2 Kɔrɛntɩ 12:6 - New Testament

⁶ Yee me-liu ɛɛwɛɛ se mankʋndʋʋ yɔ, mantaakɛ kɩmɛlɛŋ. Pʋbʋ maakʋndɩnɩ mbʋ́ pɩlabɩ ɖeyi ɖeyi yɔ. Ɛlɛ́, mɔnɖɔkʋʋ man-tɩ man-kʋndʋʋ ḿbʋ́ pɩ-taa se nɔɔyʋ ɛtaakpaɣ-m ɛsɩɩ ɖenɖe mantatalɩ yɔ. Me-liu wɛɛ se pañam-m mbʋ́ malakɩ nɛ panaɣ yɔ nɛ toovenim mbʋ́ mɔyɔɔdʋʋ yɔ pɔ-yɔɔ.

2 Kɔrɛntɩ 12:6 ပူးပေါင်းရင်းမြစ်များ

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

2 Kɔrɛntɩ 1:18

Ɛzɩma mbʋ́ pɩkɛ toovenim se Ɛsɔ ɛɛlɛɣzɩɣ ɛ-tɔm kaʋ yɔ, ḿbʋ́ ɖɔɖɔ maayɔɔdʋʋnɩ-mɩ nɔsɩ naalɛ.

2 Kɔrɛntɩ 11:16

Mantasɩɣ-mɩ heyuu se mɩ-taa nɔɔyʋ ɛtaamaɣzɩ se mɛnkɛ kɩmɛlɛŋ. Tɛ yee ɩkpaɣ-m ɛzɩ kɩmɛlɛŋ yɔ yɔ, ɩha-m waɖɛ nɛ ma ɖɔɖɔ manpɩzɩ mankʋndɩ pazɩ.

2 Kɔrɛntɩ 11:31

Ɛsɔ weyi ɛkɛ Kɩpaɣlʋ Yesu Caa yɔ, ɛnawa se maacɛtɩɣ! Pasam-ɩ tam!

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 5:13

Yee ɖɩɩwɛ ɛzɩ kɩmɛlɛmɩŋ yɔ yɔ, Ɛsɔ ɛsɩndaa ɖɩɩwɛ ḿbʋ́. Ŋgʋ́, ɖɩtɛkɛ kɩmɛlɛmɩŋ. Ḿbʋ́ wazɩɣnɩ-mɩ.

2 Kɔrɛntɩ 7:14

Maasam-mɩ ɛ-cɔlɔ, ɩtaɖʋ-m fɛyɛ. Mbʋ́ pʋyɔɔ yɔ, ɛzɩma mbʋ́ ɖiheyiɣ-mɩ toovenim paa ɖooye yɔ, ḿbʋ́ ɖɔɖɔ mɩ-tɔm ndʋ́ ɖiheyi Tiiti yɔ, tɩlabɩ ḿbʋ́ ɖeyi ɖeyi.