2 Kɔrɛntɩ 12:21 - New Testament

²¹ Mantasʋʋ pɩsʋʋ mɩ-tɛ yɔ, sɔɔndʋ kpaɣ-m se mɛ-Ɛsɔ ɖʋʋ-m fɛyɛ mɩ-tɔm taa. Tɩkpaɣ-m ɖɔɖɔ se mɔnkɔŋ tɩmʋʋ mbá paalabɩ kɩwɛɛkɩm ɖooo lɔŋ nɛ pataha acɛyɛ nɛ ɛzaɣ́tʋ siɣ́ye yɔ, pa-taa ɛyáa sakɩyɛ yɔɔ.

2 Kɔrɛntɩ 12:21 ပူးပေါင်းရင်းမြစ်များ

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 9:2

toovenim ḿbʋ́ lɛ se: mɔ-hɔyɛ pɩsaa siŋŋ nɛ pʋwɛɛ pɩcɛyɩɣ-m.

1 Kɔrɛntɩ 5:1

Pɔyɔɔdʋʋ paa le se mɩ-taa nabɛyɛ lakɩ acɛyɛ. Halɩ paanaɣ wɛtʋ ńdʋ́ mbá paañaŋ Krɩstʋ yɔ pɛ-hɛkʋ taa. Pɔyɔɔdʋʋ se mɩ-taa lɛlʋ wɛɛ ɛsʋʋnɩ ɛ-caa halʋ.

2 Kɔrɛntɩ 10:6

Đɩɖaŋ kpam se yee ɩtɛzɩ ñam nɛ pɩsɛɣ mɩ-taa nabɛyɛ yɔ, ɖɩhɔ pa-nɩŋgbaaŋ.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 13:2

Alɩwaatʋ ndʋ́ maakɔm mɩ-tɛ nabʋlɛ ɖeɖe yɔ, maatɛm paɣ́ʋ mbá paalabɩ kɩwɛɛkɩm yɔ nɛ ɛyáa lɛlaa tɩŋa payɩ. Lɛɛlɛɛyɔ mantatasɩ mɩ-cɔlɔ wɛʋ, paa ḿbʋ́ mantasɩɣ-wɛ paɣ́ʋ. Yee mantasɩ pɩsʋʋ mɩ-tɛ yɔ, maakpeɣu mɩ-taa nɔɔyʋ.

2 Kɔrɛntɩ 8:24

Ɩwɩlɩ-wɛ nɛ pana se ɩsɔɔlɩ-wɛ nɛ pɩwɩlɩ Yesu aŋgba taa ñɩma nɛ patɩlɩ se ɖɩwɛnɩ toovenim se ɖɩkʋndɩnɩ-mɩ.

Galaatɩ 5:19

Kɩdɛkɛdɩm mbʋ́ ɛyʋ sɔɔlɩ labʋ yɔ, pɩnaɣ keɣlee. Ḿbʋ́ yɔ: acɛyɛ nɛ mbʋ́ pipisiɣ ɛyáa yɔ nɛ yem yem lakasɩ

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

Ebree 13:4

Pʋwɛɛ se ɛyáa tɩŋa payɩ ɛɖʋ halɩkpaɣyɛ hɩɖɛ. Abalʋ ɛsʋnɩ ɛ-halʋ ɖeke nɛ halʋ ɖɔɖɔ ḿbʋ́. Mbʋ́ pʋyɔɔ yɔ, Ɛsɔ kɔŋ hʋnaʋ hayitu nɛ acɛyɛ pa-laɖaa.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

Yuudi 1:23

ɩya pa-ñʋʋ nɛ ɩlɩzɩ-wɛ miŋ taa. Ɩna ɖɔɖɔ lɛlaa mbá pa-kɩwɛɛkɩm pisi-wɛ yɔ pa-pʋtɔdɩyɛ. Ɛlɛ́, ɩɖɔkɩ mɩ-tɩ nɛ wɛ. Ɩtaatukuni mbʋ́ pɛwɛna yɔ, halɩ pɩkpɛndɩnɩ po-tokonaa maɣmaɣ.

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!

Wɩlʋʋ 22:20

Yesu weyi ɛtɔm se tɔm tʋnɛ tɩkɛ toovenim yɔ, ɛtɔm se: «Ɛɛ, pɩkazɩ pazɩ, mɔnkɔŋ.» Pɩla ḿbʋ́! Kɩpaɣlʋ Yesu, kɔɔ!