2 Kɔrɛntɩ 11:6 - New Testament

⁶ Paa mɛnfɛyɩ nɔɔ leleŋ yɔ, mansɩm nabʋyʋ. Ḿbʋ́ ɖɩwɩlɩ-mɩ kpayɩ alɩwaatʋ kpeekpe pɩtɩŋa pɩ-taa.

2 Kɔrɛntɩ 11:6 ပူးပေါင်းရင်းမြစ်များ

1 Kɔrɛntɩ 1:17

Krɩstʋ tetiyi-m se mɔnkɔɔ mala ɛyáa lɩm sɔʋ sɔnzɩ. Ɛlɛ́, etiyi-m se monsusi Laŋhɛzɩyɛ Tɔm. Maasusuu-tʋ ɛyáa ɛzɩ weyi ɛyɔɔdʋʋnɩ ɛ-maɣmaɣ ɛ-lɔŋsɩnɖɛ camɩyɛ yɔ. Pɩtɛkɛ ḿbʋ́, sɩm mbʋ́ Krɩstʋ sɩbɩ kaamaŋkaɣ yɔɔ yɔ, pɩɩtasɩɣ wɛnaʋ wazaɣ nakɛyɛ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 2:13

Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

2 Kɔrɛntɩ 10:10

Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 12:12

Alɩwaatʋ ndʋ́ malakaɣ tʋmɩyɛ mɩ-tɛ yɔ, mɔnɖɔkaɣ man-tɩ pɩtɩŋa pɩ-taa nɛ Ɛsɔ tɩŋɩɣnɩ mɔ-yɔɔ nɛ ɛlakɩ ɛ-hama lakasɩ ndɩ ndɩ. Ḿbʋ́ wɩlɩɣna se mɛnkɛ Krɩstʋ tiyiyu.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 5:11

Yee ḿbʋ́ ɖɩnawa se pʋwɛɛ se ɖɩña Kɩpaɣlʋ yɔɔ ɖɩñɩnɩɣ se ɛyáa etisi ɖɔ-tɔm. Ɛsɔ sɩm-ɖʋ nɛ pɩkpɛndɩnɩ ɖa-taa lotu nɛ manaɣ se mɩ-lɩmaɣza taa lɛ, ɩsɩm-ɖʋ camɩyɛ ɖɔɖɔ.

2 Kɔrɛntɩ 6:6

Đɔɖɔ lɛ, ɖɩtɩŋɩɣnɩ ɖa-cɩɖɩcɩɖɩ wɛtʋ nɛ ɖɔ-lɔŋsɩnɖɛ nɛ ɖa-tɩ ɖɔkʋʋ nɛ ɖa-camɩyɛ lakasɩ nɛ Fezuu Kiɖeɖeu nɛ ɖɔ-sɔɔlɩm siŋŋ

2 Kɔrɛntɩ 7:2

Pɩfɛyɩ se ɩkpa-m nɛ mɩ-tɩ. Đɩtala nɔɔyʋ mbʋ́ pɩfɛyɩ ɖeu yɔ. Đɩtaɖʋzɩ nɔɔyʋ, ɖitepeɣzi ɖɔɖɔ nɔɔyʋ nɛ ɖikpizi e-nesi taa.

Efɛɛzɩ 3:4

Ɩkalɩɣ mbʋ́ mamawa yɔ lɛ, ɩna mbʋ́ ɛwɩlɩ-m Krɩstʋ tɔm ndʋ́ tɩɩwɛ mɛsaɣ tɛɛ yɔ tɩ-taa yɔ.