2 Kɔrɛntɩ 3:17 - New Testament

¹⁷ Ŋgʋ́, Kɩpaɣlʋ ɛnʋ lɛ Fezuu Kiɖeɖeu. Nɛ ɖenɖe Kɩpaɣlʋ Fezuu wɛɛ yɔ, peeɖe ñɩma wɛ pa-tɩ yɔɔ.

2 Kɔrɛntɩ 3:17 ပူးပေါင်းရင်းမြစ်များ

Yohanɛɛsɩ 6:63

Fezuu Kiɖeɖeu haɣnɩ wezuu. Ɛyʋ ɛɛpɩzɩɣ ɛla pʋyʋ. Tɔm ndʋ́ meheyi-mɩ yɔ, tɩ-yɔɔ kɩtɩŋɩɣna nɛ kɩhaɣ wezuu.

Yohanɛɛsɩ 8:32

Pʋbʋ, ɩtɩlɩɣ toovenim nɛ toovenim ḿbʋ́ piyele nɛ ɩwɛɛ mɩ-tɩ yɔɔ.»

Room 8:2

Mbʋ́ pʋyɔɔ yɔ, ɛzɩma mbʋ́ mɛwɛ Fezuu Kiɖeɖeu ŋgʋ́ kɩtɩŋnɩ Krɩstʋ Yesu yɔɔ nɛ kɩhaɣ-ɖʋ wezuu yɔ ki-nesi taa yɔ pʋ-yɔɔ lɛ, puholi-m nɛ kɩwɛɛkɩm nɛ sɩm pe-nesi taa.

1 Kɔrɛntɩ 15:45

Pʋ-yɔɔ pama Ɛsɔtɔm Takayaɣ taa se: «Kajalaɣ ɛyʋ weyi Ɛsɔ ma-ɩ nɛ payaɣ-ɩ se Aɖam yɔ, ɛpɩsɩ weyi ɛwɛ wezuu yɔ.» Ɛlɛ́, kɛtɛzaɣ Aɖam lɛ Fezuu Kiɖeɖeu ŋgʋ́ kɩhaɣ wezuu yɔ.

2 Kɔrɛntɩ 3:18

Pʋ-yɔɔ lɛ, mbá ɖa ɖatɩŋa payɩ pokuli ɖɛ-ɛsɛ yɔɔ kɛtɛɛka ŋ́gá yɔ, ɖɩnaɣ Kɩpaɣlʋ koboyaɣ tam nɛ ɖɩtɛzɩɣ wɛʋ ɛzɩ ɛnʋ yɔ. Ḿbʋ́ yebina nɛ pɩtɩŋɩɣnɩ e-Fezuu Kiɖeɖeu yɔɔ nɛ e-koboyaɣ tɛzɩɣ ɖɔʋ ɖɔ-cɔlɔ.

2 Kɔrɛntɩ 3:6

Eyeba ɖɔɖɔ se ɖɩkɛ nɔɔ haʋ kɩfam tʋmlaɖaa. Nɔɔ haʋ kɩfam ḿbʋ́, pɩtɛkɛ paɣtʋ ndʋ́ paamawa yɔ. Ɛlɛ́, pɩkɛ mbʋ́ pɩlɩnɩ Fezuu Kiɖeɖeu cɔlɔ yɔ. Mbʋ́ pʋyɔɔ yɔ, paɣtʋ yeki nɛ ɛyáa sɩkɩ. Ɛlɛ́, Fezuu Kiɖeɖeu ñahaɣ wezuu.

Galaatɩ 4:6

Mbʋ́ pɩwɩlɩɣ se ɖɩkɛ e-piya siŋŋ yɔ lɛ se eyeba nɛ ɛ-Pɩyalʋ Fezuu sʋʋ ɖa-taa nɛ kɩyɔɔdʋʋ se: «Man-Caa!»

Galaatɩ 5:1

Krɩstʋ holi-ɖʋ se ɖɩwɛɛ ɖa-tɩ yɔɔ kpem. Pʋ-yɔɔ lɛ, ɩñaɣ pana nɛ ɩwɛɛ mɩ-tɩ yɔɔ ḿbʋ́ nɛ ɩtaatasɩ pɩsʋʋ yomaa.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

2 Timootee 1:7

Mbʋ́ pʋyɔɔ yɔ, Fezuu Kiɖeɖeu ŋgʋ́ Ɛsɔ ha-ɖʋ yɔ, kiiyeki se ɖɩwɛɛ niŋkaɣ, ɛlɛ́, kiyeki se ɖɩwɛnɩ ɖoŋ nɛ sɔɔlɩm nɛ tɩ ɖɔkʋʋ.