2 Kɔrɛntɩ 3:2 - New Testament

² Mɩ-maɣmaɣ ɩwɛ ɛzɩ takayaɣ ŋgá Krɩstʋ mawa yɔ. Ŋ́gá wɩlɩɣnɩ ɛyáa mbʋ́ ɖɩkɛnaa yɔ. Kɛwɛ ɖa-laŋa taa. Ɛyáa tɩŋa payɩ pɩzɩɣ pasɩm-kɛ nɛ pakalɩ-kɛ.

2 Kɔrɛntɩ 3:2 ပူးပေါင်းရင်းမြစ်များ

Room 1:8

Kajalaɣ lɛ, mantɩŋɩɣnɩ Yesu Krɩstʋ yɔɔ nɛ mansaŋ Ɛsɔ mɩtɩŋa payɩ mɩ-yɔɔ. Mbʋ́ pʋyɔɔ yɔ, pɔyɔɔdʋʋ lidaʋ ŋgʋ́ ɩwɛnɩ yɔ kʋ-tɔm kedeŋa kpeekpe yɔɔ.

1 Kɔrɛntɩ 3:10

Ma lɛ, Ɛsɔ labɩ-m lootiye nɛ mɛwɛɛ ɛzɩ kuduyiŋ mayʋ kɩbanʋ weyi ɛsɩ tigiɖe nɛ lɛlʋ tɩnɩɣ ɖɩ-yɔɔ yɔ. Ɛlɛ́, pʋwɛɛ se paa weyi ɛtɩlɩ ɛzɩma mbʋ́ ɛtɩnɩɣ ɖɩ-yɔɔ yɔ.

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 3:1

Đɩyɔɔdʋʋ ḿbʋ́ yɔ, pɩwɩlɩɣ se ɖɩɖaɣnɩɣ ɖa-tɩ wɩlʋʋ naa we? Yaa pʋpɔzʋʋ se pama takayɩsɩ ɛzɩ lɛlaa lakʋʋ yɔ nɛ pawɩlɩnɩ-mɩ mbʋ́ ɖɩkɛwa yɔ? Đɩɩpɔzʋʋ-mɩ ɖɔɖɔ se ɩma takayaɣ nakɛyɛ nɛ ɩwɩlɩnɩ-ɖʋ lɛlaa.

2 Kɔrɛntɩ 7:3

Maayɔɔdʋʋ ḿbʋ́ se mankʋ mɩ-tɔm. Mbʋ́ pʋyɔɔ yɔ, ɛzɩ mɛntɛm yɔɔdʋʋ yɔ, paa pʋwɛɛ se ɖa nɛ mɩ ɖɩsɩ yaa ɖɩwɛɛ wezuu yɔ, ɖɩsɔɔlɩ-mɩ siŋŋ.

Filiipu 1:7

Pʋmʋnaa se mamaɣzɩ mɩtɩŋa mɩ-yɔɔ ḿbʋ́. Mɔnsɔɔlɩ-mɩ siŋŋ, mbʋ́ pʋyɔɔ yɔ, lootiye nɖɩ́ Ɛsɔ labɩ-mɩ yɔ, ma nɛ mɩtɩŋa payɩ ɛlabɩ-ɖɩ paa lɛɛlɛɛyɔ mɛwɛʋ salaka taa yɔ, yaa maawɛʋ man-tɩ yɔɔ nɛ malʋkɩ Laŋhɛzɩyɛ Tɔm yɔɔ nɛ mawɩlɩɣ ɛyáa se tɩkɛ toovenim yɔ.

1 Tesalooniki 1:8

Mbʋ́ pʋyɔɔ yɔ, Kɩpaɣlʋ tɔm lɩnɩ mɩ-tɛ nɛ tɩcɔʋ ageeta ana a-taa. Ɛlɛ́, pɩtasɩɩnɩ a-taa ɖeke, tɩcɔ paa le nɛ ɛyáa na ɛzɩma mbʋ́ ɩwɛnɩ lidaʋ Ɛsɔ yɔɔ yɔ. Pʋ-yɔɔ lɛ, pɩtacazɩ pɔzʋʋ se ɖɩyɔɔdɩ ɖɔɖɔ.