2 Kɔrɛntɩ 13:11 - New Testament

¹¹ Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 13:11 ပူးပေါင်းရင်းမြစ်များ

Maatiyee 1:23

«Ɩnaɣ, pɛlɛ nɔɔyʋ kɔŋ haɣʋ nɛ ɛlʋlɩ pɩɣa nɛ payaa-kɛ se Emaanʋyɛɛlɩ.» Pʋ-tɔbʋʋ se Ɛsɔ wɛ ɖɔ-cɔlɔ.

Maatiyee 5:48

Pʋ-yɔɔ lɛ, ɩtɛzɩ pɩʋ Ɛsɔ nʋmɔʋ taa nɛ ɩwɛɛ ɛzɩ mɩ-Caa weyi ɛwɛ ɛsɔdaa yɔ.»

Maarkɩ 10:49

Ɛlɛ́, Yesu sɩŋ nɛ ɛtɔ se payaa-ɩ, nɛ peheyi yʋlʋm ɛnʋ se: «Ñaɣ pana ŋkʋyɩ, Yesu yaɣ-ŋ.»

Maarkɩ 9:50

«Đɔm kɛ pʋyʋ kɩbanʋ. Ɛlɛ́, yee pilesi pi-leleŋ lɛ, ɛzɩma palakɩ-pʋ nɛ pɩɖaɣnɩ kpaʋ leleŋ yɔ? Mɩ lɛ, pʋwɛɛ se mɩ-taa ɛwɛnɩ ɖama leleŋ pɩŋŋ ɛzɩ ɖɔm wɛʋ leleŋ yɔ nɛ mɩtɩŋa payɩ ɩwɛɛ laŋhɛzɩyɛ taa.»

Luka 9:61

Pʋwayɩ lɛ, lɛlʋ tasɩ-ɩ heyuu se: «Kɩpaɣlʋ! Mantɩŋɩɣ-ŋ. Ɛlɛ́, yele mowolo meheyi ma-ñɩma se pɩlabɩ wiɖiyi nɛ mɔnkɔɔ.»

Yohanɛɛsɩ 17:23

Ḿbʋ́ ma nɛ wɛ ɖɩwɛɣ ɖama taa nɛ ma nɛ ŋ ɖɩwɛɛ ɖama taa. Mentendiɣ-ŋ se ŋyele nɛ pala nɔɔ kʋɖʋmaɣ siŋŋ nɛ kedeŋa ñɩma tɩlɩ se ñetiyini-m. Đɔɖɔ lɛ, ŋsɔɔlɩ-wɛ ɛzɩ ŋsɔɔlʋʋ-m yɔ.

Tʋma Labʋ 15:29

Ńdʋ́ lɛ se: ɩtaatɔɔ kɩlaʋ nandʋ yaa calɩm yaa kpɩna wena pɛtɛcɛ a-liŋ tɛɛ yɔ. Ɩkpa mɩ-tɩ nɛ yem yem lakasɩ. Ɩlabɩ pɩtɩŋa payɩ ḿbʋ́ yɔ, pʋwɛɣ ɖeu. Taabalaa, ɖɩsɛ-mɩ!»

Tʋma Labʋ 18:21

Ɛkʋyɩ pɔ-cɔlɔ se ɛɖɛɣ lɛ, eheyi-wɛ se: «Yee Ɛsɔ etisaa yɔ, manpɩsɩɣ mɩ-cɔlɔ.» Ɛtɛm-wɛ heyuu ḿbʋ́ lɛ, ɛsʋʋ mɛlɛ peeɖe nɛ ɛɖɛɛ.

Tʋma Labʋ 23:30

Manɩwa se Yuda ñɩma ḿbá pa-taa nabɛyɛ tam ɛ-yɔɔ nɔɔ se pakʋʋ-ɩ. Pʋ-yɔɔ mankpaɣ-ɩ nɛ mentiyini-ŋ kpaagbaa nɛ meheyi ɛ-tɔm tɩnaa ḿbá se pɔkɔɔ pɔpɔzɩ-ɩ tɔm ñɛ-ɛsɩndaa!»

Room 12:16

Ɩnɩɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ́, ɩmaɣzɩ mbʋ́ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa.

Room 12:18

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Room 15:13

Ɛsɔ weyi eyeki se ɖɩtaa-ɩ yɔ, ɛtɩŋnɩ lidaʋ ŋgʋ́ ɩwɛnɩ ɛ-yɔɔ yɔ kʋ-yɔɔ nɛ eyele mɩ-laŋa hʋlʋmɩ siŋŋ nɛ ɛhɛzɩ-yɛ camɩyɛ. Peeɖe pɩtɩŋɩɣnɩ e-Fezuu Kiɖeɖeu ɖoŋ yɔɔ nɛ ɩtɛzɩ-ɩ taʋ kpem.

