2 Kɔrɛntɩ 3:3 - New Testament

³ Mɩwɛnɩ ɛzɩ takayaɣ ŋ́gá yɔ. Mbʋ́ pʋyɔɔ yɔ, ɖɔ-yɔɔ Krɩstʋ tɩŋnaa nɛ ɛma-kɛ. Pɩtɛkɛ tɔlɩm ɛmanɩ-kɛ, ɛlɛ́, Ɛsɔ wezuu tʋ Fezuu Kiɖeɖeu ɛmanɩ-kɛ. Pɩtɛkɛ pɩtaahalanzɩ yɔɔ ɛma-kɛ, ɛlɛ́, ɛyáa laŋa taa ɛmawa.

2 Kɔrɛntɩ 3:3 ပူးပေါင်းရင်းမြစ်များ

Maatiyee 16:16

Ɛlɛ́, Siimɔɔ Pɩyɛ cosi-i se: «Ña lɛ Weyi Ɛsɔ Lɩzaa Yɔ. Ña lɛ Ɛsɔ wezuu tʋ Pɩyalʋ.»

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

2 Kɔrɛntɩ 3:6

Eyeba ɖɔɖɔ se ɖɩkɛ nɔɔ haʋ kɩfam tʋmlaɖaa. Nɔɔ haʋ kɩfam ḿbʋ́, pɩtɛkɛ paɣtʋ ndʋ́ paamawa yɔ. Ɛlɛ́, pɩkɛ mbʋ́ pɩlɩnɩ Fezuu Kiɖeɖeu cɔlɔ yɔ. Mbʋ́ pʋyɔɔ yɔ, paɣtʋ yeki nɛ ɛyáa sɩkɩ. Ɛlɛ́, Fezuu Kiɖeɖeu ñahaɣ wezuu.

2 Kɔrɛntɩ 3:7

Đooo lɔŋ Ɛsɔ kama paɣtʋ piye piye pɩtaahalanzɩ yɔɔ nɛ e-koboyaɣ ñɩlɩsɩ. Mbʋ́ pʋyɔɔ yɔ, eeyeba nɛ Mooyiizi ɛsɩndaa ñɩlɩsɩ siŋŋ nɛ Izrɛɛlɩ ñɩma tapɩzɩɣ se pɔcɔnɩ-ɩ. Ŋgʋ́, koboyaɣ ŋ́gá kɛtɛwɛɣ tam. Yee paɣtʋ ndʋ́ tiyeki nɛ ɛyáa sɩkɩ yɔ, tɩwɩlɩ-wɛ ɛzɩma mbʋ́ Ɛsɔ koboyaɣ paɣlaa yɔ lɛ,

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

1 Tesalooniki 1:9

Pa-maɣmaɣ pɛkɛdɩɣ ɛzɩma mbʋ́ ɩmʋ-ɖʋ mɩ-tɛ yɔ pʋ-tɔm nɛ ɛzɩma mbʋ́ ɩha agɔlɩma siɣ́ye nɛ ɩnɩɣnɩ Ɛsɔ wezuu tʋ nɛ toovenim tʋ tʋmɩyɛ

Ebree 10:16

«Kɩpaɣlʋ yɔɔdaa se: ‹Ɩɩnaɣ nɔɔ haʋ mbʋ́ mɔnkɔŋ ɖʋʋ ma nɛ wɛ ɖɛ-hɛkʋ taa kɩyakɩŋ ɩnʋ ɩ-wayɩ yɔ. Manɖʋʋ man-paɣtʋ pa-laŋa taa nɛ mama-tʋ ɖɔɖɔ pa-lɩmaɣza taa.› »

Ebree 8:10

Kɩpaɣlʋ tasɩ yɔɔdʋʋ se: Ɩɩnaɣ nɔɔ haʋ mbʋ́ mɔnkɔŋ ɖʋʋ ma nɛ Izrɛɛlɩ ñɩma ɖɛ-hɛkʋ taa kɩyakɩŋ ɩnʋ ɩ-wayɩ yɔ. Manɖʋʋ man-paɣtʋ pa-lɩmaɣza taa. Mamaɣ-tʋ ɖɔɖɔ pa-laŋa taa. Mɛnkɛɣ pɛ-Ɛsɔ nɛ ḿbá kɛ ma-ñɩma.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Wɩlʋʋ 2:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Efɛɛzɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɔnɖɔkɩ tɩɩnzɩ ńzɩ́ sɩ-lʋbɛ me-nesi kɩbanzɩ taa nɛ mɔnɖɔŋ sika kanɖʋnaa ḿbá pa-lʋbɛ pɛ-hɛkʋ taa yɔ, mɔntɔŋna se:

Wɩlʋʋ 2:12

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Pɛɛrgam Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ sɩɣa ŋgá kɔ-nɔɔ taa cʋlʋtaa nɛ kapɩɣ cenje yɔ, mɔntɔŋna se:

Wɩlʋʋ 2:18

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Tiyaatiiri Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Ma Ɛsɔ Pɩyalʋ, weyi ma mɛ-ɛsɛ ɖeɣ miŋ pelu pelu ɛzɩ miŋ nzʋlʋmɩyɛ nɛ ma-naŋgbanzɩ wɛɛ ɛzɩ ñɩ́ɣ́yʋ́ʋ kazɩnzɩŋa ñɩŋgʋ yɔ, mɔntɔŋna se:

Wɩlʋʋ 2:8

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Smiirnɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Nʋmɔɖɛyʋ nɛ Ɛɖɩɣyɛ nɛ maasɩba nɛ menfe yɔ, mɔntɔŋna se:

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 3:22

‹Weyi ɛwɛnɩ nɩŋgbaaŋ lɛ, ɛnɩɩ tɔm ndʋ́ Fezuu Kiɖeɖeu heyiɣ Krɩstʋ aŋgba taa ñɩma yɔ!› »

Wɩlʋʋ 3:7

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Filaadɛlfii Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛnkɛ Ɛsɔ ñɩnʋ nɛ toovenim tʋ nɛ mɔnɖɔkɩ wiyaʋ sɔsɔ Daaviidi nɔnɔɔ ñɩmɩyɛ nɛ yee mantʋlaa, nɔɔyʋ ɛɛpɩzɩɣ ɛɖɩɣ nɛ yee manɖɩɣaa, nɔɔyʋ ɛɛpɩzɩɣ ɛtʋlɩ yɔ, mɔntɔŋna se: