2 Kɔrɛntɩ 13:7 - New Testament

⁷ Đɔɖɔ lɛ, ɖɩsɛɣ Ɛsɔ se mɩ-taa nɔɔyʋ ɛtaatasɩ kɩwɛɛkɩm nabʋyʋ labʋ. Đɩɩcaɣ se ɖɩtɩŋnɩ pʋ-yɔɔ nɛ ɖɩwɩlɩ se ɖɩmʋnaa. Ɛlɛ́, paa pɩlakɩ-mɩ ɛzɩ ɖɩtamʋna yɔ yɔ, mɩ mɩla mbʋ́ pʋwɛ ɖeu yɔ.

2 Kɔrɛntɩ 13:7 ပူးပေါင်းရင်းမြစ်များ

Maatiyee 6:13

Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

Yohanɛɛsɩ 17:15

Maatendiɣ-ŋ se ŋkʋsɩ-wɛ kedeŋa yɔɔ, ɛlɛ́, mentendiɣ-ŋ se ŋcɔnɩ pɔ-yɔɔ nɛ Satanɩ ɛtaalabɩ-wɛ pʋyʋ.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Room 12:17

Ɩtaala nɔɔyʋ taŋ labɩ-m malakɩ-ɩ. Ɩñaɣ pana nɛ ɩla mbʋ́ pʋwɛ ɖeu yɔ paa weyi ɛ-ɛsɩndaa.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 16:10

Ɩsɛɛ Apelɛɛsɩ weyi pɩtɩŋnɩ takʋʋ yɔɔ nɛ ɛwɩlɩ se ɛwɛnɩ lidaʋ Krɩstʋ yɔɔ siŋŋ yɔ. Ɩsɛɛ ɖɔɖɔ Aristoobuuli hɔʋ taa ñɩma.

1 Kɔrɛntɩ 11:19

Pʋwɛɛ kpem se tayʋʋ ɛwɛɛ ḿbʋ́ mɩ-hɛkʋ taa nɛ papɩzɩ patɩlɩ mbá pɔɖɔkʋʋ pa-tɩ yɔ.

2 Kɔrɛntɩ 10:10

Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 10:18

Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

2 Kɔrɛntɩ 13:6

Ɩkɔŋ naʋ se ɖa ɖatakɩ ɖa-taa nɛ ɖɩna se ɖɩmʋnaa.

2 Kɔrɛntɩ 13:8

Mbʋ́ pʋyɔɔ yɔ, ɖɩfɛyɩnɩ ɖoŋ nɩɩyɩ se ɖɩɩɖɩɣnɩ toovenim nʋmɔʋ. Toovenim ḿbʋ́ pʋ-tɔm taa ɖɩwɛ ɖoŋ.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

2 Kɔrɛntɩ 6:4

Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.

2 Kɔrɛntɩ 8:21

Ɛlɛ́, ɖɩcaɣ se ɖɩla mbʋ́ pʋmʋnaa se pala Kɩpaɣlʋ ɛsɩndaa nɛ mbʋ́ pʋmʋnaa se pala ɛyáa ɛsɩndaa ɖɔɖɔ yɔ.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

1 Timootee 2:2

Ɩla ḿbʋ́ ɖɔɖɔ awiya nɛ ñʋndɩnaa patɩŋa payɩ pɔ-yɔɔ nɛ ɖɩpɩzɩ ɖɩcaɣ wezuu laŋhɛzɩyɛ taa fɛɛɛ nɛ ɖɩña Ɛsɔ camɩyɛ nɛ ɖɩla mbʋ́ pʋmʋnaa yɔ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

2 Timootee 4:18

Ɛkɔŋ-m lɩzʋʋ ɖɔɖɔ kɩdɛkɛdɩm mbʋ́ pɩtɩŋa payɩ pɩtalɩ-m yɔ pɩ-taa cɩŋɩlɩm nɛ ewoni-m e-Kewiyaɣ taa ɛsɔdaa. Ɛtɩɣyɩ koboyaɣ pɩnzɩ ɛgbaŋ ɛgbaŋ! Pɩla ḿbʋ́!

Yakubu 1:12

Weyi ɛɖɔkʋʋ ɛ-tɩ takʋʋ taa yɔ, ehiɣ ɛ-tɩ! Mbʋ́ pʋyɔɔ yɔ, ɛtɛŋ wɩlʋʋ ɛ-tɩ ɖɔkʋʋ lɛ, Ɛsɔ cɛlɩ-ɩ ɛ-kɩhɛyʋʋ: ŋ́gʋ́ lɛ wezuu maatɛŋ. Ŋ́gʋ́ ɛɖʋwa se ɛhɛyɩɣ mbá pɔsɔɔlɩ-ɩ yɔ.

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.