2 Kɔrɛntɩ 2:13 - New Testament

¹³ Ɛlɛ́, man-taa taawɛɛ leleŋ, mbʋ́ pʋyɔɔ yɔ, mantaana taabalʋ Tiiti. Peeɖe mankʋyɩ Trowaasɩ ñɩma ḿbá pɔ-cɔlɔ nɛ mowolo Masedonii egeetiye taa.

2 Kɔrɛntɩ 2:13 ပူးပေါင်းရင်းမြစ်များ

Maarkɩ 6:46

Pʋwayɩ lɛ, ɛkʋyɩ pɔ-cɔlɔ nɛ ewolo ɛkpa pʋʋ yɔɔ se ɛsɛɣ Ɛsɔ.

Tʋma Labʋ 21:6

Pʋwayɩ lɛ, ɖa nɛ wɛ ɖɩsɛɛ ɖama nɛ ɖa ɖasʋʋ mɛlɛ nɛ piyele ḿbá ñapɩsɩ pɛ-tɛ.

Room 15:26

Mbʋ́ pʋyɔɔ yɔ, Yesu aŋgba wena awɛ Masedonii nɛ Akayɩ yɔ, a-taa ñɩma ɖʋwa se pɔcɔʋ nabʋyʋ nɛ pasɩnɩ kʋñɔndɩnaa mbá pɛwɛ Yeruusalɛm Ɛsɔ ñɩma taa yɔ.

2 Kɔrɛntɩ 12:18

Meheyi Tiiti se ɛñaɣ pana nɛ ɛkɔɔ mɩ-tɛ. Ɛ nɛ taabalʋ weyi ɩsɩma yɔ mentiyaa. Tiiti kɔm yɔ, ɛhɔɔzɩ mi-nesi taa yaa we? Ɛzɩ pɩtɛkɛ lɩmaɣza kʋɖʋma ɖa nɛ ɩ ɖɩɖɔmnɩ nʋmɔʋ kʋɖʋmʋʋ taa yaa we?

2 Kɔrɛntɩ 7:13

Pʋ-yɔɔ ɖa-laŋa hɛwa. Pɩtasɩɩnɩ ɖa-laŋa hɛʋ ɖeke. Ɛlɛ́, ɖa-taa kɛtɛzɩ hʋlʋmʋʋ alɩwaatʋ ndʋ́ ɖɩnawa se Tiiti taa hʋlʋmɩnɩ ɛzɩma mbʋ́ mɩtɩŋa payɩ iyeba nɛ ɛ-lɩmaɣza caɣ a-ɖeɖe yɔ.

2 Kɔrɛntɩ 7:14

Maasam-mɩ ɛ-cɔlɔ, ɩtaɖʋ-m fɛyɛ. Mbʋ́ pʋyɔɔ yɔ, ɛzɩma mbʋ́ ɖiheyiɣ-mɩ toovenim paa ɖooye yɔ, ḿbʋ́ ɖɔɖɔ mɩ-tɔm ndʋ́ ɖiheyi Tiiti yɔ, tɩlabɩ ḿbʋ́ ɖeyi ɖeyi.

2 Kɔrɛntɩ 8:16

Đɩsa Ɛsɔ weyi eyeba nɛ Tiiti ñakɩ pana ɖɔɖɔ mɩ-yɔɔ ɛzɩ ɖa yɔ.

2 Kɔrɛntɩ 8:23

Tiiti lɛ, ɛkɛ man-taabalʋ weyi ma nɛ ɩ ɖɩlakɩ tʋmɩyɛ mɩ-cɔlɔ yɔ. Pɩsɛɣ taabalaa lɛlaa mbá pasɩɣ-ɩ yɔ, Yesu aŋgba taa ñɩma tiyiɣni-wɛ. Palakɩ se Krɩstʋ hɩɖɛ ɛsɛɛ.

2 Kɔrɛntɩ 8:6

Ɛzɩma mbʋ́ Tiiti kapazɩ liidiye mʋ́ʋ mɩ-tɛ yɔ, pʋ-yɔɔ ɖitendi-i se ɛñaɣ pana ɛpɩsɩ mɩ-tɛ peeɖe nɛ ɛtɛzɩ sɔɔlɩm tʋmɩyɛ ńɖɩ́ ɛzɩ ɛɛpazʋʋ-ɖɩ yɔ.

Galaatɩ 2:1

Pɩnzɩ hiu nɛ naanza ɖɛwa lɛ, ma nɛ Barnaabaasɩ ɖɩpɩsɩ Yeruusalɛm. Đɩɩkpɛndɩnɩ Tiiti ɖɔɖɔ.

Galaatɩ 2:3

Meheyiɣ-mɩ se patatɩɩcɛyɩ man-taabalʋ Tiiti weyi ɛkɛ Grɛɛkɩ tʋ yɔ se ewolo pɛpɛlɩ-ɩ.

2 Timootee 4:10

Mbʋ́ pʋyɔɔ yɔ, Demaasɩ kɩlɩ sɔɔlʋʋ mbʋ́ pʋwɛ kedeŋa yɔɔ cɩnɛ yɔ nɛ ese mɔn-cɔlɔ nɛ ɛɖɛɛ Tesalooniki. Krɛɛsaɣ ñowobi Galaasii nɛ piyele Tiiti ñowolo Dalmaasii.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.