2 Kɔrɛntɩ 3:1 - New Testament

¹ Đɩyɔɔdʋʋ ḿbʋ́ yɔ, pɩwɩlɩɣ se ɖɩɖaɣnɩɣ ɖa-tɩ wɩlʋʋ naa we? Yaa pʋpɔzʋʋ se pama takayɩsɩ ɛzɩ lɛlaa lakʋʋ yɔ nɛ pawɩlɩnɩ-mɩ mbʋ́ ɖɩkɛwa yɔ? Đɩɩpɔzʋʋ-mɩ ɖɔɖɔ se ɩma takayaɣ nakɛyɛ nɛ ɩwɩlɩnɩ-ɖʋ lɛlaa.

2 Kɔrɛntɩ 3:1 ပူးပေါင်းရင်းမြစ်များ

Tʋma Labʋ 18:27

Pʋwayɩ lɛ, ɛɖʋ se ewoki Akayɩ egeetiye taa. Ɛlɛ́, taabalaa yele nɛ pɩlabɩ-ɩ hʋnʋm nɛ pama egeetiye ńɖɩ́ ɖɩ-taa taabalaa takayaɣ se ɛtalaa lɛ, pamʋ-ɩ ɖeu. Ɛtalaa lɛ, ɛwɛɛ wazaɣ siŋŋ mbá pɩtɩŋnɩ Ɛsɔ lootiye yɔɔ nɛ pɛwɛnɩ lidaʋ Yesu yɔɔ yɔ.

Room 16:1

Meheyiɣ-mɩ se ɖa-taabalʋ halʋ ñɩnʋ Foobee kɛ ɛyʋ siŋŋ. Ɛlakɩ tʋmɩyɛ Sankree Yesu ŋgbɛyɛ taa.

1 Kɔrɛntɩ 10:33

Ɩla ɖɔɖɔ ɛzɩ ma yɔ: mañakɩ pana se mɔn-tɔm ɛkɛdɩnɩ ɛyáa tɩŋa pɩtɩŋa pɩ-taa. Maañɩnɩɣ se piɖeni ma-maɣmaɣ. Ɛlɛ́, mañɩnɩɣ se piɖeni ɛyáa tɩŋa nɛ pɩya pa-ñʋʋ.

1 Kɔrɛntɩ 16:3

Alɩwaatʋ ndʋ́ mantalɩɣ mɩ-tɛ yɔ, mamaɣ takayɩsɩ nɛ mɛncɛlɩ mbá ɩlɩzɩ-wɛ se powoni mɩ-haɖɛ Yeruusalɛm yɔ nɛ pɛkpɛndɩna.

1 Kɔrɛntɩ 3:10

Ma lɛ, Ɛsɔ labɩ-m lootiye nɛ mɛwɛɛ ɛzɩ kuduyiŋ mayʋ kɩbanʋ weyi ɛsɩ tigiɖe nɛ lɛlʋ tɩnɩɣ ɖɩ-yɔɔ yɔ. Ɛlɛ́, pʋwɛɛ se paa weyi ɛtɩlɩ ɛzɩma mbʋ́ ɛtɩnɩɣ ɖɩ-yɔɔ yɔ.

1 Kɔrɛntɩ 4:15

Mbʋ́ pʋyɔɔ yɔ, paa ɩɩwɛnɩ wɩlɩyaa sakɩyɛ nɛ pawɩlɩɣ-mɩ Krɩstʋ tɔm yɔ, ɩɩpɩzɩɣ ɩwɛnɩ caanaa sakɩyɛ. Mbʋ́ pʋyɔɔ yɔ, mɔnkɔmnɩ monsusi-mɩ Krɩstʋ Yesu Laŋhɛzɩyɛ Tɔm nɛ pɩtɩŋnɩ pʋ-yɔɔ nɛ manpɩsɩ ɛzɩ mɩ-caa yɔ.

2 Kɔrɛntɩ 10:12

Đɩɩcazɩɣ ɖa-tɩ kpaɣʋ se ɖɩkɛdɩna yaa ɖɩmaɣzɩnɩ mbá pawɩlɩɣ pa-tɩ yem yɔ. Pa-ñʋŋ taa fɛyɩ yɔɔ pɛkɛdɩɣnɩ pa-tɩ yaa pamaɣzɩɣnɩ pa-tɩ nɛ pa-maɣmaɣ.

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

2 Kɔrɛntɩ 10:8

Paa maakɩlɩ kʋndɩnaʋ ɖoŋ weyi Kɩpaɣlʋ ha-ɖʋ yɔ yɔ, fɛyɛ ɛɛkpaɣ-m. Mbʋ́ pʋyɔɔ yɔ, ɛha-ɖʋ-ɩ se ɖɩsɩnɩ-mɩ nɛ ɩpɩɩ Ɛsɔ nʋmɔʋ taa. Ɛlɛ́, ɛtaha-ɖʋ-ɩ se ɖɩɖʋzɩnɩ-mɩ.

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 12:19

Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 5:12

Đɩɩɖaɣnɩɣ ɖa-tɩ wɩlʋʋ mɩ-cɔlɔ. Ɛlɛ́, ɖɩhaɣ-mɩ waɖɛ se ɩkʋndɩnɩ-ɖʋ nɛ ɩpɩzɩ icosi mbá pakpazɩɣ pa-tɩ ɛsɛ yɔɔ yem nɛ paanɩɣnɩ mbʋ́ pʋwɛ ɛyʋ taa yɔ.