2 Kɔrɛntɩ 5:1 - New Testament

¹ Toovenim lɛ, ɖɩnawa se yee tomnaɣ ŋgá ɖɩwɛnɩ kedeŋa yɔɔ cɩnɛ nɛ kɛwɛ ɛzɩ kɩɖanɖʋʋ ŋgʋ́ ɖɩwɛ kɩ-tɛɛ yɔ, kɔyɔlaa yɔ, ɖɩwɛnɩ tomnaɣ lɛɛka ɛsɔdaa, kɛwɛ ɛzɩ ɖɩɣa yɔ. Pɩtɛkɛ ɛyáa manɩ-kɛ, ɛlɛ́, Ɛsɔ maɣmaɣ manɩ-kɛ. Kɛwɛɣ tam.

2 Kɔrɛntɩ 5:1 ပူးပေါင်းရင်းမြစ်များ

Maarkɩ 14:58

«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.»

Tʋma Labʋ 7:48

Ŋgʋ́, Ɛsɔ Caabiyuu ɛɛsʋʋ kuduyiŋ weyi ɛyáa manɩ pa-maɣmaɣ pe-nesi yɔ ɩ-tɛɛ. Pʋwɛ ɛzɩ tɔm ndʋ́ náyʋ kɔyɔɔdaa yɔ. Ńdʋ́ lɛ se:

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

2 Kɔrɛntɩ 4:7

Đɩwɛ ɛzɩ cʋʋ pɛŋ weyi ɩ-taa wɛ ñɩm sɔsɔm ḿbʋ́ yɔ se paa weyi ɛna se ɖoŋ sɔsɔŋ ɛnʋ ɛtɛkɛ ɖa-ñɩŋ, ɛlɛ́ Ɛsɔ ñɩŋ ɛkɛnaa.

2 Kɔrɛntɩ 5:4

Alɩwaatʋ ndʋ́ tɩtɩŋa ɖɩwɛɣ kɩɖanɖʋʋ ŋ́gʋ́ kɩ-tɛɛ yɔ, ɖisisiɣ nɛ pɩnɩɣ-ɖʋ. Mbʋ́ pʋyɔɔ yɔ, ɖɩɩcaɣ se Ɛsɔ ɛhɔzɩ tomnaɣ ŋgá ɖɩwɛ ka-taa yɔ. Ɛlɛ́, ɖe-liu wɛɛ se esuu-ɖʋ ɖɔɖɔ ɛsɔdaa ñɩŋga. Peeɖe mbʋ́ pʋwɛ wezuu yɔ, pɩlɛɣzɩɣ mbʋ́ pɩsɩkɩ yɔ pu-lone taa.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

2 Timootee 1:12

Pʋ-yɔɔ mɔntɔkɩ kʋñɔŋ kʋnɛ yɔ. Ɛlɛ́, fɛyɛ ɛɛkpaɣ-m nɛ kʋ, mbʋ́ pʋyɔɔ yɔ, mansɩm weyi ɛ-yɔɔ mɛwɛnɩ lidaʋ yɔ nɛ mana siŋŋ se ɛpɩzɩɣ ɛcɔnɩ mbʋ́ ɛɖʋzɩ me-nesi taa yɔ pʋ-yɔɔ nɛ pʋkɔɔ pɩsɩɩnɩ kɩyakʋ ŋgʋ́ ɛɖʋwa yɔ.

Ebree 11:10

Abraham ɛnʋ, ɛɛɖaŋaa se ɛsʋʋ tɛtʋ ndʋ́ tɩ-taa kuduyiŋ tigila wɛ ɖoŋ yɔ. Ɛsɔ maɣzɩna nɛ ɛma-ɩ.

Ebree 9:11

Ɛlɛ́, Krɩstʋ ñɔkɔm se ɛkɛ ñɩm mbʋ́ pʋwɛ lɛɛlɛɛyɔ yɔ pʋ-cɔjɔnaa ñʋʋdʋ. Kɩɖanɖʋʋ ŋgʋ́ ɛlakɩ ɛ-tʋmɩyɛ kɩ-tɛɛ yɔ, ŋ́gʋ́ kɩlɩnɩ wazaɣ nɛ kʋmʋna kpem. Pɩtɛkɛ ɛyáa siɣni-kʋ. Pʋ-tɔbʋʋ se kɩtɛkɛ kedeŋa kanɛ kɔ-yɔɔ pʋyʋ.

Ebree 9:24

Mbʋ́ pʋyɔɔ yɔ, Krɩstʋ tasʋʋ kɩɖanɖʋʋ ŋgʋ́ ɛyáa siɣaa yɔ kɩ-tɛɛ. Ŋ́gʋ́ lɛ ɛsɔdaa ñɩŋgʋ lɛzʋʋ. Ɛlɛ́, ɛkpa ɛsɔdaa maɣmaɣ se ewolo Ɛsɔ cɔlɔ lɛɛlɛɛyɔ nɛ ɖɔ-nɔɔ.

1 Pɩyɛ 1:4

Đɔɖɔ lɛ, ɛhaɣ-ɖʋ ɛ-ñɩm mbʋ́ pɩɩɖazɩɣ yaa piipiyiɣ yaa pɩɩwɛɛkɩɣ kaʋ nɛ ɛsɩɩ-pʋ ɛsɔdaa nɛ ɛɖaŋnɩ ɛ-ñɩma yɔ.

2 Pɩyɛ 3:11

Yee ḿbʋ́ pʋwɛɛ se pɩtɩŋa payɩ pʋkɔŋ ɖem yɔ, pʋwɛɛ se ɩɖɔ ɛzɩ pʋmʋnaʋ yɔ. Ɩwɛɛ cɩɖɩcɩɖɩ mi-wezuu caɣʋ taa nɛ ɩla mbʋ́ Ɛsɔ liu wɛɛ yɔ.

1 Yohanɛɛsɩ 3:14

Đa lɛ, ɖɩna ɖeu se ɖɩlɩ sɩm taa nɛ ɖihiɣ wezuu, mbʋ́ pɩwɩlɩɣ-pʋ yɔ lɛ se ɖɩsɔɔlɩ ɖa-taabalaa. Weyi ɛtɔsɔɔlɩ ɛ-taabalʋ yɔ, ɛkpɛndɩ ɛwɛ sɩm taa.

1 Yohanɛɛsɩ 3:19

Yee ɖɩlakɩ ḿbʋ́ yɔ, pɩwɩlɩɣ-ɖʋ se ɖɩkɛ toovenim tɩnaa. Ḿbʋ́ kɔŋnɩ yebu ɖɔɖɔ nɛ ɖa-laŋa hɛɛ Ɛsɔ ɛsɩndaa.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.