2 Kɔrɛntɩ 12:1 - New Testament

¹ Pʋwɛɛ se mankʋndɩ. Ŋgʋ́, kʋndʋʋ fɛyɩ ɖeu. Lɛɛlɛɛyɔ, mɛnkɛdɩɣ-mɩ mbʋ́ Kɩpaɣlʋ yeba nɛ mana nɛ mbʋ́ ɛwɩlɩ-m ɖozee taa yɔ pʋ-tɔm.

2 Kɔrɛntɩ 12:1 ပူးပေါင်းရင်းမြစ်များ

Yohanɛɛsɩ 16:7

Paa ḿbʋ́ yɔ, meheyiɣ-mɩ toovenim se: yee mɛnɖɛwa yɔ, pɩkɩlɩɣ-mɩ sɛʋ. Mbʋ́ pʋyɔɔ yɔ, mɛntɛɖɛɛ yɔ, Sɩnɩyʋ ɛɛkɔŋ mɩ-cɔlɔ. Ɛlɛ́, yee mɛnɖɛwa yɔ, mentiyiɣni-mɩ-ɩ.

Yohanɛɛsɩ 18:14

Ɛnʋ ɖɔɖɔ katasɩnɩ Yuda ñɩma ñʋndɩnaa lɔŋ. Eeheyi-wɛ se: «Pɩkɩlɩ wee wee se ɛyʋ kʋɖʋm ɛsɩ nɛ pɩya ɛjaɖɛ kpeekpe ñʋʋ.»

Tʋma Labʋ 18:9

Đoo naayɛ taa lɛ, Kɩpaɣlʋ heyi Pɔɔlɩ ɖoziye taa se: «Taasɔɔndɩ, wɛɛ ŋyɔɔdʋʋ, taasu.

Tʋma Labʋ 23:11

Papɩsɩnɩ-ɩ nɛ ɖoó yu lɛ, Kɩpaɣlʋ wolo ɛ-cɔlɔ nɛ eheyi-i se: «Đɔkɩ ña-tɩ kpam! Ɛzɩma mbʋ́ ŋlɩzɩ ma-aseɣɖe Yeruusalɛm yɔ, ḿbʋ́ ɖɔɖɔ pʋwɛɛ se ŋlɩzɩ-ɖɩ Room.»

1 Kɔrɛntɩ 10:23

Toovenim lɛ: «Pɩha-ɖʋ waɖɛ se ɖɩla pɩtɩŋa.» Ɛlɛ́, pɩtɛkɛ pɩtɩŋa pʋwɛnɩ wazaɣ. «Pɩha-ɖʋ waɖɛ se ɖɩla pɩtɩŋa.» Ɛlɛ́, pɩtɛkɛ pɩtɩŋa piyekina se ɖɩpɩɩ Ɛsɔ nʋmɔʋ taa.

1 Kɔrɛntɩ 14:6

Pʋ-yɔɔ lɛ, taabalaa, mɔnpɔzʋʋ-mɩ se: yee mɔnkɔm mɩ-tɛ nɛ mɔyɔɔdʋʋnɩ-mɩ kʋnʋmɩŋ weyi ɩɩnɩɣ yɔ nɛ menteheyi-mɩ tɔm ndʋ́ tɩɩwɛ mɛsaɣ tɛɛ yɔ tɩ-taa natʋyʋ yaa lɔŋsɩnɖɛ tɔm yaa tɔm ndʋ́ tɩlɩnɩ Ɛsɔ cɔlɔ yɔ yaa mantawɩlɩ-mɩ natʋyʋ lɛ, mawazɩ-mɩ we?

1 Kɔrɛntɩ 6:12

Toovenim lɛ: «Pɩha-ɖʋ waɖɛ se ɖɩla pɩtɩŋa,» ɛlɛ́, pɩtɛkɛ pɩtɩŋa pʋwɛnɩ wazaɣ. «Pɩha-ɖʋ waɖɛ se ɖɩla pɩtɩŋa,» ɛlɛ́, ɖiiyeki se nabʋyʋ ɛpɩsɩ-ɖʋ pu-yomaa.

