6 Ɩkɔŋ naʋ se ɖa ɖatakɩ ɖa-taa nɛ ɖɩna se ɖɩmʋnaa.
Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.
Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.
Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.
Mɩ-maɣmaɣ ɩtakɩ mɩ-taa nɛ ɩna se ɩwɛ lidaʋ nʋmɔʋ taa yaa we? Ɩtatɩlɩ se mɩ nɛ Yesu Krɩstʋ ɩkpɛndaa yaa we? Yee ɩnawa se ɩfɛyɩnɩ lidaʋ ɛ-yɔɔ lɛ, ḿbʋ́ lɛ.
Đɔɖɔ lɛ, ɖɩsɛɣ Ɛsɔ se mɩ-taa nɔɔyʋ ɛtaatasɩ kɩwɛɛkɩm nabʋyʋ labʋ. Đɩɩcaɣ se ɖɩtɩŋnɩ pʋ-yɔɔ nɛ ɖɩwɩlɩ se ɖɩmʋnaa. Ɛlɛ́, paa pɩlakɩ-mɩ ɛzɩ ɖɩtamʋna yɔ yɔ, mɩ mɩla mbʋ́ pʋwɛ ɖeu yɔ.
