2 Kɔrɛntɩ 11:31 - New Testament

³¹ Ɛsɔ weyi ɛkɛ Kɩpaɣlʋ Yesu Caa yɔ, ɛnawa se maacɛtɩɣ! Pasam-ɩ tam!

2 Kɔrɛntɩ 11:31 ပူးပေါင်းရင်းမြစ်များ

Yohanɛɛsɩ 10:30

Ma nɛ man-Caa ɖɩkɛ kʋɖʋm.»

Yohanɛɛsɩ 20:17

Yesu heyi-i se: «Taalaɣzɩ-m, mbʋ́ pʋyɔɔ yɔ, mantakpadɩ man-Caa cɔlɔ. Ɛlɛ́, wolo ŋheyi mɛ-ɛgbaɣdɩnaa se mankpaɣ weyi ɛkɛ man-Caa nɛ ɛtɛ ɛkɛ mɛ-Ɛsɔ yɔ ɛ-cɔlɔ. Ɛnʋ ɖɔɖɔ lɛ mɩ-Caa nɛ mɩ-Ɛsɔ.»

Room 1:25

Pakpaɣ cɛtɩm nɛ pɛlɛɣzɩ Ɛsɔ toovenim lone taa. Poluŋuu mbʋ́ Ɛsɔ laba yɔ pɩ-tɛɛ nɛ palakɩ pɩ-tʋmɩyɛ nɛ peyeki Ɛsɔ ɛnʋ ɛ-maɣmaɣ. Ŋgʋ́, laɖʋ ɛnʋ ɛ-tɛɛ pɩɩwɛɛ se poluŋ tam. Pɩla ḿbʋ́!

Room 1:9

Ɛsɔ weyi malakɩ ɛ-tʋmɩyɛ nɛ ma-lɩmaɣza tɩŋa nɛ monsusuu ɛ-Pɩyalʋ Laŋhɛzɩyɛ Tɔm yɔ, ɛnawa se mɛwɛɛ mamaɣzɩɣ mɩ-yɔɔ

Room 15:6

nɛ ɩkpɛndɩ mɩtɩŋa payɩ nɛ ɩsa Ɛsɔ weyi ɛkɛ ɖa-Kɩpaɣlʋ Yesu Krɩstʋ Caa yɔ.

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

Room 9:5

Pɛkɛ Abraham nɛ Izaakɩ nɛ Yakɔɔbʋ pa-sayɩnaa. Đɩkpaɣ Krɩstʋ ɛsɛ yɔɔ yɔ, ɛkɛ pe-liɖe taa tʋ. Ŋgʋ́, ɛnʋ lɛ Ɛsɔ weyi ɛkɩlɩ pɩtɩŋa payɩ yɔ. Pasam-ɩ tam. Pɩla ḿbʋ́!

2 Kɔrɛntɩ 1:23

Ŋgʋ́, Ɛsɔ mankpakɩɣ se ɛkɛ ma-aseɣɖe tʋ, yee mɛncɛtɩɣ yɔ, ɛkʋ-m. Mbʋ́ pʋ-yɔɔ mantatasɩ pɩsʋʋ mɩ-tɛ Kɔrɛntɩ yɔ lɛ se: maasɔɔlaa se malɩzɩ-mɩ pɩ-taa.

2 Kɔrɛntɩ 1:3

Đɩsa Ɛsɔ weyi ɛkɛ ɖa-Kɩpaɣlʋ Yesu Krɩstʋ Caa nɛ ɛnaɣ ɖa-pʋtɔdɩyɛ nɛ ɛhɛzɩɣ ɖa-laŋa pɩtɩŋa pɩ-taa yɔ.

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

Galaatɩ 1:20

Ɛsɔ maɣmaɣ nawa se tɔm ndʋ́ meheyiɣ-mɩ yɔ tɩkɛ toovenim, maacɛtɩɣ-mɩ.

Efɛɛzɩ 1:3

Đɩsa Ɛsɔ! Ɛnʋ lɛ ɖa-Kɩpaɣlʋ Yesu Krɩstʋ Caa. Ɛtɩŋnɩ e-Fezuu Kiɖeɖeu yɔɔ nɛ ɛwazɩ ɖɔ-yɔɔ ɖa nɛ Krɩstʋ ɖɛ-kpɛndʋʋ taa. Wazʋʋ ḿbʋ́, pʋ-yɔɔ ɛtɩŋnaa nɛ ɛha-ɖʋ mbʋ́ pɩtɩŋa payɩ pʋwɛ Fezuu Kiɖeɖeu taa nɛ pɩlɩɩnɩ ɛsɔdaa yɔ.

Efɛɛzɩ 3:14

Tɔm ńdʋ́, tɩ-yɔɔ moluŋuu ma-nɩmbɔla yɔɔ Caa Ɛsɔ tɛɛ.

Koloosi 1:3

Alɩwaatʋ ndʋ́ ɖɩsɛɣ Ɛsɔ yɔ, ɖiiyeki-i sam mɩ-yɔɔ. Ɛnʋ lɛ ɖa-Kɩpaɣlʋ Yesu Krɩstʋ Caa.

1 Tesalooniki 2:5

Ɩtɛm naʋ se ɖɩtaalabɩ-mɩ nɔɔ leleŋ kaʋ. Đɔɖɔ lɛ, liidiye laɣzaɣ tɔm natʋyʋ taawɛɛ ɖɔ-tɔm taa mɛsaɣ tɛɛ. Ɛsɔ lɛ ɖa-aseɣɖe tʋ.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

1 Timootee 6:16

E-ɖeke koŋ ɛɛsɩkɩna, ñalɩmɩyɛ naɖɩyɛ taa ɛwɛɛ. Nɔɔyʋ ɛɛpɩzɩɣ ɛñɔtɩnɩ-ɖɩ. Nɔɔyʋ tana-ɩ, nɔɔyʋ ɛɛpɩzɩɣ ɛna-ɩ ɖɔɖɔ. Paɖʋ-ɩ hɩɖɛ nɛ e-ɖoŋ wɛɛ tam! Pɩla ḿbʋ́.

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.