2 Kɔrɛntɩ 13:5 - New Testament

⁵ Mɩ-maɣmaɣ ɩtakɩ mɩ-taa nɛ ɩna se ɩwɛ lidaʋ nʋmɔʋ taa yaa we? Ɩtatɩlɩ se mɩ nɛ Yesu Krɩstʋ ɩkpɛndaa yaa we? Yee ɩnawa se ɩfɛyɩnɩ lidaʋ ɛ-yɔɔ lɛ, ḿbʋ́ lɛ.

2 Kɔrɛntɩ 13:5 ပူးပေါင်းရင်းမြစ်များ

Yohanɛɛsɩ 14:23

Yesu cosi-i se: «Weyi ɛsɔɔlɩ-m yɔ, ɛɖɔŋ mɔn-tɔm yɔɔ. Man-Caa sɔɔlʋʋ-ɩ nɛ ma nɛ ɩ ɖiwolo ɖɩwɛɛ pʋdʋ tɛ.

Yohanɛɛsɩ 15:4

Pʋwɛɛ se ma nɛ mɩ ɖɩkpɛndɩ ɖama ḿbʋ́ nɛ ɖɩwɛɛ tam. Yee piliŋa ɛwɛɛ nɛ kɛfɛyɩ tɩʋ yɔɔ yɔ, kaapɩzɩɣ kalʋlɩ. Ḿbʋ́ ɖɔɖɔ pʋwɛnɩ-mɩ, yee ɩtɛkpɛndɩ mɔ-yɔɔ ḿbʋ́ tam yɔ, ɩɩpɩzɩɣ ɩwɛnɩ wazaɣ.

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Yohanɛɛsɩ 17:26

Meyeba nɛ pasɩm-ŋ, mɛwɛɣ pʋ-yɔɔ tam. Peeɖe pɔsɔɔlʋʋ ɖama ɛzɩ ŋsɔɔlʋʋ-m yɔ nɛ ma nɛ wɛ ɖɩwɛɛ ɖama taa.»

Yohanɛɛsɩ 6:56

Weyi ɛtɔkɩ mon-tomnaɣ nɛ ɛñɔɔ man-calɩm yɔ, ma nɛ ɩ ɖɩwɛ ɖama taa.

Yohanɛɛsɩ 6:6

Ɛyɔɔdaɣ ḿbʋ́ faŋŋ se ɛna ndʋ́ Filiipu cosuu yɔ, mbʋ́ pʋyɔɔ yɔ, ɛtɛm sɩm mbʋ́ ɛlakɩ yɔ.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Room 8:10

Yee Krɩstʋ ɛwɛ mɩ-cɔlɔ yɔ, paa mi-tomnaɣ ɛtɛŋnɩ sɩm kɩwɛɛkɩm yɔɔ yɔ, mɩ-kalɩzaɣ wɛɣ wezuu. Mbʋ́ pʋyɔɔ yɔ, ɩpɩsɩ kʋtʋʋzaa Ɛsɔ ɛsɩndaa.

1 Kɔrɛntɩ 11:28

Pʋ-yɔɔ lɛ, pʋwɛɛ se paa weyi ɛmaɣzɩ ɛ-taa camɩyɛ nɛ ɛna nɛ pʋcɔ ɛtɔɔ tindine ńɖɩ́ nɛ ɛñɔɔ sʋlʋm caɖaɣ ŋ́gá.

1 Kɔrɛntɩ 11:31

Yee ɖa-maɣmaɣ ɖɩmaɣzaa nɛ ɖɩtɩlɩ ɖa-tɩ nɛ pʋcɔ yɔ, Ɛsɔ ɛɛhʋʋnɩ-ɖʋ.

1 Kɔrɛntɩ 3:16

Ɩtatɩlɩ se ɩwɛ ɛzɩ Ɛsɔ ɖɩɣa ŋgá e-Fezuu Kiɖeɖeu wɛ ka-taa yɔ yaa we?