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 12:5

Mɔnkɔŋ kʋndɩnaʋ ɛyʋ ɛnʋ. Pɩtɛkɛ ma-maɣmaɣ mankʋndʋʋna. Pʋtɔmaɣ yɔ, mɛ-ɛjandʋ mankʋndʋʋna.

2 Kɔrɛntɩ 12:7

Pʋ-yɔɔ lɛ, pʋcɔ mantaakpazɩ man-tɩ mbʋ́ mbʋ́ Ɛsɔ wɩlɩ-m yɔ pʋ-yɔɔ lɛ, paɖʋ-m kʋdɔŋ nɛ kɩsalɩɣ-m, ŋ́gʋ́ lɛ Satanɩ tiyiyu.

2 Kɔrɛntɩ 12:9

Peeɖe ecosi-m se: lootiye nɖɩ́ ɖɩ-taa ŋwɛɛ yɔ, ɖɩɖɔ-ŋ. Mbʋ́ pʋyɔɔ yɔ, ñɛ-ɛjandʋ taa mawɩlɩɣ mon-ɖoŋ tɩŋa payɩ. Pʋ-yɔɔ lɛ, pɩkɩlɩ ɖeu se mankʋndɩ nɛ ma-laŋɩyɛ tɩŋa mɛ-ɛjandʋ yɔɔ nɛ Krɩstʋ ɖoŋ wɛɛ mɔ-yɔɔ.

2 Kɔrɛntɩ 8:10

Lɛɛlɛɛyɔ lɛ, mbʋ́ mana liidiye haʋ pʋnɛ pʋ-tɔm taa yɔ meheyiɣ-mɩ. Pinde lɛ, mɩɩsɔɔlɩna nɛ ɩlɛyɩ pazʋʋ liidiye ńɖɩ́ ɖɩ-haʋ.

Galaatɩ 1:12

Pɩtɛkɛ ɛyʋ nɔɔyʋ kɛdɩnɩ-m-tʋ yaa nɔɔyʋ kpɛlɩkɩnɩ-m-tʋ, ɛlɛ́, Yesu Krɩstʋ maɣmaɣ wɩlɩnɩ-m-tʋ.

Galaatɩ 2:2

Manpɩsɩ peeɖe, mbʋ́ pʋyɔɔ yɔ, Ɛsɔ wɩlɩnɩ-m se pʋwɛ se mala ḿbʋ́. Mantalaa lɛ, ma nɛ Krɩstʋ ŋgbɛyɛ ñʋndɩnaa ɖɩkɛzɩ ɖa-tɩ hɔɔlʋʋ nɛ malɩzɩ-wɛ Laŋhɛzɩyɛ Tɔm ndʋ́ meheyaɣ mbá pɛtɛkɛ Yuda ñɩma yɔ, tɩ-tɔbʋʋ. Mantaasɔɔlɩ se tʋmɩyɛ nɖɩ́ mɛntɛm labʋ yɔ nɛ nɖɩ́ mɔnɖɔŋ labʋ yɔ pala aleɣwondu.

Efɛɛzɩ 3:3

Ńdʋ́ lɛ se ɛwɩlɩ-m mbʋ́ pɩɩwɛ mɛsaɣ tɛɛ yɔ nɛ mansɩm-pʋ ɛzɩ mamaʋ tɔm pee ana lɛɛlɛɛyɔ yɔ.

1 Tesalooniki 4:15

Ɩna tɔm ndʋ́ Kɩpaɣlʋ yɔɔdaa nɛ ɖiheyiɣ-mɩ yɔ. Ńdʋ́ lɛ se: mbá ɖa ɖɩwɛɣnɩ ɖɛ-ɛsɛ puwiye nɖɩ́ ɛkɔŋ yɔ, ɖɩɩkaɣ ɖɛʋ mbá pasɩba yɔ nɔɔ kaʋ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.