2 Kɔrɛntɩ 12:20 - New Testament

²⁰ Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

2 Kɔrɛntɩ 12:20 ပူးပေါင်းရင်းမြစ်များ

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

Room 1:30

Pɛwɛɛkɩɣ ɖama hɩla. Pɛkɛ Ɛsɔ koyindinaa, pa-paa fɛyɩnɩ nɔɔyʋ, paasɩɣ pa-tɩ pʋ-cɔlɔ, pakpazɩɣ pa-tɩ pɩtɩɩfɛyɩ. Pañɩnɩɣ nʋmɔŋ kɩfaŋ weyi patɩŋ nɛ pɛtɛzɩ kɩdɛkɛdɩm labʋ yɔ nɛ paañaŋ pa-ñɩma.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

1 Kɔrɛntɩ 1:11

Mbʋ́ pʋyɔɔ yɔ, Klowee tɛ ñɩma heyi-m se iyou.

1 Kɔrɛntɩ 14:33

Mbʋ́ pʋyɔɔ yɔ, Ɛsɔ tayaa-ɖʋ se ɖɩla yem yem, ɛlɛ́, ɛya-ɖʋ se ɖɩwɛɛ laŋhɛzɩyɛ taa. Ɛzɩ pʋwɛʋ Ɛsɔ ñɩma aŋgba tɩŋa taa payɩ yɔ,

1 Kɔrɛntɩ 5:2

Pɩtasɩ ɖɔɖɔ lɛ, ɩwɛɛ ɩkpazɩɣ mɩ-tɩ. Ŋgʋ́, pɩɩwɛɛ se mɩ-ɛsɛ ɛñɩŋ nɛ ɩɖɔɔnɩ weyi ɛlabɩ lakasɩ ńzɩ́ yɔ mɩ-ŋgbɛyɛ taa.

2 Kɔrɛntɩ 1:23

Ŋgʋ́, Ɛsɔ mankpakɩɣ se ɛkɛ ma-aseɣɖe tʋ, yee mɛncɛtɩɣ yɔ, ɛkʋ-m. Mbʋ́ pʋ-yɔɔ mantatasɩ pɩsʋʋ mɩ-tɛ Kɔrɛntɩ yɔ lɛ se: maasɔɔlaa se malɩzɩ-mɩ pɩ-taa.

2 Kɔrɛntɩ 10:2

ɩtaala nɛ mañazɩ-mɩ alɩwaatʋ ndʋ́ mɔnkɔŋ mɩ-tɛ yɔ. Mbʋ́ pʋyɔɔ yɔ, mansɩm ɛzɩma mbʋ́ mɔnkɔŋ ñazʋʋ mbá pamaɣzɩɣ se ma nɛ man-taabalaa ɖɩcakɩ wezuu ɛzɩ kedeŋa ñɩma yɔ.

2 Kɔrɛntɩ 10:6

Đɩɖaŋ kpam se yee ɩtɛzɩ ñam nɛ pɩsɛɣ mɩ-taa nabɛyɛ yɔ, ɖɩhɔ pa-nɩŋgbaaŋ.

2 Kɔrɛntɩ 12:21

Mantasʋʋ pɩsʋʋ mɩ-tɛ yɔ, sɔɔndʋ kpaɣ-m se mɛ-Ɛsɔ ɖʋʋ-m fɛyɛ mɩ-tɔm taa. Tɩkpaɣ-m ɖɔɖɔ se mɔnkɔŋ tɩmʋʋ mbá paalabɩ kɩwɛɛkɩm ɖooo lɔŋ nɛ pataha acɛyɛ nɛ ɛzaɣ́tʋ siɣ́ye yɔ, pa-taa ɛyáa sakɩyɛ yɔɔ.

2 Kɔrɛntɩ 13:2

Alɩwaatʋ ndʋ́ maakɔm mɩ-tɛ nabʋlɛ ɖeɖe yɔ, maatɛm paɣ́ʋ mbá paalabɩ kɩwɛɛkɩm yɔ nɛ ɛyáa lɛlaa tɩŋa payɩ. Lɛɛlɛɛyɔ mantatasɩ mɩ-cɔlɔ wɛʋ, paa ḿbʋ́ mantasɩɣ-wɛ paɣ́ʋ. Yee mantasɩ pɩsʋʋ mɩ-tɛ yɔ, maakpeɣu mɩ-taa nɔɔyʋ.

2 Kɔrɛntɩ 2:1

Pʋ-yɔɔ manɖʋwa se maakɔŋ mɩ-tɛ nɛ mantasɩ mɩ-hɔ pɩsʋʋ.

Galaatɩ 5:15

Ɛlɛ́, yee ɩwɛɛ nɛ ɩlakɩ ɛzɩ tɛtɛ kpɩna nɛ ɩpaŋ ɖama kela nɛ ɩnazɩɣ ɖama yɔ, pʋbʋ, ɩkpa mɩ-tɩ. Pɩtɛkɛ ḿbʋ́, ɩkɔŋ ɩtɛ mɩtɩŋa yem.

Galaatɩ 5:26

Đɩtaakpazɩ ɖa-tɩ, ɖɩɖɔkɩ ɖa-tɩ nɛ ɖa-pana ɛtaakpanɩ ɖama yaa ɖɩtaaɖʋ ɛsɩyɛ ɖama yɔɔ.

Yakubu 4:11

Taabalaa! Ɩtaayɔɔdɩ ɖama yɔɔ tɔm ɛzaɣ́tʋ. Weyi ɛyɔɔdʋʋ lɛlʋ yɔɔ tɔm ɛzaɣ́tʋ yaa ɛkpɛzɩɣnɩ-ɩ yɔ, ɛyɔɔdɩ ɖɔɖɔ mbʋ́ paɖʋ paɣtʋ taa yɔ pʋ-yɔɔ tɔm ɛzaɣ́tʋ nɛ ɛtɛ ɛkpɛɛnɩ-tʋ. Yee ŋkpɛɣnɩ paɣtʋ yɔ, ŋŋɖɔŋ tɩ-yɔɔ, ɛlɛ́, ŋkpaɣ ña-tɩ se ŋkɛ tɔm hʋyʋ.

1 Pɩyɛ 2:1

Pʋ-yɔɔ lɛ, iyele kɩwɛɛkɩm tɩŋa payɩ labʋ: kañatʋ nɛ cɛtʋʋ nɛ tɛɛ nɛ pʋ-yɔɔ lakasɩ nɛ ɛsɩsɛmɩyɛ nɛ lɛlaa tɔm ɛzaɣ́tʋ yɔɔdʋʋ.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.