2 Kɔrɛntɩ 12:14 - New Testament

¹⁴ Mɔñɔɔzɩ man-tɩ se mɔnkɔɔ mɩ-tɛ tozo ɖeɖe. Mantalɩɣ yɔ, maapɔzʋʋ mɩ-taa nɔɔyʋ se ɛsɩnɩ-m. Mbʋ́ pʋyɔɔ yɔ, pɩtɛkɛ mɩ-ñɩm mañɩnɩɣ, ɛlɛ́, mɩ-maɣmaɣ mañɩnɩɣ. Toovenim lɛ, pɩtɛkɛ piya cazɩɣna se sɩcalɩ sɩ-ñɩma, ɛlɛ́, ñɩma cazɩɣna se pacalɩ pe-piya.

2 Kɔrɛntɩ 12:14 ပူးပေါင်းရင်းမြစ်များ

Tʋma Labʋ 20:33

Nɔɔyʋ liidiye yaa e-sika yaa e-wondu talabɩ-m liu.

1 Kɔrɛntɩ 10:24

Nɔɔyʋ ɛtaañɩnɩ ɛ-maɣmaɣ ɛ-kɛzɛɣa. Ɛlɛ́, ɛñɩnɩ lɛlaa ñɩŋga.

1 Kɔrɛntɩ 10:33

Ɩla ɖɔɖɔ ɛzɩ ma yɔ: mañakɩ pana se mɔn-tɔm ɛkɛdɩnɩ ɛyáa tɩŋa pɩtɩŋa pɩ-taa. Maañɩnɩɣ se piɖeni ma-maɣmaɣ. Ɛlɛ́, mañɩnɩɣ se piɖeni ɛyáa tɩŋa nɛ pɩya pa-ñʋʋ.

1 Kɔrɛntɩ 11:34

Yee ñɔɔsɩ ɛwɩɣ nɔɔyʋ yɔ, pʋwɛɛ se ɛtɔɔ ɛ-tɛ nɛ ɛtaakɔɔ eyele nɛ Ɛsɔ kʋ mɩ-tɔm alɩwaatʋ ndʋ́ ikpeɣliɣ ɖama yɔ. Tɔm ndʋ́ tɩkazaa yɔ, mɔñɔɔzʋʋ-tʋ alɩwaatʋ ndʋ́ mantalɩɣ mɩ-tɛ yɔ.

1 Kɔrɛntɩ 16:5

Mantɩŋɩɣnɩ Masedonii egeetiye taa nɛ mɔnkɔɔ mɩ-tɛ. Mbʋ́ pʋyɔɔ yɔ, pʋwɛɛ se mantɩŋnɩ peeɖe nɛ pʋcɔ.

1 Kɔrɛntɩ 4:19

Ɛlɛ́, yee Kɩpaɣlʋ etisaa yɔ, mɔnkɔŋ mɩ-tɛ alɩwaatʋ tʋnɛ tɩ-taa nɛ mana se tɩ-kpazɩyaa ḿbá, pɔyɔɔdʋʋ yem yaa pɛwɛnɩ ɖoŋ nɩɩyɩ.

1 Kɔrɛntɩ 9:12

Yee Ɛsɔtɔm susiyaa lɛlaa ɩwɛnɩ waɖɛ se pɔtɔɔ pɛ-Ɛsɔtɔm susuu yɔɔ lɛ, ɖɩfɛyɩnɩ waɖɛ nɛ pɩkɩlɩ-wɛ yaa we? Paa ḿbʋ́ yɔ, ɖɩtɔpɔzɩ-mɩ se ɩsɩnɩ-ɖʋ. Ɛlɛ́, ɖitisaa nɛ ɖɩla kʋñɔŋ pɩtɩŋa pɩ-taa se ɖa-lakasɩ nasɩyɩ ɛtaaɖɩɣ ɛyáa nʋmɔʋ se pataanɩɩ Krɩstʋ Laŋhɛzɩyɛ Tɔm.