Room 15:33

Ɛsɔ weyi ɛhɛzɩɣ ɛyáa laŋa yɔ, ɛwɛɛ mɩtɩŋa payɩ mɩ-cɔlɔ. Pɩla ḿbʋ́!

Room 16:20

Ŋgʋ́, Ɛsɔ weyi ɛhɛzɩɣ ɛyáa laŋa yɔ, ɛkɔŋ Satanɩ nuutuu alɩwaatʋ pazɩ taa nɛ efiɣni nɛ eluzi-i mɩ-tɛɛ. Đa-Kɩpaɣlʋ Yesu ɛlabɩ-mɩ lootiye.

1 Kɔrɛntɩ 1:10

Taabalaa Yesu ŋgbɛyɛ taa ñɩma, meheyiɣ mɩtɩŋa payɩ nɛ ɖa-Kɩpaɣlʋ Yesu Krɩstʋ nɔɔ se ɩnɩɩnɩ ɖama camɩyɛ. Tayʋʋ nabʋyʋ ɛtaawɛɛ mɩ-hɛkʋ taa. Ɛlɛ́, ɩla nɔɔ kʋɖʋmaɣ nɛ ɩwɛnɩ lɩmaɣza kʋɖʋma.

2 Kɔrɛntɩ 1:4

Ɛhɛzɩɣ ɖa-laŋa ɖa-kʋñɔmɩŋ tɩŋa taa se pɩtɩŋnɩ ɖɔ-yɔɔ nɛ ɖɩpɩzɩ ɖɩhɛzɩ ɖɔɖɔ mbá pɛwɛ kʋñɔmɩŋ ndɩ ndɩ taa yɔ pa-ñɩna.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Efɛɛzɩ 4:3

Ɩñaɣ pana nɛ ɩtɩŋnɩ laŋhɛzɩyɛ nɖɩ́ ɖɩwɛ mɩ-hɛkʋ taa yɔ ɖɩ-yɔɔ nɛ ɩɖɔkɩ nɔɔ kʋɖʋmaɣ ŋgá Fezuu Kiɖeɖeu yeba nɛ ɩla yɔ ḿbʋ́.

Efɛɛzɩ 6:23

Caa Ɛsɔ nɛ Kɩpaɣlʋ Yesu Krɩstʋ pɛhɛzɩ taabalaa tɩŋa laŋa nɛ peyele pɔsɔɔlɩ ɖama nɛ pɛwɛnɩ lidaʋ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 3:16

Mbʋ́ pʋwɛɛ yɔ lɛ se: Ɛsɔ nʋmɔʋ ŋgʋ́ ɖɩɖɔŋ kɩ-taa yɔ, ɖɩwɛɛ kɩ-taa ḿbʋ́ nɛ pɩɖɛɛnɩ ɛsɩndaa.

Filiipu 4:2

Meheyiɣ Evoodi nɛ Sɛntiici se pɛwɛnɩ lɩmaɣza kʋɖʋmɛɛ pa nɛ Kɩpaɣlʋ pɛ-kpɛndʋʋ taa.

Filiipu 4:4

Mɩ-taa ɛhʋlʋmɩ tam se mɩ nɛ Kɩpaɣlʋ ɩkpɛndaa. Mantasɩɣ-mɩ heyuu se: mɩ-taa ɛhʋlʋmɩ!

Filiipu 4:9

Mbʋ́ mɛnkpɛlɩkɩ-mɩ nɛ ndʋ́ mɔyɔɔdaa nɛ ɩnɩɩ nɛ mbʋ́ malaba nɛ ɩna yɔ, ɩɖɔ pɩtɩŋa payɩ pʋ-yɔɔ. Peeɖe Ɛsɔ laŋhɛzɩyɛ tʋ wɛɣ mɩ-cɔlɔ.

1 Tesalooniki 3:10

Đɩwɛɛ ɖitendiɣ-i wɩsɩ nɛ ɖoó siŋŋ se ɛha-ɖʋ nʋmɔʋ nɛ ɖɩtasɩ mɩ-ɛsɩndaa naʋ nɛ ɖɩtɛzɩ-mɩ wɩlʋʋ mbʋ́ pɩkazɩ-mɩ mi-lidaʋ wɛnaʋ taa yɔ.

