2 Kɔrɛntɩ 2:17 - New Testament

¹⁷ Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 2:17 ပူးပေါင်းရင်းမြစ်များ

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Tʋma Labʋ 20:20

Mɛntɛmɛsɩ-mɩ natʋyʋ. Maakɛdɩ-mɩ nɛ mawɩlɩ-mɩ mbʋ́ pɩtɩŋa payɩ pʋwɛ-mɩ wazaɣ yɔ samaɣ nɛ mɩ-ɖɩsɩ pa-taa.

Tʋma Labʋ 20:27

Mbʋ́ pʋyɔɔ yɔ, meheyi-mɩ mbʋ́ Ɛsɔ ɖʋwa se ɛkɔŋ labʋ yɔ pɩtɩŋa payɩ, mɛntɛmɛsɩ-mɩ natʋyʋ.

1 Kɔrɛntɩ 5:8

Pʋ-yɔɔ lɛ, ɖɩtɔɔ ɖa-kazandʋ ńdʋ́. Ɛlɛ́, pʋwɛɛ se ɖɩtɔɔ-tʋ nɛ tindine nɖɩ́ ɖɩ-taa fɛyɩ sɔsɔɔna yɔ. Pʋ-tɔbʋʋ se ɖɩwɛɛ cɩɖɩcɩɖɩ nɛ ɖɩkɛ toovenim tɩnaa. Điyele kɩwɛɛkɩm nɛ acɛyɛ mbá ɖɩlakaɣ yɔ, mbʋ́ pʋyɔɔ yɔ, pɛwɛ ɛzɩ sɔsɔɔna yɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 1:18

Ɛzɩma mbʋ́ pɩkɛ toovenim se Ɛsɔ ɛɛlɛɣzɩɣ ɛ-tɔm kaʋ yɔ, ḿbʋ́ ɖɔɖɔ maayɔɔdʋʋnɩ-mɩ nɔsɩ naalɛ.

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

2 Kɔrɛntɩ 12:19

Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

Galaatɩ 1:6

Pɩɖɩɣzɩ-m pɩŋŋ nɛ mɩ-tɔm. Mbʋ́ pʋyɔɔ yɔ, ɩha Ɛsɔ weyi ɛtɩŋnɩ Krɩstʋ lootiye yɔɔ nɛ ɛ́yáa-mɩ se ɩkɛ ɛ-ñɩma yɔ siɣ́ye yem kɛlɛʋ nɛ ɩnɩɣnɩ Laŋhɛzɩyɛ Tɔm lɛɛtʋ.

1 Tesalooniki 2:4

Ɛlɛ́, ɖɩyɔɔdʋʋ tam ɛzɩ Ɛsɔ liu wɛʋ yɔ: ɛmaɣzɩ-ɖʋ nɛ pʋcɔ ɛ́ɖʋzɩ ɖe-nesi taa ɛ-Laŋhɛzɩyɛ Tɔm. Pɩtɛkɛ se ɖɩñɩnɩɣ se ɖɔ-tɔm ɛkɛdɩnɩ ɛyáa, ɛlɛ́, Ɛsɔ ɖɩñɩnɩɣ se tɩkɛdɩna, ɛnʋ naɣnɩ mbʋ́ pʋwɛ ɖa-laŋa taa yɔ.

Tiiti 1:11

Pʋwɛɛ se ŋɖɩɣ-wɛ nʋmɔʋ nɛ pataapɩzɩ pɔyɔɔdɩ. Mbʋ́ pʋyɔɔ yɔ, poyozuu hɔŋ taa ɛyáa tɩŋa payɩ nɛ pawɩlɩɣ mbʋ́ pɩtamʋna yɔ se pehiɣ kɛzɛɣa.

Ebree 11:27

E-lidaʋ ŋ́gʋ́ kʋ-yɔɔ ɛkʋyɩ Ejiptɩ nɛ sɔɔndʋ takpa-ɩ nɛ wiyaʋ sɔsɔ pana. Mbʋ́ pʋyɔɔ yɔ, ɛɖɔkɩ ɛ-tɩ kpam nɛ pʋwɛɛ ɛzɩ ɛnaɣ Ɛsɔ yɔ, ŋgʋ́, paapɩzɩɣ pana-ɩ.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.