2 Kɔrɛntɩ 12:19 - New Testament

¹⁹ Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 12:19 ပူးပေါင်းရင်းမြစ်များ

Room 12:19

Man-taabalaa kʋsɔɔlaa, mɩ-maɣmaɣ ɩtaahɛyɩ ɛyáa mbʋ́ palabɩ-mɩ pɩfɛyɩ ɖeu yɔ. Ɛlɛ́, iyele se Ɛsɔ pana ɛkpanɩnɩ-wɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Mɛhɛyɩɣnɩ ɛyáa mbʋ́ palabɩ pɩfɛyɩ ɖeu yɔ.» Đa-Kɩpaɣlʋ yɔɔdɩnɩ ḿbʋ́.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Room 15:2

Paa ɖa-taa weyi, ɛcɛyɩ ɛ-tɩ nɛ ɛla mbʋ́ pɩkɛdɩnɩ ɛ-taabalʋ yɔ, mbʋ́ pʋwɛ ɖeu yɔ pɩ-taa nɛ ɛ-taabalʋ ɛnʋ, ɛpɩɩ Ɛsɔ nʋmɔʋ taa.

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 10:14

Pʋ-yɔɔ lɛ, mɛ-ɛgbaɣdɩnaa, iyele agɔlɩma tɔm kpem.

1 Kɔrɛntɩ 10:33

Ɩla ɖɔɖɔ ɛzɩ ma yɔ: mañakɩ pana se mɔn-tɔm ɛkɛdɩnɩ ɛyáa tɩŋa pɩtɩŋa pɩ-taa. Maañɩnɩɣ se piɖeni ma-maɣmaɣ. Ɛlɛ́, mañɩnɩɣ se piɖeni ɛyáa tɩŋa nɛ pɩya pa-ñʋʋ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

2 Kɔrɛntɩ 10:8

Paa maakɩlɩ kʋndɩnaʋ ɖoŋ weyi Kɩpaɣlʋ ha-ɖʋ yɔ yɔ, fɛyɛ ɛɛkpaɣ-m. Mbʋ́ pʋyɔɔ yɔ, ɛha-ɖʋ-ɩ se ɖɩsɩnɩ-mɩ nɛ ɩpɩɩ Ɛsɔ nʋmɔʋ taa. Ɛlɛ́, ɛtaha-ɖʋ-ɩ se ɖɩɖʋzɩnɩ-mɩ.

2 Kɔrɛntɩ 11:10

Ɛzɩma mbʋ́ Krɩstʋ toovenim wɛ man-taa yɔ, mankaɖɩɣ-mɩ se: nɔɔyʋ fɛyɩ Akayɩ hɔɔlʋʋ nakʋyʋ taa se ɛɖaŋɩɣ-m se mantaakʋndɩnɩ tɔm ńdʋ́.

2 Kɔrɛntɩ 11:31

Ɛsɔ weyi ɛkɛ Kɩpaɣlʋ Yesu Caa yɔ, ɛnawa se maacɛtɩɣ! Pasam-ɩ tam!

2 Kɔrɛntɩ 12:15

Ma lɛ, paa mankpaɣ ma-ñɩm nɛ mɛwɛɛkɩ mɩ-yɔɔ yɔ, pɩɩcɛyɩɣ-m. Mbʋ́ pʋyɔɔ yɔ, manpɩzɩɣ mankpaɣ man-tɩ maha nɛ pɩya mɩ-ñʋʋ. Ɛzɩ mankɩlɩ-mɩ sɔɔlʋʋ yɔɔ ɩtɔsɔɔlɩ-m camɩyɛ naa we?

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 3:1

Đɩyɔɔdʋʋ ḿbʋ́ yɔ, pɩwɩlɩɣ se ɖɩɖaɣnɩɣ ɖa-tɩ wɩlʋʋ naa we? Yaa pʋpɔzʋʋ se pama takayɩsɩ ɛzɩ lɛlaa lakʋʋ yɔ nɛ pawɩlɩnɩ-mɩ mbʋ́ ɖɩkɛwa yɔ? Đɩɩpɔzʋʋ-mɩ ɖɔɖɔ se ɩma takayaɣ nakɛyɛ nɛ ɩwɩlɩnɩ-ɖʋ lɛlaa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Filiipu 4:1

Pʋ-yɔɔ lɛ, man-taabalaa kʋsɔɔlaa! Meheyiɣ-mɩ se ɩɖɔkɩ mɩ-tɩ kpam mɩ nɛ Kɩpaɣlʋ mɩ-kpɛndʋʋ taa. Mɩ-yɔɔ lɛ, ma-laŋɩyɛ hʋlʋmaa siŋŋ nɛ mankʋndʋʋnɩ-mɩ. Mɩ me-liu wɛɛ kpem se mana.

1 Tesalooniki 5:11

Pʋ-yɔɔ lɛ, ɩsazɩ ɖama nɛ ɩsɩnɩ ɖama nɛ ɩkpa ɖoŋ ɛzɩ ɩtɛm pazʋʋ labʋ yɔ.

Ebree 6:9

Mɛ-ɛgbaɣdɩnaa! Paa ɖɩyɔɔdɩ ḿbʋ́ yɔ, ɖɩtaɣ-mɩ liu siŋŋ se ɩwɛ nʋmɔʋ kɩbaŋgʋ taa, ŋ́gʋ́ lɛ ñʋʋ yabʋ nʋmɔʋ.