2 Kɔrɛntɩ 5:11 - New Testament

¹¹ Yee ḿbʋ́ ɖɩnawa se pʋwɛɛ se ɖɩña Kɩpaɣlʋ yɔɔ ɖɩñɩnɩɣ se ɛyáa etisi ɖɔ-tɔm. Ɛsɔ sɩm-ɖʋ nɛ pɩkpɛndɩnɩ ɖa-taa lotu nɛ manaɣ se mɩ-lɩmaɣza taa lɛ, ɩsɩm-ɖʋ camɩyɛ ɖɔɖɔ.

2 Kɔrɛntɩ 5:11 ပူးပေါင်းရင်းမြစ်များ

Maatiyee 10:28

Ɩtaasɔɔndɩ mbá pakʋʋ tomnaɣ nɛ paapɩzɩɣ pakʋ kalɩzaɣ yɔ. Ɛlɛ́, ɩsɔɔndɩ Ɛsɔ, mbʋ́ pʋyɔɔ yɔ, ɛpɩzɩɣ ɛkʋ ɛyʋ nɛ ɛtɛ ɛɖʋ e-tomnaɣ nɛ ɛ-kalɩzaɣ ɖenɖe kʋñɔŋ maatɛŋ wɛɛ yɔ.

Maatiyee 25:46

Powokini-wɛ ɖenɖe kʋñɔŋ maatɛŋ wɛɛ yɔ nɛ piyele mbá patʋʋzaa yɔ, paba ñowolo ɖenɖe wezuu maatɛŋ wɛɛ yɔ.»

Luka 12:5

Mawɩlɩɣ-mɩ weyi pʋmʋnaa se ɩsɔɔndɩ yɔ: ɩsɔɔndɩ Ɛsɔ, mbʋ́ pʋyɔɔ yɔ, e-ɖeke ɛpɩzɩɣna ɛkʋ ɛyʋ nɛ ɛtɛ ɛɖʋ-ɩ ɖenɖe kʋñɔŋ maatɛŋ wɛɛ yɔ. Meheyiɣ-mɩ se ɛnʋ pʋmʋnaa se ɩsɔɔndɩ.

Luka 16:31

Ɛlɛ́, Abraham tasɩ-ɩ heyuu se: ‹Yee patanɩɩ Mooyiizi nɛ náyaa pa-takayɩsɩ taa tɔm yɔ, paa sɩɖaa taa nɔɔyʋ efema nɛ ewolo eheyi-wɛ yɔ, paatisiɣ ɛ-tɔm ɖɔɖɔ.› »

Tʋma Labʋ 13:43

Ɛyáa tɩŋa lɩ Ɛsɔ ɖɩsɛyɛ peeɖe lɛ, Yuda ñɩma sakɩyɛ nɛ mbá palakaɣ Yuda ñɩma sɔnzɩ yɔ, patɩŋ Pɔɔlɩ nɛ Barnaabaasɩ pa-wayɩ. Peeɖe paba sazɩ-wɛ se pɔ́ɖɔ́kɩ pa-tɩ camɩyɛ kpam nɛ nɔɔyʋ ɛtaakɔɔ elesi-wɛ Ɛsɔ lootiye nʋmɔʋ taa.

Tʋma Labʋ 18:13

Patanɩ-ɩ lɛ, pɔtɔ se: «Abalʋ ɛnɛ, ɛwɩlɩɣ ɛyáa se poluŋ Ɛsɔ tɛɛ luŋuu mbʋ́ yɔ, pɩtɛkɛ ḿbʋ́ paɖʋ paɣtʋ taa.»

Tʋma Labʋ 18:4

Paa kɩyakʋ kɩhɛzʋʋ ŋgʋ́ lɛ, Pɔɔlɩ wokaɣ Yuda ñɩma Ɛsɔ ɖɩsɛyɛ taa nɛ ɛ nɛ wɛ nɛ Grɛɛkɩ ñɩma palakɩ lɩmaɣza Yesu tɔm yɔɔ nɛ ɛñɩnɩɣ se petisi-tʋ.

Tʋma Labʋ 19:26

Lɛɛlɛɛyɔ, mɩ-maɣmaɣ ɩnaɣ nɛ ɩnɩɣ nɛ mɩ-nɩŋgbaaŋ ndʋ́ mɩ-Pɔɔlɩ ɛnʋ ɛwɛɛ esusuu Efɛɛzɩ nɛ pɩkpɛndɩnɩ Aazii egeetiye hɔɔlɩŋ sakɩyɛ taa yɔ. Ńdʋ́ lɛ se agɔlɩma wena ɛyáa manɩ pe-nesi yɔ, atɛkɛ pʋyʋ kpem. Tɔm ńdʋ́ ɛcɛtɩɣnɩ ɛyáa sakɩyɛ nɛ paba tisiɣ-tʋ ɖɔɖɔ.

Tʋma Labʋ 26:26

Wiyaʋ Agriipaa kɛtɛm nɩʋ mbʋ́ pɩtɩŋa pɩlaba yɔ. Pʋ-yɔɔ lɛ, manpɩzɩɣ mɔyɔɔdɩ ɛ-ɛsɩndaa yem faaa. Manawa se ɛnɩ tɔm ńdʋ́ tɩtɩŋa payɩ. Mbʋ́ pʋyɔɔ yɔ, tɩtala mɛsaɣ tɛɛ kʋlɔmʋʋ nakʋyʋ taa.

Tʋma Labʋ 28:23

Peeɖe Pɔɔlɩ nɛ ɛyáa ḿbá paɖʋ kɩyakʋ se pakatɩ ɖama. Pɩtalɩ ki-wiye lɛ, powolo sakɩyɛ ɛ-tɛ nɛ ɛkɛdɩ-wɛ Ɛsɔ Kewiyaɣ tɔm wɩsɩ nɛ sikpem: ɛtɩŋaɣnɩ Mooyiizi paɣtʋ nɛ náyaa takayɩsɩ taa tɔm pɔ-yɔɔ nɛ ɛñɩnɩɣ se petisi Yesu tɔm.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

Efɛɛzɩ 5:21

Mbá mɩ ɩñaŋ Krɩstʋ yɔ, iluzi mɩ-tɩ ɖama tɛɛ.

Ebree 10:31

Yee ḿbʋ́, pʋtɔɔ weyi ɛtɔlʋʋ Ɛsɔ wezuu tʋ nesi taa yɔ!

Ebree 12:29

Mbʋ́ pʋyɔɔ yɔ, ɖɛ-Ɛsɔ kɛ ɖɔɖɔ miŋ weyi ɛñakɩ pɩtɩŋa payɩ yɔ.

Yuudi 1:23

ɩya pa-ñʋʋ nɛ ɩlɩzɩ-wɛ miŋ taa. Ɩna ɖɔɖɔ lɛlaa mbá pa-kɩwɛɛkɩm pisi-wɛ yɔ pa-pʋtɔdɩyɛ. Ɛlɛ́, ɩɖɔkɩ mɩ-tɩ nɛ wɛ. Ɩtaatukuni mbʋ́ pɛwɛna yɔ, halɩ pɩkpɛndɩnɩ po-tokonaa maɣmaɣ.

Wɩlʋʋ 20:15

Weyi patana ɛ-hɩɖɛ wezuu takayaɣ taa yɔ, pɛpɛɖɩ-ɩ miŋ sɔsɔŋ taa.