2 Kɔrɛntɩ 11:3 - New Testament

³ Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

2 Kɔrɛntɩ 11:3 ပူးပေါင်းရင်းမြစ်များ

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 11:29

Yee nɔɔyʋ ɛwɛnɩ ɛjandʋ Ɛsɔ nʋmɔʋ taa yɔ, pʋwɛ ɛzɩ mɛwɛnɩ tɩ-taa yɔ. Yee nɔɔyʋ ɛtɔlɩ Ɛsɔ nʋmɔʋ taa yɔ, pɩcɛyɩɣ-m ɖɔɖɔ siŋŋ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

Galaatɩ 1:6

Pɩɖɩɣzɩ-m pɩŋŋ nɛ mɩ-tɔm. Mbʋ́ pʋyɔɔ yɔ, ɩha Ɛsɔ weyi ɛtɩŋnɩ Krɩstʋ lootiye yɔɔ nɛ ɛ́yáa-mɩ se ɩkɛ ɛ-ñɩma yɔ siɣ́ye yem kɛlɛʋ nɛ ɩnɩɣnɩ Laŋhɛzɩyɛ Tɔm lɛɛtʋ.

Galaatɩ 2:4

Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.

Galaatɩ 3:1

Galaatɩ ñɩma kɩmɛlɛmɩŋ mɩ! Ahɔkɩ-mɩ fadɩŋ nɛ ɩwɛɛ ḿbʋ́? Ŋgʋ́, palɩzɩ-mɩ mbʋ́ pʋ-yɔɔ Yesu Krɩstʋ sɩbɩ kaamaŋkaɣ yɔɔ yɔ pʋ-tɔm taa kpayɩ kpayɩ.

Galaatɩ 4:11

Ḿbʋ́ yebina nɛ sɔɔndʋ kpaɣ-m se tʋmɩyɛ nɖɩ́ ɖɩtɩŋa malabɩ mɩ-hɛkʋ taa yɔ, ɖɩtaakɔɔ ɖɩla aleɣwondu.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Efɛɛzɩ 4:22

Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.

Efɛɛzɩ 6:24

Ɛsɔ ɛla mbá patɩŋa payɩ pɔsɔɔlɩ ɖa-Kɩpaɣlʋ Yesu Krɩstʋ kámaɣ́ fɛyɩ yɔ lootiye!

Koloosi 2:18

Ɩtaayele nɛ mbá pawaɣnɩ se poluzuu pa-tɩ nɛ poluŋuu Ɛsɔ tiyiyaa tɛɛ yɔ, pa-taa nɔɔyʋ kʋ mɩ-tɔm. Mbʋ́ pʋyɔɔ yɔ, pakpakɩɣ po-ɖozee payaɣ pʋyʋ nɛ pakpazɩɣ pa-tɩ nɛ pa-maɣmaɣ pa-lɩmaɣza. Ŋgʋ́, akɛ ɛyáa lɩmaɣza yem.

Koloosi 2:4

Meheyiɣ-mɩ ḿbʋ́ se nɔɔyʋ ɛtaakɔɔ ɛcɛtɩ-mɩ nɛ ɛ-nɔɔ leleŋ.

Koloosi 2:8

Ɩkpa mɩ-tɩ ɖeu nɛ nabɛyɛ ɛtaacɛtɩ-mɩ nɛ pa-maɣmaɣ pɔ-lɔŋsɩnɖɛ tɔm. Cɛtɩm tɔm ńdʋ́, tɩɩwazɩɣ pʋyʋ. Ɛyáa sɔnzɩ nɛ kedeŋa yɔɔ cɩnɛ ɖoŋ pɔ-cɔlɔ tɩlɩnaa. Tɩtɛkɛ Krɩstʋ ñɩndʋ.

