2 Kɔrɛntɩ 3:18 - New Testament

¹⁸ Pʋ-yɔɔ lɛ, mbá ɖa ɖatɩŋa payɩ pokuli ɖɛ-ɛsɛ yɔɔ kɛtɛɛka ŋ́gá yɔ, ɖɩnaɣ Kɩpaɣlʋ koboyaɣ tam nɛ ɖɩtɛzɩɣ wɛʋ ɛzɩ ɛnʋ yɔ. Ḿbʋ́ yebina nɛ pɩtɩŋɩɣnɩ e-Fezuu Kiɖeɖeu yɔɔ nɛ e-koboyaɣ tɛzɩɣ ɖɔʋ ɖɔ-cɔlɔ.

2 Kɔrɛntɩ 3:18 ပူးပေါင်းရင်းမြစ်များ

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 12:41

Ezaayii kana Kɩpaɣlʋ koboyaɣ yɔɔ ɛma ɛ-tɔm ḿbʋ́.

Yohanɛɛsɩ 17:22

Maha-wɛ koboyaɣ ŋgá ŋha-m yɔ se pala nɔɔ kʋɖʋmaɣ ɛzɩ ma nɛ ŋ ɖɩlabʋ yɔ.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Room 12:2

Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.

Room 13:14

Ɩkpaɣ Kɩpaɣlʋ Yesu Krɩstʋ wɛtʋ ɛzɩ mi-you wondu yɔ. Ɩtaatasɩ yebu nɛ mɩ-maɣmaɣ mɩ-wɛtʋ hɔm-mɩ nɛ ɩla mbʋ́ mi-liu wɛɛ yɔ.

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

Room 8:4

Ɛlabɩ ḿbʋ́ se ɖɩpɩzɩ ɖɩla mbʋ́ pʋtʋʋzaa yɔ ɛzɩ paɖʋʋ paɣtʋ taa yɔ. Mbʋ́ pʋyɔɔ yɔ, ɖɩɩɖɔŋ ɛzɩ ɖe-liu wɛʋ yɔ. Ɛlɛ́, ɖɩɖɔŋ ɛzɩ pɩkɛdɩnaʋ Fezuu Kiɖeɖeu yɔ.

Room 8:7

Mbá panɩɣnɩ mbʋ́ pa-maɣmaɣ pe-liu wɛɛ yɔ, pɛkɛ Ɛsɔ koyindinaa. Mbʋ́ pʋyɔɔ yɔ, paaɖɔŋ Ɛsɔ paɣtʋ yɔɔ. Halɩ paatɩɩpɩzɩɣ pɔɖɔ tɩ-yɔɔ kpem.

1 Kɔrɛntɩ 13:12

Alɩwaatʋ tʋnɛ tɩ-taa lɛ, pʋwɛ ɛzɩ ñɩnʋʋ fiɖiyii ñɩŋgʋ taa ɖɩcɔŋna yɔ, ɖɩɩnaɣ pɩtɩŋa camɩyɛ. Ɛlɛ́ puwiye lɛ, ɖɩkɔŋ pɩtɩŋa naʋ ɖɛ-ɛsɩndaa kaŋŋ. Lɛɛlɛɛyɔ mantatɩlɩ pɩtɩŋa, ɛlɛ́, mɔnkɔŋ tɛzʋʋ pɩtɩŋa payɩ sɩm puwiye ńɖɩ́ ɛzɩ Ɛsɔ sɩm-m ɖɔɖɔ yɔ.

1 Kɔrɛntɩ 15:49

Đa lɛ, ɖɩwɛ ɛzɩ weyi pamanɩ tɛtʋ yɔ. Ḿbʋ́ ɖɔɖɔ ɖɩkɔŋ wɛʋ ɛzɩ weyi ɛlɩnɩ ɛsɔdaa yɔ.

2 Kɔrɛntɩ 3:17

Ŋgʋ́, Kɩpaɣlʋ ɛnʋ lɛ Fezuu Kiɖeɖeu. Nɛ ɖenɖe Kɩpaɣlʋ Fezuu wɛɛ yɔ, peeɖe ñɩma wɛ pa-tɩ yɔɔ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Koloosi 3:10

nɛ ɩlɛɣzɩ kɩfatʋ. Ńdʋ́ wɛɣnɩ lɛɣzʋʋ yɔɔ ḿbʋ́ nɛ ɩkɔɔ ɩtɛzɩ tɩlʋʋ pɩtɩŋa payɩ. Ḿbʋ́ weyi ɛma-mɩ yɔ, ɛwɛɛ.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.

Tiiti 3:5

ɛyabɩ ɖa-ñʋʋ. Pɩtɛkɛ se ɖɩlabɩ tʋma kɩbana yɔɔ ɛlabɩ-ɖʋ ḿbʋ́. Ɛlɛ́, ɛna ɖa-pʋtɔdɩyɛ yɔɔ ɛlabɩ-ɖʋ ḿbʋ́. Ɛyabɩ ɖa-ñʋʋ nɛ pɩtɩŋnɩ lɩm mbʋ́ pʋ-yɔɔ Fezuu Kiɖeɖeu tɩŋnaa se ɖɩpɩsɩ ɛyáa kɩfama yɔ. Pɩlabɩ ḿbʋ́ se ɖihiɣ wezuu caɣʋ kɩfam.

Yakubu 1:23

Weyi ewelesiɣ-tʋ yem nɛ ɛɛɖɔŋ tɩ-yɔɔ yɔ, ɛwɛ ɛzɩ weyi ɛcɔŋnɩ ɛ-tɩ ñɩnʋʋ taa nɛ ɛnaɣ ɛzɩma mbʋ́ ɛwɛɛ yɔ.

1 Yohanɛɛsɩ 3:2

Mɛ-ɛgbaɣdɩnaa! Lɛɛlɛɛyɔ ɖɩkɛ Ɛsɔ piya. Nɔɔyʋ tanadɩ mbʋ́ ɖɩkɔŋ kɛʋ yɔ. Ɛlɛ́, ɖɩsɩm se alɩwaatʋ ndʋ́ Yesu Krɩstʋ pɩsɩɣ ɛkɔɔ nɛ pana-ɩ yɔ, ɖɩwɛɣ ɛzɩ ɛwɛʋ yɔ, mbʋ́ pʋyɔɔ yɔ, ɖɩnaɣ-ɩ ɛzɩ ɛwɛʋ yɔ.