2 Kɔrɛntɩ 12:9 - New Testament

⁹ Peeɖe ecosi-m se: lootiye nɖɩ́ ɖɩ-taa ŋwɛɛ yɔ, ɖɩɖɔ-ŋ. Mbʋ́ pʋyɔɔ yɔ, ñɛ-ɛjandʋ taa mawɩlɩɣ mon-ɖoŋ tɩŋa payɩ. Pʋ-yɔɔ lɛ, pɩkɩlɩ ɖeu se mankʋndɩ nɛ ma-laŋɩyɛ tɩŋa mɛ-ɛjandʋ yɔɔ nɛ Krɩstʋ ɖoŋ wɛɛ mɔ-yɔɔ.

2 Kɔrɛntɩ 12:9 ပူးပေါင်းရင်းမြစ်များ

Maatiyee 28:18

Peeɖe Yesu woba pɔ-cɔlɔ nɛ eheyi-wɛ se: «Ɛsɔ ha-m ɖoŋ tɩŋa payɩ ɛsɔdaa nɛ tataa.

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Luka 21:15

Mbʋ́ pʋyɔɔ yɔ, ma-maɣmaɣ mahaɣnɩ-mɩ lɔŋ nɛ ɩyɔɔdɩ nɛ mi-koyindinaa taa nɔɔyʋ ɛɛpɩzɩ ecosi yaa ɛkʋ mɩ-tɔm ndʋ́ ɩyɔɔdaa yɔ.

1 Kɔrɛntɩ 10:13

Pɩtakɩɣ-mɩ takʋʋ mbʋ́ yɔ, pɩfɛyɩ ndɩ nɛ ɛyáa lɛlaa takʋʋ. Ɛsɔ tʋʋzaa. Ɛlakɩ mbʋ́ ɛɖʋwa yɔ. Eeyeki se pɩtakɩ-mɩ nɛ pɩɖɛɛ mi-ɖoŋ yɔɔ. Ɛlɛ́, alɩwaatʋ ndʋ́ pɩtakɩɣ-mɩ yɔ, ɛwɩlɩɣ-mɩ nʋmɔʋ ŋgʋ́ pʋwɛɛ se ɩtɩŋ nɛ ɩlɩɩ pɩ-taa yɔ.

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

1 Kɔrɛntɩ 2:3

Man-tɩ tɩŋa maawɛʋ mɩ-cɔlɔ yɔ, mɛwɛ ɛjandʋ taa nɛ sɔɔndʋ kpaɣ-m pɩtɩɩfɛyɩ nɛ menseliɣ.

1 Kɔrɛntɩ 2:5

Ḿbʋ́ yebina nɛ ɩwɛnɩ lidaʋ Ɛsɔ ɖoŋ yɔɔ. Ɛlɛ́, pɩtɛkɛ ɛyáa lɔŋsɩnɖɛ yɔɔ pɩtɩŋnaa.

2 Kɔrɛntɩ 11:30

Yee pʋwɛɛ se mankʋndɩ yɔ, mɛ-ɛjandʋ mankʋndʋʋna.

2 Kɔrɛntɩ 12:1

Pʋwɛɛ se mankʋndɩ. Ŋgʋ́, kʋndʋʋ fɛyɩ ɖeu. Lɛɛlɛɛyɔ, mɛnkɛdɩɣ-mɩ mbʋ́ Kɩpaɣlʋ yeba nɛ mana nɛ mbʋ́ ɛwɩlɩ-m ɖozee taa yɔ pʋ-tɔm.

2 Kɔrɛntɩ 12:10

Pʋ-yɔɔ man-taa hʋlʋmɩnɩ ɛjandʋ nɛ tʋtʋ nɛ tɛɖʋʋ nɛ wayɩ wɛʋ kaŋ kaŋ nɛ siziŋ weyi manɩɣ Krɩstʋ nʋmɔʋ taa yɔ. Mbʋ́ pʋyɔɔ yɔ, alɩwaatʋ ndʋ́ mɛwɛɣ ɛjandʋ taa yɔ mɛwɛɣ ɖoŋ.

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 12:5

Mɔnkɔŋ kʋndɩnaʋ ɛyʋ ɛnʋ. Pɩtɛkɛ ma-maɣmaɣ mankʋndʋʋna. Pʋtɔmaɣ yɔ, mɛ-ɛjandʋ mankʋndʋʋna.

Efɛɛzɩ 3:16

Mentendiɣ-i ḿbʋ́ se eyele nɛ pɩtɩŋnɩ e-Fezuu Kiɖeɖeu yɔɔ nɛ ɩkpa ɖoŋ siŋŋ mɩ-lɩmaɣza taa ɛzɩ e-koboyaɣ wɛʋ nɛ kɛfɛyɩ tɩnaɣ yɔ.

Filiipu 4:13

Krɩstʋ haɣnɩ-m ɖoŋ, ɛ-yɔɔ manpɩzɩɣ malakɩ pɩtɩŋa payɩ.

Koloosi 1:11

Ḿbʋ́ yekina nɛ pɩtɩŋnɩ e-ɖoŋ koboyaɣ ñɩŋ yɔɔ nɛ ɩkpa ɖoŋ siŋŋ nɛ ɩpɩzɩ ɩñaɣ pana nɛ ɩɖɔkɩ mɩ-hɔ pɩtɩŋa pɩ-taa nɛ

1 Timootee 1:14

Peeɖe ɖa-Kɩpaɣlʋ Krɩstʋ Yesu ɛnʋ ɛlabɩ-m lootiye siŋŋ nɛ eyele mɛwɛnɩ lidaʋ nɛ sɔɔlɩm mbá palɩnɩ ɛ-cɔlɔ yɔ.

Ebree 11:34

nɛ peɖezi miŋ sɔsɔŋ. Pesewa nɛ patʋlɩ, patakʋ-wɛ nɛ sɩɣa. Paakɛ ajamaa nɛ pʋwayɩ lɛ, pakpa ɖoŋ. Paawɛ abalɩtʋ you taa nɛ pawa sɔɔjanaa agɔmaa nɛ pɔɖɔɔnɩ-wɛ.

Ebree 4:16

Pʋ-yɔɔ lɛ, pʋwɛɛ se ɖɩñɔtɩnɩ Ɛsɔ kewiyaɣ kpelaɣ kaalɛyɩtʋ, kɔ-cɔlɔ lootiye wɛɛ. Đɩlabɩ ḿbʋ́ yɔ, ɛnaɣ ɖa-pʋtɔdɩyɛ nɛ ɛlabɩ-ɖʋ lootiye nɛ ɛsɩnɩ-ɖʋ alɩwaatʋ ndʋ́ pʋpɔzʋʋ yɔ.