2 Kɔrɛntɩ 4:7 - New Testament

⁷ Đɩwɛ ɛzɩ cʋʋ pɛŋ weyi ɩ-taa wɛ ñɩm sɔsɔm ḿbʋ́ yɔ se paa weyi ɛna se ɖoŋ sɔsɔŋ ɛnʋ ɛtɛkɛ ɖa-ñɩŋ, ɛlɛ́ Ɛsɔ ñɩŋ ɛkɛnaa.

2 Kɔrɛntɩ 4:7 ပူးပေါင်းရင်းမြစ်များ

Maatiyee 13:44

Yesu tasɩ tuuu ɛ-tɔmkpɛlɩkɩyaa eduuye se: «Ɩɩnaɣ mbʋ́ Ɛsɔ Kewiyaɣ nɩɣzɩnaa yɔ: abalʋ nɔɔyʋ kepimni ñɩm sɔsɔm hayɩm taa ɖooo lɔŋ. Nakʋyʋ wiye lɛ, lɛlʋ lɩɩ pʋ-yɔɔ nɛ ɛ́lɛ́ ɖaɣnɩ-pʋ pim. Peeɖe ɛ-taa hʋlʋmaa nɛ ewolo ɛpɛdɩ ɛ-ñɩm tɩŋa payɩ nɛ ewolo ɛya hayɩm ḿbʋ́.»

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

1 Kɔrɛntɩ 1:28

Ɛnʋ lɩzɩnɩ ɖɔɖɔ mbá pɛfɛyɩ wazaɣ nakɛyɛ kedeŋa yɔɔ cɩnɛ nɛ ɛyáa takpaɣ-wɛ payaa pʋyʋ nɛ pɛfɛyɩ natʋyʋ taa kpem yɔ. Ɛlɩzɩ-wɛ se papɩsɩ sɔsaa mbá pamaɣzɩɣ se pawazɩɣ pʋyʋ yɔ pɛ-ɛsɩndaa.

2 Kɔrɛntɩ 10:10

Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 13:4

Mbʋ́ pʋyɔɔ yɔ, ɛ-ɛjandʋ yɔɔ pakam-ɩ kaamaŋkaɣ yɔɔ. Ɛlɛ́, pɩtɩŋnɩ Ɛsɔ ɖoŋ yɔɔ nɛ ɛwɛɛ wezuu. Đa nɛ ɩ ɖɛ-kpɛndʋʋ taa lɛ, ɖɩwɛ ɛjandʋ ɖɔɖɔ. Ɛlɛ́, alɩwaatʋ ndʋ́ ɖɩkɔŋ mɩ-tɛ yɔ, Ɛsɔ ɖoŋ ɖɩñɔɔzʋʋnɩ tɔm mɩ-hɛkʋ taa.

2 Kɔrɛntɩ 4:1

Ɛsɔ labɩnɩ-ɖʋ ɖeu nɛ ɛɖʋ-ɖʋ nɔɔ haʋ kɩfam tʋmɩyɛ ńɖɩ́. Pʋ-yɔɔ piitisiɣ ɖo-toma taa.

2 Kɔrɛntɩ 5:1

Toovenim lɛ, ɖɩnawa se yee tomnaɣ ŋgá ɖɩwɛnɩ kedeŋa yɔɔ cɩnɛ nɛ kɛwɛ ɛzɩ kɩɖanɖʋʋ ŋgʋ́ ɖɩwɛ kɩ-tɛɛ yɔ, kɔyɔlaa yɔ, ɖɩwɛnɩ tomnaɣ lɛɛka ɛsɔdaa, kɛwɛ ɛzɩ ɖɩɣa yɔ. Pɩtɛkɛ ɛyáa manɩ-kɛ, ɛlɛ́, Ɛsɔ maɣmaɣ manɩ-kɛ. Kɛwɛɣ tam.

2 Kɔrɛntɩ 6:10

Papɩsɩɣ ɖɔ-hɔ, ɛlɛ́, ɖɩwɛ laŋhʋlʋmɩyɛ taa paa ɖooye. Đɩwɛ ɛzɩ kʋñɔndɩnaa yɔ, ɛlɛ́, ɖiyeki nɛ ɛyáa sakɩyɛ hikiɣ pa-tɩ Ɛsɔ nʋmɔʋ taa. Đɩwɛ ɛzɩ mɛnfɛyɩpʋyʋwaa yɔ, ŋgʋ́ ɖɩwɛnɩ pɩtɩŋa payɩ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

Koloosi 2:3

Ɛ-cɔlɔ Ɛsɔ lɔŋsɩnɖɛ nɛ ɛ-lɛɣtʋ pa-ñɩm tɩŋa payɩ wɛ mɛsaɣ tɛɛ.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

1 Tesalooniki 4:4

Paa mɩ-taa weyi ɛtɩlɩ ɛzɩma mbʋ́ pʋwɛɛ se ɛ nɛ ɛ-halʋ pacaɣ wezuu ɛzɩ pʋmʋnaʋ Ɛsɔ ɛsɩndaa yɔ nɛ pʋɖʋ-mɩ hɩɖɛ.

2 Timootee 2:20

Ɩtɛm sɩm se: pɩtɛkɛ sika ñanzɩ nɛ liidiye ñɩnzɩ pe-ɖeke pɛwɛnɩ ñɩm tʋ ɖɩɣa taa. Ɛlɛ́, tɩŋ ñɩnzɩ nɛ cʋʋ ñɩnzɩ pɛwɛɛ ɖɔɖɔ. Paɖʋʋ kajalaɣ ñɩnzɩ taa mbʋ́ pʋwɛ wazaɣ yɔ nɛ piyele paɖʋ tɩŋ nɛ cʋʋ pa-ñɩnzɩ taa mbʋ́ pɩfɛyɩ wazaɣ yɔ.