2 Kɔrɛntɩ 11:27 - New Testament

²⁷ Malabɩ tʋma wena awɛ kaɖɛ yɔ nɛ pɩnɩ-m siŋŋ. Nabʋyʋ taa lɛ, mancaɣnɩ mɛ-ɛsɛ nɛ ñɔɔsɩ nɛ lɔkɔtʋ pakʋ-m. Nabʋyʋ taa lɛ, mɛwɛɛ nɔɔ hɔkʋʋ yɔɔ. Mantaawɛnɩ wondu se monsuu nɛ niŋkaɣ kʋ-m.

2 Kɔrɛntɩ 11:27 ပူးပေါင်းရင်းမြစ်များ

Maatiyee 17:21

Ɛlɛ́, Ɛsɔ sɛʋ nɛ nɔɔ hɔkʋʋ pe-ɖeke papɩzɩɣna paha ɛyʋ ɖoŋ nɛ ɛɖɔɔnɩnɩ pɩtɛ eleeu ɛnʋ.]»

Tʋma Labʋ 14:23

Paa Krɩstʋ ŋgbɛyɛ nɖɩ́ ɖɩ-taa lɛ, Pɔɔlɩ nɛ Barnaabaasɩ palɩzaɣ nabɛyɛ se pɛkɛnɩ sɔsaa. Palɩzɩɣ-wɛ ḿbʋ́ lɛ, pa nɛ wɛ pɔhɔkɩ nɔɔ nɛ pɛsɛɛ Kɩpaɣlʋ Ɛsɔ. Pʋwayɩ lɛ, paɖʋzɩ-wɛ e-nesi taa, mbʋ́ pʋyɔɔ yɔ, ɛ-yɔɔ pɛwɛnɩ lidaʋ.

Tʋma Labʋ 20:31

Pʋ-yɔɔ lɛ, ɩcɔnɩ mɩ-tɩ yɔɔ nɛ ɩtɔzʋʋ se pɩnzɩ naadozo yɔ, menteyele mɩ-taa nɔɔyʋ paɣ́ʋ wɩsɩ nɛ ɖoó nɛ halɩ mentisi ɛsɩtɛɣlɩm.

1 Kɔrɛntɩ 7:5

Halʋ nɛ ɛ-walʋ pataapɛ pa-tɩ ɖama. Yee panɩnɩ ɖama se papɩzɩ pehiɣ alɩwaatʋ nɛ pɛsɛɛ Ɛsɔ yɔ, kalɩ pi-ɖeke. Paa ḿbʋ́ yɔ, pataacaɣ nɛ puwolo poliŋ. Pɩtɛkɛ ḿbʋ́, paapɩzɩɣ pɔ́ɖɔ́kɩ pa-tɩ alɩwaatʋ ndʋ́ Satanɩ takɩɣ-wɛ yɔ.

2 Kɔrɛntɩ 11:23

Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.

2 Kɔrɛntɩ 6:5

Pamabɩ-ɖʋ nɛ paɖʋ-ɖʋ salaka nɛ palɩzɩ ɖɔ-yɔɔ ñaɖʋʋ. Đɩlabɩ tʋma sɩm yɔɔ sɩm yɔɔ: nabʋyʋ taa, ɖitoɖoo, ɖɩtɔtɔɔ pʋyʋ ɖɔɖɔ.

Filiipu 4:12

Mɛwɛ tanɩm taa yaa mɛwɛnɩ sakɩyɛ yɔ, mansɩm man-tɩ ɖɔkʋʋ. Mamalɩsɩ man-tɩ pɩtɩŋa payɩ pɩ-taa: paa ñɔɔsɩ taa yaa haɣnaɣ taa yaa mɛwɛnɩ sakɩyɛ yaa pazɩ yɔ, mamalɩsɩ man-tɩ.

1 Tesalooniki 2:9

Taabalaa! Paa pɩɩla ɛzɩma ɩtɔzʋʋ ɖa-tʋmɩyɛ nɛ ɖa-kʋñɔŋ pɔ-yɔɔ: ɖɩɩlaba tʋmɩyɛ wɩsɩ nɛ ɖoó se ɖɩtaakɛnɩ mɩ-taa nɔɔyʋ sʋʋtʋ alɩwaatʋ ndʋ́ ɖisusaɣ-mɩ Ɛsɔ Laŋhɛzɩyɛ Tɔm yɔ.

2 Tesalooniki 3:8

Đɩtɔtɔɔ nɔɔyʋ tɔɔnaɣ yem falaa. Ɛlɛ́, ɖɩlabɩ tʋmɩyɛ siŋŋ wɩsɩ nɛ ɖoó nɛ ɖɩnɩɩ siziŋ se ɖɩtaakɛnɩ mɩ-taa nɔɔyʋ sʋʋtʋ.

Ebree 11:37

Pakʋ lɛlaa nɛ pɛɛ nɛ patayɩ lɛlaa titilee naalɛ naalɛ nɛ pakʋ lɛlaa nɛ sɩɣa. Lɛlaa kɛkɛ kʋñɔndɩnaa, posuu heŋ nɛ pʋŋ pɔ-tɔna wondu nɛ pɛwɛɛ pɔcɔʋ paa le. Ɛyáa kɛwɛ pa-wayɩ kaŋ kaŋ nɛ panazɩɣ-wɛ.