2 Kɔrɛntɩ 13:4 - New Testament

⁴ Mbʋ́ pʋyɔɔ yɔ, ɛ-ɛjandʋ yɔɔ pakam-ɩ kaamaŋkaɣ yɔɔ. Ɛlɛ́, pɩtɩŋnɩ Ɛsɔ ɖoŋ yɔɔ nɛ ɛwɛɛ wezuu. Đa nɛ ɩ ɖɛ-kpɛndʋʋ taa lɛ, ɖɩwɛ ɛjandʋ ɖɔɖɔ. Ɛlɛ́, alɩwaatʋ ndʋ́ ɖɩkɔŋ mɩ-tɛ yɔ, Ɛsɔ ɖoŋ ɖɩñɔɔzʋʋnɩ tɔm mɩ-hɛkʋ taa.

2 Kɔrɛntɩ 13:4 ပူးပေါင်းရင်းမြစ်များ

Yohanɛɛsɩ 10:18

Nɔɔyʋ ɛɛpɩzɩɣ ɛlɩzɩ me-wezuu. Ɛlɛ́, ma-maɣmaɣ mentisiɣna nɛ mansɩ. Manpɩzɩɣ mansɩ nɛ manpɩzɩ manɖaɣnɩ wezuu hiɣu. Ḿbʋ́ man-Caa ɖʋ-m se mala.»

Tʋma Labʋ 2:36

Pʋ-yɔɔ lɛ, pʋwɛɛ se Izrɛɛlɩ ñɩma mɩ mɩtɩŋa, ɩnɩɩ ɖeu se: Yesu weyi ɩkam-ɩ kaamaŋkaɣ yɔɔ yɔ, ɛnʋ lɛ Weyi Ɛsɔ Lɩzaa nɛ ɛkɛ Kɩpaɣlʋ yɔ!»

Tʋma Labʋ 3:16

Yesu ɛnʋ, e-ɖoŋ nɛ ɛ-yɔɔ lidaʋ wɛnaʋ peyebina nɛ abalʋ weyi ɩsɩm-ɩ nɛ ɩnaɣ-ɩ yɔ, ɛkpa ɖoŋ. Lidaʋ ŋgʋ́ ɛwɛnɩ Yesu yɔɔ yɔ kiyebina nɛ ɛ-yɔɔ cɛ camɩyɛ ɛzɩ mɩtɩŋa ɩnaɣʋ-ɩ ɛzʋnɔ yɔ.

Room 1:4

ɛlɛ́, efem nɛ ɛlɩɩnɩ sɩɖaa taa yɔ, pʋ-yɔɔ Ɛsɔ ya-ɩ se ɛ-maɣmaɣ ɛ-Pɩyalʋ weyi pɩtɩŋnɩ e-Fezuu Kiɖeɖeu yɔɔ nɛ ɛwɛnɩ ɖoŋ yɔ.

Room 14:9

Mbʋ́ pʋyɔɔ yɔ, Krɩstʋ sɩba nɛ efe se ɛkɛ sɩɖaa nɛ ɛsɛ ñɩma pa-Kɩpaɣlʋ.

Room 6:4

Yee ḿbʋ́ palabɩ-ɖʋ-sɩ yɔ, pɩwɩlɩɣ se ɖa nɛ ɩ ɖɩsɩbɩna nɛ pepim-ɖʋ. Pɩlabɩ ḿbʋ́ se ɖa ɖɔɖɔ ɖihiɣ wezuu caɣʋ kɩfam ɛzɩ pɩtɩŋnaʋ Caa ɖoŋ taa nɛ Krɩstʋ fe nɛ ɛlɩɩnɩ sɩɖaa taa yɔ.

1 Kɔrɛntɩ 1:25

Mbʋ́ pʋyɔɔ yɔ, Ɛsɔ lɩmaɣza wena ɛyáa kpakɩɣ se akɛ kɩmɛlɛndʋ yɔ, akɩlɩ ɛyáa lɔŋsɩnɖɛ. Ɛ-lakasɩ nzɩ́ ɛyáa kpakɩɣ ɖɔɖɔ se sɩwɛ ɛjandʋ yɔ, sɩkɩlɩ ɛyáa ɖoŋ.

1 Kɔrɛntɩ 15:43

Pepiŋ-wɛ nɛ pʋtɔdɩyɛ, ɛlɛ́ pefemni koboyaɣ. Pepiŋ-wɛ nɛ ɛjandʋ, ɛlɛ́ pefemni ɖoŋ.

1 Kɔrɛntɩ 2:3

Man-tɩ tɩŋa maawɛʋ mɩ-cɔlɔ yɔ, mɛwɛ ɛjandʋ taa nɛ sɔɔndʋ kpaɣ-m pɩtɩɩfɛyɩ nɛ menseliɣ.

1 Kɔrɛntɩ 6:14

Đɔɖɔ lɛ, Ɛsɔ weyi efezi Kɩpaɣlʋ nɛ sɩm taa yɔ, ɛkɔŋ-ɖʋ fezuu ɖɔɖɔ nɛ e-ɖoŋ.

2 Kɔrɛntɩ 10:10

Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 12:10

Pʋ-yɔɔ man-taa hʋlʋmɩnɩ ɛjandʋ nɛ tʋtʋ nɛ tɛɖʋʋ nɛ wayɩ wɛʋ kaŋ kaŋ nɛ siziŋ weyi manɩɣ Krɩstʋ nʋmɔʋ taa yɔ. Mbʋ́ pʋyɔɔ yɔ, alɩwaatʋ ndʋ́ mɛwɛɣ ɛjandʋ taa yɔ mɛwɛɣ ɖoŋ.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

Filiipu 3:10

Mbʋ́ pɩtɩŋa me-liu wɛɛ yɔ lɛ se: me-wezuu caɣʋ taa lɛ, mantɩlɩ Krɩstʋ nɛ mana ɖoŋ weyi efemnaa yɔ, nɛ mɔntɔɔ kʋñɔŋ ŋgʋ́ ɛtɔwaa yɔ nɛ mansɩ ɛzɩ ɛnʋ yɔ,

Ebree 5:7

Yesu kɛwɛ kedeŋa yɔɔ cɩnɛ lɛ, ɛsɛɣaɣ Ɛsɔ nɛ kubusi nɛ ɛsɩtɛɣlɩm. Etendaɣ-ɩ, mbʋ́ pʋyɔɔ yɔ, e-ɖeke ɛpɩzɩɣnɩ ɛlɩzɩ-ɩ sɩm taa. Ɛ-ñamtʋ siŋŋ yɔɔ lɛ, ɛ́lɛ́ nɩɩnɩ-ɩ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.