2 Kɔrɛntɩ 4:3 - New Testament

³ Yee Laŋhɛzɩyɛ Tɔm ndʋ́ ɖisusuu yɔ tɩ-taa ɛwɛ cɩkpɛndʋʋ ɖɔɖɔ yɔ, mbá peleki yɔ tɩwɛ cɩkpɛndʋʋ.

2 Kɔrɛntɩ 4:3 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

1 Kɔrɛntɩ 1:18

Tɔm ndʋ́ posusuu se Krɩstʋ sɩbɩ kaamaŋkaɣ yɔɔ yɔ, mbá pɛwɛ asayʋʋ nʋmɔʋ taa yɔ, panɩɣ-tʋ lɛ, tɩwɛ-wɛ ɛzɩ kɩmɛlɛndʋ tɔm yɔ. Ɛlɛ́, mbá ɖa payakɩ ɖa-ñʋʋ yɔ, tɩkɛnɩ-ɖʋ Ɛsɔ ɖoŋ.

1 Kɔrɛntɩ 2:6

Ŋgʋ́, lɔŋsɩnɖɛ tɔm ɖisusuu ɛyáa mbá papɩ Ɛsɔ nʋmɔʋ taa siŋŋ yɔ. Ɛlɛ́, pɩtɛkɛ kedeŋa ñɩma lɔŋsɩnɖɛ yaa kedeŋa awiya mbá pɔkɔŋ labʋ asayʋʋ yɔ pa-ñɩnɖɛ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

2 Kɔrɛntɩ 3:14

Pa-ñʋŋ taa kakpa ɖoŋ nɛ halɩ nɛ sɔnɔ yee pakalɩɣ Nɔɔ Haʋ Kɩbɩm Takayaɣ yɔ, paanɩɣ kɔ-tɔbʋʋ. Pʋwɛ ɛzɩ kɛtɛɛka ŋgá kohuuzi pɛ-ɛsɩndaa tam yɔ. Weyi ɛ nɛ Krɩstʋ pɛkpɛndaa yɔ, e-ɖeke koŋ ɛ-ɛsɩndaa kɛtɛɛka ŋ́gá kamʋkɩ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

1 Tesalooniki 1:5

Toovenim lɛ, Laŋhɛzɩyɛ Tɔm ndʋ́ ɖisusi-mɩ yɔ, pɩtɛkɛ nɔɔ taa yem ɖɩlaba. Ɛlɛ́, pɩtɩŋnɩ Fezuu Kiɖeɖeu yɔɔ nɛ ɩna ti-ɖoŋ nɛ ɛzɩma ɖɩtaɣ-tʋ liu siŋŋ yɔ. Mɩ-maɣmaɣ ɩna ɛzɩma mbʋ́ ɖɩcaɣ wezuu mɩ-hɛkʋ taa yɔ, ɖɩlabɩ ḿbʋ́ se pɩsɩnɩ-mɩ.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.