2 Kɔrɛntɩ 4:4 - New Testament

⁴ Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 4:4 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 1:18

Nɔɔyʋ tana Ɛsɔ wiɖiyi kaʋ. Ɛlɛ́, ɛ-Pɩyalʋ ɛgbamɩyɛ nɖɩ́ ɖɩ nɛ Caa pɛwɛ ɖama taa nɛ ɖɩkɛ Ɛsɔ yɔ, ńɖɩ́ wɩlɩnɩ-ɖʋ mbʋ́ Ɛsɔ kɛnaa yɔ.

Yohanɛɛsɩ 12:31

Lɛɛlɛɛyɔ, alɩwaatʋ talaa se pahʋʋnɩ kedeŋa ñɩma. Lɛɛlɛɛyɔ, pʋwɛɛ se pɔɖɔɔnɩ kedeŋa wiyaʋ.

Yohanɛɛsɩ 12:35

Yesu heyi-wɛ se: «Ñalɩmɩyɛ wɛ mɩ-hɛkʋ taa ḿbʋ́, ɛlɛ́, alɩwaatʋ pazɩ ɖɩwɛɣ. Ɩɖɔ alɩwaatʋ ndʋ́ ñalɩmɩyɛ wɛ mɩ-cɔlɔ yɔ nɛ cɩkpɛndʋʋ ɛtaatudi-mɩ. Mbʋ́ pʋyɔɔ yɔ, weyi ɛɖɔŋ cɩkpɛndʋʋ taa yɔ, ɛɛsɩŋ ɖenɖe ewoki yɔ.

Yohanɛɛsɩ 12:40

«Ɛsɔ yʋlɩsɩ pɛ-ɛsɛ se pataana nɛ ehuuzi pa-lɩmaɣza yɔɔ se pataanɩɩ pʋ-tɔbʋʋ. Ɛlaba ḿbʋ́ se, pɛ-ɛsɛ ɛtaatasɩ naʋ, pataatasɩ natʋyʋ taa nɩʋ, paapɩzɩɣ papɩsɩnɩ Ɛsɔ yɔɔ, nɛ ɛla nɛ pɔ-yɔɔ cɛ.»

Yohanɛɛsɩ 12:45

Weyi ɛnaɣ-m yɔ, ɛnaɣ weyi etiyi-m yɔ.

Yohanɛɛsɩ 14:30

Maatasɩɣ-mɩ yɔɔdɩnaʋ nɛ pʋɖɔɔ, mbʋ́ pʋyɔɔ yɔ, kedeŋa wiyaʋ ɛzaɣ́ʋ alɩwaatʋ talaa. Ɛfɛyɩnɩ ɖoŋ nɩɩyɩ mɔ-yɔɔ.

Yohanɛɛsɩ 15:24

Yee mantaala tʋma wena nɔɔyʋ tala pɛ-hɛkʋ taa kaʋ yɔ yɔ, pataakʋ pɔ-tɔm. Ŋgʋ́, lɛɛlɛɛyɔ pana man-tʋma, ɛlɛ́, papaɖɩɣ ma nɛ man-Caa.

Yohanɛɛsɩ 16:11

Ɛwɩlɩɣ-wɛ ɛzɩma mbʋ́ Ɛsɔ hʋʋ tɔm yɔ, ḿbʋ́ lɛ se ɛtɛm hʋnaʋ kedeŋa wiyaʋ.

Yohanɛɛsɩ 8:12

Yesu tasɩ ɛyáa samaɣ heyuu se: «Ma lɛ ɛyáa kpeekpe ñalɩmɩyɛ. Weyi ɛtɩŋɩɣ ma-wayɩ yɔ, ɛɛɖɔŋ cɩkpɛndʋʋ taa kaʋ. Ɛlɛ́, ehikiɣ ñalɩmɩyɛ nɖɩ́ ɖɩhaɣ wezuu yɔ.»

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Tʋma Labʋ 26:23

Ńdʋ́ lɛ se: ‹Weyi Ɛsɔ Lɩzaa Yɔ, ɛkɔŋ siziŋ nɩʋ nɛ ɛsɩ. Ɛnʋ calɩɣnɩ fem nɛ ɛlɩɩnɩ sɩɖaa taa nɛ ɛkɛdɩ Yuda ñɩma nɛ mbá pɛtɛkɛ Yuda ñɩma yɔ ñalɩmɩyɛ tɔm.› »

1 Kɔrɛntɩ 10:20

Pa-taa nabʋyʋ tɛkɛ pʋyʋ. Ɛlɛ́, pʋ-tɔbʋʋ se mbʋ́ mbá paañaŋ Krɩstʋ yɔ palaɣ yɔ, aleewaa palaɣ-pʋ, pɩtɛkɛ Ɛsɔ. Ŋgʋ́, mɔntɔsɔɔlɩ se mɩ nɛ aleewaa ɩkpɛndɩ.

2 Kɔrɛntɩ 2:11

Malabɩ ḿbʋ́ se Satanɩ ɛtaawɛnɩ waɖɛ ɖɔ-yɔɔ. Mbʋ́ pʋyɔɔ yɔ, ɖɩtɛm sɩm mbʋ́ ɛcaɣ labʋ yɔ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

2 Kɔrɛntɩ 3:11

Toovenim lɛ, yee mbʋ́ pɩɩwɛɣ tam yɔ, pɩwɩlɩ ɛzɩma mbʋ́ Ɛsɔ koboyaɣ paɣlaa yɔ lɛ, ɛzɩma mbʋ́ pʋbʋ ñɛwɛɣ tam yɔ, pɩɩwɩlɩɣ-kɛ kpem nɛ pɩkɩlɩ ḿbʋ́?

