeyi ɖeyi yɔ. Ɛlɛ́, mɔnɖɔkʋʋ man-tɩ man-kʋndʋʋ ḿbʋ́ pɩ-taa se nɔɔyʋ ɛtaakpaɣ-m ɛsɩɩ ɖenɖe mantatalɩ yɔ. Me-liu wɛɛ se pañam-m mbʋ́ malakɩ nɛ panaɣ yɔ nɛ toovenim mbʋ́ mɔyɔɔdʋʋ yɔ pɔ-yɔɔ.

2 Kɔrɛntɩ 7:12

Pʋ-yɔɔ lɛ, yee mama-mɩ takayaɣ kanɛ yɔ, pɩtɛkɛ weyi ɛyʋsaa yaa weyi payʋsɩnaa yɔ, pa-taa nɔɔyʋ yɔɔ mama-mɩ-kɛ. Ɛlɛ́, mama-mɩ-kɛ se ɩna Ɛsɔ ɛsɩndaa camɩyɛ ɛzɩma mbʋ́ ɩñakɩ pana ɖɔ-yɔɔ yɔ.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.