1 Kɔrɛntɩ 6:15

Ɩtatɩlɩ se mi-tomnasɩ kɛ Krɩstʋ tomnaɣ pilinzi naa we? Pʋwɛ ɖeu se pakpaɣ Krɩstʋ tomnaɣ piliŋa nɛ pɛcɛlɩ halʋ weyi ɛlakɩ acɛyɛ yɔ yaa we? Aayɩ! Pɩfɛyɩ ɖeu ḿbʋ́ kpem.

1 Kɔrɛntɩ 6:19

Ɩtatɩlɩ se mi-tomnaɣ lɛ Fezuu ŋgʋ́ Ɛsɔ ha-mɩ nɛ kɩwɛɛ mɩ-taa yɔ kɩ-ɖɩɣa naa we? Pɩtɛkɛ mɩtɩnɩ mɩ-tɩ.

1 Kɔrɛntɩ 6:2

Ɩtatɩlɩ se Ɛsɔ ñɩma kɔŋnɩ hʋnaʋ kedeŋa ñɩma tɔm naa we? Yee mɩ pʋwɛɛ se ɩhʋʋnɩ kedeŋa ñɩma tɩŋa payɩ lɛ, pɩlabɩ ɛzɩma ɩɩpɩzɩɣ ɩhʋʋ tɔm cikpetu yɔ?

1 Kɔrɛntɩ 9:24

Ɩtatɩlɩ se mbá powoki seu yɔ, peseɣ patɩŋa payɩ, ɛlɛ́, weyi ɛwakɩ yɔ e-ɖeke koŋ palakɩ kʋjɔʋ naa we? Pʋ-yɔɔ lɛ, ɩñaɣ pana nɛ ise lidaʋ nʋmɔʋ taa nɛ ɩwa nɛ palabɩ-mɩ kʋjɔʋ ŋ́gʋ́.

1 Kɔrɛntɩ 9:27

Mɛwɛɛ mankʋʋ man-tɩ se manpɩzɩ mɔnɖɔkɩ man-tɩ siŋŋ nɛ pɩtaakɔɔ pɩɖɩɣnɩ weyi ma monsusi lɛlaa Ɛsɔtɔm yɔ.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Galaatɩ 4:19

Men-piya! Mantasɩɣ nɩʋ siziŋ mɩ-yɔɔ ɛzɩ halʋ lʋlʋʋ yɔ nɛ pʋkɔɔ pɩsɩɩnɩ alɩwaatʋ ndʋ́ ɩtɛzɩ pɩʋ nɛ ɩwɛɛ ɛzɩ Krɩstʋ yɔ.

Galaatɩ 6:4

Pʋwɛɛ se paa weyi ɛcɔnɩ ɛ-maɣmaɣ ɛ-lakasɩ nɛ ɛna. Yee ɛnawa se sɩwɛ ɖeu yɔ, ɛkʋndɩnɩ ɛ-maɣmaɣ ɛ-tɩ. Pɩfɛyɩ se ɛkɛdɩ ɛ-tɩ nɛ lɛlaa.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

Koloosi 2:7

Ɩka lila ɛ-yɔɔ nɛ ɩpaɣlɩ nɛ ɩtɛzɩ pɩʋ mi-lidaʋ wɛnaʋ taa ɛzɩ pawɩlʋʋ-mɩ yɔ. Đɔɖɔ lɛ, ɩsam-ɩ siŋŋ.

1 Timootee 2:15

Paa ḿbʋ́ yɔ, halaa lʋlʋʋ piya nɛ Ɛsɔ ya pa-ñʋʋ. Ɛlɛ́, pʋwɛɛ se pɛwɛnɩ lidaʋ ɛ-yɔɔ tam ḿbʋ́ nɛ pɔsɔɔlɩ ɛyáa nɛ pɛwɛɛ cɩɖɩcɩɖɩ Ɛsɔ ɛnʋ ɛ-ɛsɩndaa. Pataaɖɛlɛsɩ niye.

