2 Kɔrɛntɩ 5:10 - New Testament

¹⁰ Mbʋ́ pʋyɔɔ yɔ, pʋwɛɛ se ɖatɩŋa payɩ ɖiwolo Krɩstʋ ɛsɩndaa nɛ ɛhʋʋnɩ-ɖʋ tɔm nɛ ɛhɛyɩ paa weyi kɩbandʋ yaa kɩdɛkɛdɩm mbʋ́ ɛɛlaba alɩwaatʋ ndʋ́ ɛɛwɛ e-tomnaɣ taa yɔ pʋ-yɔɔ.

2 Kɔrɛntɩ 5:10 ပူးပေါင်းရင်းမြစ်များ

Maatiyee 16:27

Ɛyʋ Pɩyalʋ nɛ Ɛsɔ tiyiyaa pɛkpɛndɩɣnɩ ɛ-Caa Ɛsɔ koboyaɣ nɛ pɔkɔɔ nɛ ɛhɛyɩ paa weyi mbʋ́ ɛlaba yɔ pʋ-yɔɔ.

Tʋma Labʋ 10:42

Ɛnʋ ɖʋnɩ-ɖʋ se ɖɩcɔɔ ɖisusi ɛyáa nɛ ɖiheyi-wɛ kpayɩ se ɛ-maɣmaɣ Ɛsɔ lɩzaa se ɛhʋʋnɩ mbá pɛwɛnɩ pɛ-ɛsɛ yɔ nɛ pɩkpɛndɩnɩ sɩɖaa.

Tʋma Labʋ 17:31

Mbʋ́ pʋyɔɔ yɔ, ɛtɛm ɖʋʋ kɩyakʋ ŋgʋ́ ɛkɔŋ hʋnaʋ kedeŋa kpeekpe yɔɔ ɛyáa nɛ toovenim yɔ. Ɛyʋ weyi ɛlɩzaa yɔ, ɛ-yɔɔ ɛtɩŋɩɣna nɛ ɛhʋʋnɩ-wɛ tɔm. Mbʋ́ ɛwɩlɩnɩ paa weyi se ɛkɔŋ-pʋ labʋ yɔ lɛ se efezi-i nɛ sɩɖaa taa.»

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

Room 6:19

Ɩɩnɩɣ tɔm taa lɔŋ yɔɔ mankpakɩɣ mbʋ́ ɛyáa lakɩ yɔ se malɩzɩnɩ-mɩ pɩ-taa. Đooo lɛ, iiyeba nɛ mi-pilinzi pɩsɩ mbʋ́ pipisiɣ ɛyáa yɔ nɛ kɩdɛkɛdɩm po-yomaa nɛ ɩtɛzɩ pɩsʋʋ kɩdɛkɛdɩm laɖaa kpem. Ɛlɛ́, lɛɛlɛɛyɔ, iyebi sɩpɩsɩ mbʋ́ pʋtʋʋzaa yɔ pu-yomaa nɛ ɩtɛzɩ pɩsʋʋ Ɛsɔ ñɩma kpem.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 7:3

Maayɔɔdʋʋ ḿbʋ́ se mankʋ mɩ-tɔm. Mbʋ́ pʋyɔɔ yɔ, ɛzɩ mɛntɛm yɔɔdʋʋ yɔ, paa pʋwɛɛ se ɖa nɛ mɩ ɖɩsɩ yaa ɖɩwɛɛ wezuu yɔ, ɖɩsɔɔlɩ-mɩ siŋŋ.

Efɛɛzɩ 6:8

Ɩtɛm naʋ se paa pɩɩkɛ yom yaa weyi ɛwɛ ɛ-tɩ yɔɔ yɔ, ɖeu mbʋ́ ɛlaba yɔ, pʋ-yɔɔ Kɩpaɣlʋ hɛyɩɣ-ɩ.

Ebree 9:27

Pʋwɛɛ se paa weyi ɛsɩ tam kʋɖʋm koŋ nɛ pʋwayɩ lɛ, Ɛsɔ hʋʋnɩ-ɩ tɔm.

1 Pɩyɛ 4:5

Pɔkɔŋ sɩŋʋʋ Ɛsɔ ɛsɩndaa nɛ paa weyi eheyi-i mbʋ́ ɛlaba yɔ. Toovenim lɛ, ɛɖaŋ kpam se ɛhʋʋnɩ sɩɖaa nɛ ɛsɛ tɩnaa patɩŋa payɩ.

Wɩlʋʋ 2:23

Mɔnkɔŋ kʋʋ halʋ ɛnʋ e-piya nɛ piyele ma-aŋgba tɩŋa taa ñɩma tɩlɩ se ma lɛ weyi ɛtazɩɣ ɛyáa lɩmaɣza nɛ mbʋ́ pʋwɛ pa-taa yɔ pa-taa. Mɔnkɔŋ hɛyʋʋ paa mɩ-taa weyi mbʋ́ ɛlaba yɔ pʋ-yɔɔ.

Wɩlʋʋ 22:12

Yesu tɔŋ se: «Na! Pɩkazɩ pazɩ, mɔnkɔŋ! Mɛnkpɛndɩɣnɩ kɩhɛyʋʋ nɛ mɛhɛyɩ paa weyi mbʋ́ ɛlaba yɔ pʋ-yɔɔ.