1 Tesalooniki 3:5

Me-liu wɛ ḿbʋ́ kpem nɛ pɩɩsaŋ lɛ, mɛntɛzɩ tiyuu Timootee se ɛkɔɔ nɛ mana se ɩwɛnɩ lidaʋ mbʋ́? Mbʋ́ pʋyɔɔ yɔ, sɔɔndʋ kpaɣaɣ-m se takɩyʋ ɛtaakɔɔ ɛtakɩ-mɩ nɛ tʋmɩyɛ nɖɩ́ ɖɩlaba yɔ, ɖɩpɩsɩ falaa ñɩnɖɛ.

1 Timootee 1:3

Ɛzɩ maaheyuu-ŋ alɩwaatʋ ndʋ́ mɛnɖɛɣaɣ Masedonii se ŋcaɣ Efɛɛzɩ yɔ, caɣ ḿbʋ́. Peeɖe ŋheyiɣ ɛyáa mbá pɛwɛ peeɖe nɛ pawɩlɩɣ tɔm ndʋ́ tɩwɛ ndɩ nɛ ɖa-ñɩndʋ yɔ se pasɩɩ tɩnaɣ.

1 Timootee 2:14

Pɩtɛkɛ Aɖam pɛcɛtaa, ɛlɛ́, halʋ pɛcɛtaa nɛ eyele ɖɔm mbʋ́ Ɛsɔ ɖʋwa yɔ pʋ-yɔɔ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

Tiiti 1:10

Ɛyáa mbá paañaŋ nɛ peyiliɣ lɛlaa nɛ pa-kɩmɛlɛndʋ tɔm yɔ, pɔɖɔwa. Ɛlɛ́, Yuda ñɩma mbá papɩsɩ Krɩstʋ ñɩma yɔ, pɛ-hɛkʋ taa pakɩlɩ wɛʋ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

2 Pɩyɛ 3:17

Mɛ-ɛgbaɣdɩnaa mɩ lɛ, lɛɛlɛɛyɔ pɛkɛdɩ-mɩ ɛyáa kɩdɛkɛdɩŋ ɩnʋ ɩ-tɔm. Pʋ-yɔɔ lɛ, ɩkpa mɩ-tɩ nɛ wɛ. Pɩtɛkɛ ḿbʋ́ yɔ, pɔkɔŋ pepeɣzi-mɩ nɛ ɩtɩŋ-wɛ. Peeɖe ɩɩtasɩɣ wɛʋ mi-ɖeɖe mi-lidaʋ wɛnaʋ taa.

2 Pɩyɛ 3:3

Mbʋ́ pʋwɛɛ se ɩtɩlɩ kpem yɔ lɛ se kɛtɛzaɣ alɩwaatʋ taa lɛ, mbá powoŋuu-mɩ yɔ, pɔkɔŋ lɩʋ. Pɔkɔŋ labʋ ɛzaɣ́tʋ ndʋ́ pa-maɣmaɣ pe-liu wɛɛ yɔ

1 Yohanɛɛsɩ 2:18

Men-piya! Kedeŋa wɩzɩ tɛm! Ɩnɩwa se paa pɩɩla ɛzɩma, Krɩstʋ koyindu kaɣ kɔm. Ɖɔɖɔ lɛ, ɖɩnawa se alɩwaatʋ tʋnɛ tɩ-taa e-koyindinaa sakɩyɛ lɩwa. Ḿbʋ́ ɖɩnanaa se kedeŋa wɩzɩ tɛm.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 12:15

Đʋm ɛnʋ, ɛlɩzaɣ lɩm nɛ ɛ-nɔɔ taa ɛzɩ pɔɔ sɔsɔɔ yɔ halʋ ɛnʋ ɛ-wayɩ se pɩkpaɣ-ɩ.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.

Wɩlʋʋ 20:2

Etiba lɛ, ewolo ɛkpa coojo nɛ ɛhɔkɩ-ɩ-sɩ se ɛwɛɛ ḿbʋ́ pɩnzɩ kutoku. Ɛnʋ lɛ ɖʋm kɩbɩnʋ weyi payaɣ se eleeu nɛ pɛtɛ patasɩ-ɩ se Satanɩ yɔ.