2 Timootee 3:8

Ɛzɩma mbʋ́ Yaanɛɛsɩ nɛ Yambrɛɛsɩ paakʋyɩ Mooyiizi yɔɔ yɔ, ḿbʋ́ ɖɔɖɔ ɛyáa ḿbá pakʋyʋʋ mbʋ́ pɩkɛ toovenim yɔ pʋ-yɔɔ. Pɛkɛ mbá pa-ñʋŋ taa wɛɛkaa yɔ. Ɛsɔ takɩɣ-wɛ pe-lidaʋ wɛnaʋ taa se ɛna lɛ, paahɔzʋʋ pʋyʋ:

Tiiti 1:13

Tɔm ndʋ́ ɛyɔɔdʋʋ yɔ, tɩkɛ toovenim. Pʋ-yɔɔ pʋwɛɛ se ŋkalɩ-wɛ siŋŋ. Peeɖe pɛwɛɣnɩ lidaʋ kɩbaŋgʋ

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Tiiti 2:2

Heyi abalaa akpadɩyaa se pɛ-ɛsɛ ekuli. Pɛkɛ ɛyáa mbá pamʋnaa se paɖʋ-wɛ hɩɖɛ yɔ nɛ mbá pamaɣzɩɣ pa-ñʋŋ taa nɛ pʋcɔ pala pʋyʋ yɔ. Pɛwɛnɩ lidaʋ Krɩstʋ yɔɔ ɛzɩ pʋmʋnaʋ yɔ nɛ pɔsɔɔlɩ lɛlaa siŋŋ nɛ pɔ́ɖɔ́kɩ ḿbʋ́ kpam.

Ebree 12:15

Ɩcɔnɩ ɖama yɔɔ camɩyɛ nɛ mɩ-taa nɔɔyʋ ɛtaakɔɔ ɛha lootiye nɖɩ́ Ɛsɔ labɩ-mɩ yɔ siɣ́ye. Mɩ-taa nɔɔyʋ ɛtaawɛɛ ɛzɩ tɩʋ ñaŋ ñɩŋgʋ ŋgʋ́ kɩwɛɛ nɛ kʋ-sɔtʋ ɖɛɣ ɛyáa sakɩyɛ nɛ tɩwɛɛkɩɣ-wɛ yɔ.

Ebree 4:1

Ɛsɔ tɛm ɖʋʋ se ɖɩpɩzɩɣ ɖɩsʋʋ ɖenɖe ɛñɔɔzɩ-ɖʋ ɖɩhɛzɩyɛ yɔ. Pʋ-yɔɔ lɛ, ɩkpa mɩ-tɩ nɛ pɩtaakɔɔ pɩla se pucoɖi mɩ-taa nɔɔyʋ se ɛɛsʋʋ peeɖe.

Ebree 6:8

Ɛlɛ́, yee kpaŋsɔɔ nɛ sɔɔ tɩŋ pañɩɣnɩ pɩ-taa yɔ, pɩɩwazɩɣ pʋyʋ. Ɛsɔ tɛŋnɩ-pʋ kpalʋʋ wɩlʋʋ nɛ paɖʋ-pʋ miŋ.

Yakubu 4:4

Mɩ, ɩwɛ ɛzɩ acɛyɛ tɩnaa yɔ! Ɩtatɩlɩ se yee nɔɔyʋ ɛsɔɔlɩ kedeŋa ñɩm kpem yɔ, ɛpɩsɩɣ Ɛsɔ koyindu naa we? Pʋ-yɔɔ lɛ, weyi ɛsɔɔlʋʋ kedeŋa ñɩm yɔ, ɛpɩsɩɣ Ɛsɔ koyindu kpaagbaa.

1 Pɩyɛ 5:9

Ɩwɛnɩ lidaʋ Ɛsɔ yɔɔ siŋŋ nɛ ɩkaɖɩnɩ-ɩ. Ɩnawa se paɖʋ mɩ-taabalaa mbá pɛwɛ kedeŋa yɔɔ yɔ patɩŋa payɩ kʋñɔmɩŋ weyi paɖʋ-mɩ yɔ.

Wɩlʋʋ 2:5

Pʋ-yɔɔ lɛ, pɔtɔzɩ ɖenɖe pucoɖi-wɛ yɔ, pɛlɛɣzɩ wɛtʋ nɛ pala mbʋ́ palakaɣ kajalaɣ taa yɔ. Pɩtɛkɛ ḿbʋ́, mɔnkɔŋ pɔ-cɔlɔ nɛ mɛlɛɣ pa-kanɖʋ.