1 Kɔrɛntɩ 9:18

Man-kɩhɛyʋʋ lɛ ŋgʋ́ yɔ? Ŋ́gʋ́ lɛ waɖɛ nɖɩ́ pɩha-m se monsusuu Laŋhɛzɩyɛ Tɔm falaa yɔ. Maapɔzʋʋ nɔɔyʋ se ɛlabɩ-m mbʋ́ pʋmʋnaa se palabɩ-m tɩ-yɔɔ yɔ.

1 Kɔrɛntɩ 9:19

Paa mɛnkɛ weyi ɛwɛ ɛ-tɩ yɔɔ ɛyáa tɩŋa ɛsɩndaa yɔ, manpɩsɩ man-tɩ patɩŋa payɩ po-yom se manpɩzɩ mansɩnɩ ɛyáa sakɩyɛ nɛ pɛwɛnɩ lidaʋ Krɩstʋ yɔɔ.

2 Kɔrɛntɩ 1:15

Maatɛm naʋ siŋŋ se ɩnɩɣnɩ-m yɔɔ maaɖʋwa se mancalɩɣnɩ mɩ-tɛ kɔm nɛ mɩ-laŋa hʋlʋmɩ nabʋlɛ.

2 Kɔrɛntɩ 11:9

Maawɛ mɩ-tɛ nɛ mɛwɛɛ liidiye kʋñɔŋ taa lɛ, mantasʋlʋmɩ mɩ-taa nɔɔyʋ pʋyʋ. Ɛlɛ́, Yesu ŋgbɛyɛ taa ñɩma mbá palɩnɩ Masedonii egeetiye taa nɛ pɔkɔɔ yɔ, ḿbá hanɩ-m mbʋ́ pɩtɛɖaɣ-m yɔ. Maaɖɔkɩ man-tɩ pɩtɩŋa pɩ-taa se mantaakɛnɩ-mɩ sʋʋtʋ, mɔnɖɔkʋʋ man-tɩ ḿbʋ́ ɖɔɖɔ.

2 Kɔrɛntɩ 12:13

Ɛbɛ malabɩ Yesu aŋgba lɛɛna taa ñɩma nɛ pɩkɩlɩ-mɩ? Yaa mentekpizi mi-nesi taa yɔɔ? Yee ḿbʋ́, ikpeɣ-m mɛ-ɛzaɣ́tʋ ńdʋ́ tɩ-yɔɔ.

Galaatɩ 4:19

Men-piya! Mantasɩɣ nɩʋ siziŋ mɩ-yɔɔ ɛzɩ halʋ lʋlʋʋ yɔ nɛ pʋkɔɔ pɩsɩɩnɩ alɩwaatʋ ndʋ́ ɩtɛzɩ pɩʋ nɛ ɩwɛɛ ɛzɩ Krɩstʋ yɔ.

Filiipu 4:1

Pʋ-yɔɔ lɛ, man-taabalaa kʋsɔɔlaa! Meheyiɣ-mɩ se ɩɖɔkɩ mɩ-tɩ kpam mɩ nɛ Kɩpaɣlʋ mɩ-kpɛndʋʋ taa. Mɩ-yɔɔ lɛ, ma-laŋɩyɛ hʋlʋmaa siŋŋ nɛ mankʋndʋʋnɩ-mɩ. Mɩ me-liu wɛɛ kpem se mana.

Filiipu 4:17

Pɩtɛkɛ se me-liu wɛ haɖɛ yɔɔ mɔyɔɔdʋʋ ḿbʋ́. Ɛlɛ́, mañɩnɩɣ se pɩsɛɛ-mɩ nɛ mɩ-ñɩm huúu Ɛsɔ cɔlɔ.

1 Tesalooniki 2:11

Ɩnawa ɖɔɖɔ se ɖa nɛ mɩ-taa paa weyi pɩɩwɛ ɛzɩ caja nɛ e-piya yɔ.

1 Tesalooniki 2:8

Ḿbʋ́ ɖɩɩsɔɔlɩ-mɩ kpem nɛ piyele ɖisusi-mɩ Ɛsɔ Laŋhɛzɩyɛ Tɔm nɛ halɩ paa ɖe-wezuu maɣmaɣ yɔ, ɖɩpɩzaɣ se ɖɩha-kʋ mɩ-yɔɔ. Mbʋ́ pʋyɔɔ yɔ, ɖɩɩsɔɔlɩ-mɩ siŋŋ.