2 Kɔrɛntɩ 4:17 - New Testament

¹⁷ Mbʋ́ pʋyɔɔ yɔ, kʋñɔmɩŋ cikpeŋ weyi ɖɩtɔkɩ ɖe-wezuu caɣʋ taa yɔ, ɩhaɣ-ɖʋ koboyaɣ sɔsɔɔ ŋgá kakɩlɩ ɩtɩŋa payɩ nɛ kaatɛŋ wiɖiyi kaʋ yɔ.

2 Kɔrɛntɩ 4:17 ပူးပေါင်းရင်းမြစ်များ

Maatiyee 5:12

Mɩ-taa ɛhʋlʋmɩ nɛ ɩmayɩ amaya, mbʋ́ pʋyɔɔ yɔ, mɩ-kɩhɛyʋʋ ɖɔ Ɛsɔ cɔlɔ pɩtɩɩfɛyɩ. Meheyiɣ-mɩ se ḿbʋ́ paawɛ náyaa mbá pɛlɛyɩ-mɩ kɔm yɔ pa-wayɩ kaŋ kaŋ.»

Luka 6:23

Alɩwaatʋ ńdʋ́ tɩtalaa lɛ, mɩ-laŋa ɩhʋlʋmɩ nɛ ɩmayɩ amaya siŋŋ, mbʋ́ pʋyɔɔ yɔ, mɩ-kɩhɛyʋʋ ɖɔ ɛsɔdaa! Ḿbʋ́ ɖɔɖɔ pɔ-cɔzɔnaa kalabɩ kɩdɛkɛdɩm náyaa mbá Ɛsɔ tiyi-wɛ yɔ.

Tʋma Labʋ 20:23

Ndʋ́ manawa yɔ lɛ se: paa tɛtʋ ndʋ́ tɩ-taa mantalaa yɔ, Fezuu Kiɖeɖeu wɩlɩɣ-m nɛ kiheyiɣ-m se salaka nɛ kʋñɔŋ sɔsɔʋ pɩtɛŋnɩ-m.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

Room 8:18

Manawa se kʋñɔŋ ŋgʋ́ ɖɩtɔkɩ lɛɛlɛɛyɔ yɔ, paapɩzɩɣ pamaɣzɩ-kʋ nɛ koboyaɣ ŋgá Ɛsɔ kaɣ-ɖʋ wɩlʋʋ yɔ.

Room 8:34

Apɩzɩɣ ɛkʋ pɔ-tɔm? Nɔɔyʋ fɛyɩ, mbʋ́ pʋyɔɔ yɔ, Krɩstʋ Yesu sɩbɩna. Pɩtasɩɩnɩ pi-ɖeke, ɛlɛ́, efema nɛ ɛlɩɩnɩ sɩɖaa taa. Ɛwɛ Ɛsɔ cɔlɔ lone kɩbanɖɛ taa nɛ etendiɣ-i nɛ ɖɔ-nɔɔ.

Room 8:37

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

1 Kɔrɛntɩ 2:9

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Mbʋ́ ɛyʋ tana wiɖiyi kaʋ yaa ɛtanɩɩ yɔ, mbʋ́ ɛyʋ tamaɣzɩ pʋ-yɔɔ wiɖiyi kaʋ yɔ, toovenim lɛ, ḿbʋ́ Ɛsɔ ñɔɔzaa nɛ ɛsɩɩ mbá pɔsɔɔlɩ-ɩ yɔ.»

2 Kɔrɛntɩ 3:18

Pʋ-yɔɔ lɛ, mbá ɖa ɖatɩŋa payɩ pokuli ɖɛ-ɛsɛ yɔɔ kɛtɛɛka ŋ́gá yɔ, ɖɩnaɣ Kɩpaɣlʋ koboyaɣ tam nɛ ɖɩtɛzɩɣ wɛʋ ɛzɩ ɛnʋ yɔ. Ḿbʋ́ yebina nɛ pɩtɩŋɩɣnɩ e-Fezuu Kiɖeɖeu yɔɔ nɛ e-koboyaɣ tɛzɩɣ ɖɔʋ ɖɔ-cɔlɔ.

Filiipu 1:19

Mbʋ́ pʋyɔɔ yɔ, manawa se mɩ-Ɛsɔ sɛʋ nɛ Yesu Krɩstʋ Fezuu sɩnaʋ pɔ-yɔɔ lɛ, pɩtɩŋa payɩ pʋkɔŋ yabʋ ma-ñʋʋ.

2 Tesalooniki 1:4

Pʋ-yɔɔ ɖa-maɣmaɣ ɖɩkʋndʋʋnɩ-mɩ Ɛsɔ aŋgba taa ñɩma hɛkʋ taa ɛzɩma mbʋ́ ɩpɩzaa ɩɖɔkɩ mɩ-tɩ nɛ ɩwɛnɩ lidaʋ alɩwaatʋ ndʋ́ pɛwɛ mɩ-wayɩ kaŋ kaŋ nɛ panazɩɣ-mɩ yɔ pʋ-yɔɔ.

2 Tesalooniki 1:6

Ɛsɔ naʋ taa lɛ, pʋmʋna ḿbʋ́ se pɔkɔɔ paɖʋ kʋñɔŋ mbá paɖʋʋ-mɩ-kʋ yɔ.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.

Yuudi 1:24

Pasa weyi ɛpɩzɩɣ ehuuzi mɩ-yɔɔ se ɩtaatɔlɩ kaʋ yɔ. Ɛnʋ yekina se ɩwɛɛ cɩɖɩcɩɖɩ nɛ iwolo ɛ-cɔlɔ e-koboyaɣ taa nɛ mɩ-laŋa hʋlʋmɩ poyi poyi. Ɛnʋ lɛ Ɛsɔ kʋɖʋm koŋ weyi ɛwɛɛ yɔ. Ɛnʋ tɩŋnɩnɩ ɖa-Kɩpaɣlʋ Yesu Krɩstʋ yɔɔ nɛ ɛya ɖa-ñʋʋ. Pasam-ɩ nɛ paɖʋ-ɩ hɩɖɛ. Ɛwɛnɩ ɖoŋ tɩŋa nɛ ɛcɔŋnɩ pɩtɩŋa pʋ-yɔɔ. Ḿbʋ́ pɩɩwɛ ɖooo kiɖe tɛɛ. Pʋwɛɛ ḿbʋ́ lɛɛlɛɛyɔ, pʋwɛɛ ɖɔɖɔ ḿbʋ́ tam! Pɩla ḿbʋ́!