2 Kɔrɛntɩ 3:14

Pa-ñʋŋ taa kakpa ɖoŋ nɛ halɩ nɛ sɔnɔ yee pakalɩɣ Nɔɔ Haʋ Kɩbɩm Takayaɣ yɔ, paanɩɣ kɔ-tɔbʋʋ. Pʋwɛ ɛzɩ kɛtɛɛka ŋgá kohuuzi pɛ-ɛsɩndaa tam yɔ. Weyi ɛ nɛ Krɩstʋ pɛkpɛndaa yɔ, e-ɖeke koŋ ɛ-ɛsɩndaa kɛtɛɛka ŋ́gá kamʋkɩ.

2 Kɔrɛntɩ 3:18

Pʋ-yɔɔ lɛ, mbá ɖa ɖatɩŋa payɩ pokuli ɖɛ-ɛsɛ yɔɔ kɛtɛɛka ŋ́gá yɔ, ɖɩnaɣ Kɩpaɣlʋ koboyaɣ tam nɛ ɖɩtɛzɩɣ wɛʋ ɛzɩ ɛnʋ yɔ. Ḿbʋ́ yebina nɛ pɩtɩŋɩɣnɩ e-Fezuu Kiɖeɖeu yɔɔ nɛ e-koboyaɣ tɛzɩɣ ɖɔʋ ɖɔ-cɔlɔ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 6:12

Pɩtɛkɛ ɛyáa pʋwɛɛ se ɖiyoona. Ɛlɛ́, ɛsɔdaa ɖoŋ tɩŋa payɩ nɛ kedeŋa yɔɔ cɩnɛ cɩkpɛndʋʋ tɛɛ awiya nɛ feziŋ kɩdɛkɛdɩŋ pʋwɛɛ se ɖiyoona.

Filiipu 2:6

Ɛ nɛ Ɛsɔ paawɛ kɩmaŋ. Ɛlɛ́, ɛtakpaɣ ɖɔndɩyɛ ńɖɩ́ nɛ ɛ́yáa pʋyʋ.

Koloosi 1:15

Ɛsɔ wɛʋ yɔ, paanaɣ-ɩ, ɛlɛ́, Krɩstʋ lɛ ɛ-lɛzʋʋ. Ɛnʋ lɛ kajalaɣ tʋ mbʋ́ pɩtɩŋa payɩ Ɛsɔ laba yɔ pɩ-taa.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 6:4

Nabɛyɛ wɛɛ, Ɛsɔ ñalɩmɩyɛ kɛtɛm pɔ-yɔɔ ñalʋʋ nɛ paɖɩŋ ɛsɔdaa kʋjɔʋ nɛ Fezuu Kiɖeɖeu wɛɛ pɔ-cɔlɔ

2 Pɩyɛ 1:19

Đɔɖɔ lɛ, tɔm ndʋ́ mbá posusuu tɔm ndʋ́ tɩlɩnɩ Ɛsɔ cɔlɔ yɔ pɔyɔɔdaa nɛ tɩkɛ toovenim siŋŋ yɔ, tɩwɛ ɖɔ-cɔlɔ. Pʋwɛ ɖeu se ɩmaɣzɩ tɩ-yɔɔ. Mbʋ́ pʋyɔɔ yɔ, tɩwɛ ɛzɩ kanɖʋ ŋgʋ́ kɩnaɣ cɩkpɛndʋʋ taa nɛ pʋkɔɔ pɩñandɩ yɔ. Alɩwaatʋ ńdʋ́ʋ́ Krɩstʋ weyi ɛwɛ ɛzɩ tɩmbalʋʋ yɔ, ɛñalɩɣ mɩ-laŋa taa.

1 Yohanɛɛsɩ 2:11

Yee nɔɔyʋ ɛpaɖɩɣ ɛ-taabalaa yɔ, ɛwɛ cɩkpɛndʋʋ taa. Ɛɖɔŋ ɖɔɖɔ cɩkpɛndʋʋ taa, ɛɛnaɣ ɖenɖe ewoki yɔ, mbʋ́ pʋyɔɔ yɔ, cɩkpɛndʋʋ yʋlɩsɩ ɛ-ɛsɛ.

1 Yohanɛɛsɩ 2:8

Paa ḿbʋ́, tɔm ndʋ́ mamaɣ-mɩ yɔ, tɩkɛ paɣtʋ kɩfatʋ. Mbʋ́ pʋyɔɔ yɔ, cɩkpɛndʋʋ ɖɔŋ ɖɛʋ nɛ ñalɩmɩyɛ ñapazɩ ñalʋʋ: ńɖɩ́ lɛ toovenim mbʋ́ pʋwɛ mɩ nɛ Yesu Krɩstʋ mɩ-taa yɔ.

1 Yohanɛɛsɩ 5:19

Đɩnawa se ɖɩkɛ Ɛsɔ ñɩma nɛ piyele kedeŋa ñɩma tɩŋa payɩ ñɛwɛɛ Satanɩ nesi taa.