1 Tesalooniki 4:1

Taabalaa! Đɩɩkpɛlɩkɩ-mɩ ɛzɩma mbʋ́ pʋwɛɛ se ɩɖɔ nɛ pɩkɛdɩnɩ Ɛsɔ yɔ. Paa pɩɩla ɛzɩma, ḿbʋ́ ɩɖɔŋ. Ɛlɛ́, tɔm ndʋ́ ɖɩtɛzɩɣnɩ-mɩ yɔ lɛ se ɖɩsazɩɣ-mɩ nɛ ɖiheyiɣ-mɩ ɖa nɛ Kɩpaɣlʋ Yesu ɖɛ-kpɛndʋʋ taa se: ɩla nɛ pɩkɩlɩ ḿbʋ́!

1 Tesalooniki 4:18

Pʋ-yɔɔ lɛ, ɩsazɩ ɖama nɛ tɔm ndɩ ndɩ tʋnɛ.

1 Tesalooniki 5:13

Pɔ-tɔm ɛkɛdɩnɩ-mɩ siŋŋ nɛ ɩsɔɔlɩ-wɛ pa-tʋmɩyɛ yɔɔ. Laŋhɛzɩyɛ ɛwɛɛ mɩ-hɛkʋ taa.

1 Tesalooniki 5:16

Mɩ-taa ɛhʋlʋmɩ tam.

1 Tesalooniki 5:23

Ɛsɔ laŋhɛzɩyɛ tʋ maɣmaɣ eyele nɛ ɩtɛzɩ wɛʋ cɩɖɩcɩɖɩ. Ɛɖɔkɩ mɩ-kalɩzasɩ nɛ mi-ciyamnaa nɛ mi-tomnasɩ camɩyɛ nɛ pataana kawanaɣ nakɛyɛ pɔ-yɔɔ puwiye nɖɩ́ Kɩpaɣlʋ Yesu Krɩstʋ kɔŋ yɔ.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

2 Tesalooniki 3:1

Taabalaa! Ndʋ́ ɖɩtɛzɩɣnɩ-mɩ yɔ lɛ se: ɩsɛɛ Ɛsɔ ɖɔ-yɔɔ nɛ Kɩpaɣlʋ tɔm wɛɛ cɔʋ yɔɔ lɛɛlɛɛ nɛ ɛyáa ɖʋ-tʋ hɩɖɛ ɛzɩ paɖʋʋ-tʋ mɩ-tɛ yɔ.

2 Tesalooniki 3:16

Kɩpaɣlʋ laŋhɛzɩyɛ tʋ maɣmaɣ ɛhɛzɩ mɩ-laŋa alɩwaatʋ kpeekpe pɩtɩŋa pɩ-taa! Ɛwɛɛ mɩtɩŋa payɩ mɩ-cɔlɔ!

2 Timootee 2:22

Se ɛzaɣ́tʋ ndʋ́ evebiya nɛ pɛlaa pe-liu wɛɛ kpem se pala yɔ. Ña nɛ mbá pasaŋ Kɩpaɣlʋ nɛ laŋa kɩbana yɔ, ɩñɩnɩ mbʋ́ pʋtʋʋzaa yɔ nɛ ɩwɛnɩ lidaʋ nɛ ɩsɔɔlɩ lɛlaa nɛ ɩñɩnɩ laŋhɛzɩyɛ.

Ebree 12:14

Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.

Ebree 13:20

Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Yakubu 1:4

Ɛlɛ́, pʋwɛɛ se mɩ-hɔ ɖɔkʋʋ ḿbʋ́, pɩtɛzɩ kpaʋ ɖoŋ mi-wezuu caɣʋ taa nɛ piyele ɩtɛzɩ wɛnaʋ wɛtʋ kɩbandʋ tɩŋa, nabʋyʋ ɛtaatɛɖɩ-mɩ.

1 Pɩyɛ 3:11

Pʋwɛɛ se pʋdʋ ɛha ɛzaɣ́tʋ siɣ́ye nɛ ɛla mbʋ́ pʋwɛ ɖeu yɔ. Ɛwɛɛ ñɩnʋʋ yɔɔ se ɛyáa ɛwɛɛ laŋhɛzɩyɛ taa.

1 Pɩyɛ 3:8

Ndʋ́ mɛntɛzɩɣnɩ yɔ lɛ se: mɩtɩŋa payɩ ɩwɛnɩ lɩmaɣza kʋɖʋma, ɩwɛnɩ ɖɔɖɔ hɔyɛ kʋɖʋmɖɩyɛ. Ɩsɔɔlɩ ɖama ɛzɩ Krɩstʋ ñɩma sɔɔlʋʋ ɖama yɔ. Ɩmaɣzɩ ɖama yɔɔ siŋŋ nɛ itisi mɩ-tɩ ɖama tɛɛ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

Wɩlʋʋ 22:21

Kɩpaɣlʋ Yesu ɛla mɩtɩŋa payɩ lootiye!