2 Kɔrɛntɩ 11:23 - New Testament

²³ Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.

2 Kɔrɛntɩ 11:23 ပူးပေါင်းရင်းမြစ်များ

Tʋma Labʋ 14:19

Pʋwayɩ Yuda ñɩma nabɛyɛ lɩnɩ Antɩyɔɔsɩ nɛ Ikoniyɔm pɛ-tɛtʋ taa nɛ powolo Listrɩ peeɖe nɛ pasazɩ ɛyáa samaɣ se ka nɛ wɛ payaɣ Pɔɔlɩ pɛɛ nɛ ɛsɩ. Pamaɣzaa se ɛsɩkɩ lɛ, potuu-i nɛ palɩzɩ nɛ tɛtʋ wayɩ.

Tʋma Labʋ 20:23

Ndʋ́ manawa yɔ lɛ se: paa tɛtʋ ndʋ́ tɩ-taa mantalaa yɔ, Fezuu Kiɖeɖeu wɩlɩɣ-m nɛ kiheyiɣ-m se salaka nɛ kʋñɔŋ sɔsɔʋ pɩtɛŋnɩ-m.

Tʋma Labʋ 21:11

Ɛtalaa lɛ, ɛkpaɣ Pɔɔlɩ tambaɖɛ nɛ ɛhɔkɩ ɛ-naŋgbanzɩ nɛ e-nesi pa-taa nɛ ɛtɔ se: «Iwelesi nɛ ɩnɩɩ ndʋ́ Fezuu Kiɖeɖeu tiyi-m se mɔnkɔɔ meheyi-mɩ yɔ. Ńdʋ́ lɛ se: weyi ɛtɩnɩ tambaɖɛ ɖɩnɛ yɔ, ɛzʋnɔ Yuda ñɩma kɔŋ-ɩ hɔkʋʋ Yeruusalɛm nɛ paɖʋzɩ-ɩ mbá pɛtɛkɛ Yuda ñɩma yɔ pe-nesi taa.»

Tʋma Labʋ 25:14

Pacaɣ kɩyakɩŋ cabɩ lɛ, ɛ́lɛ́ kpaɣ Pɔɔlɩ tɔm nɛ ɛkɛdɩ Agriipaa se: «Wiyaʋ sɔsɔ Feliksɩ weyi mɛlɛɣzaa yɔ, ɛɖʋ abalʋ nɔɔyʋ salaka halɩ nɛ sɔnɔ.

Tʋma Labʋ 27:1

Pɩkɛdaa lɛ, paɖʋ se ɖɩsʋʋ mɛlɛ Sezaaree nɛ ɖiwolo Itaalii. Peeɖe pakpaɣ Pɔɔlɩ nɛ salaka tɩnaa lɛlaa nabɛyɛ nɛ paɖʋzɩ sɔɔja sɔsɔ weyi payaɣ se Yuliyuusi yɔ e-nesi taa. Ɛkɛ sɔɔjanaa tikaɣ ŋgá payaɣ se: Ogustɩ sɔɔjanaa yɔ, pa-ñʋndɩnaa taa lɛlʋ.

Tʋma Labʋ 28:16

Đɩtalɩ Room lɛ, paha Pɔɔlɩ nʋmɔʋ se ɛ nɛ sɔɔja weyi ɛɖaŋɩɣ ɛ-yɔɔ yɔ, pacaɣnɩ nɖeke.

Tʋma Labʋ 28:30

Pɔɔlɩ kacaɣ ɖɩɣa ŋgá ɛɛlaba haya yɔ ka-taa pɩnzɩ naalɛ pilim. Ɛmʋwaɣ mbá patɩŋa payɩ powokaɣ ɛ-cɔlɔ yɔ.

Tʋma Labʋ 9:16

Ma-maɣmaɣ mɔnkɔŋ-ɩ wɩlʋʋ ɛzɩma mbʋ́ pʋwɛɛ se ɛtɔɔ kʋñɔŋ mɔ-yɔɔ yɔ.»

Room 8:36

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ñɔ-yɔɔ lɛ, ɖɩwɛ sɩm nɔɔ taa wɩsɩ nɛ ɖoó nɛ palakɩ-ɖʋ ɛzɩ heŋ weyi powokini alikizaŋ tɛ se pakʋ yɔ.»

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

1 Kɔrɛntɩ 3:5

Yee ḿbʋ́ anɩ lɛ Apoloosi? Ma Pɔɔlɩ, ma lɛ anɩ? Đɩkɛ Ɛsɔ tʋmlaɖaa yem. Ɖɔ-yɔɔ pɩtɩŋnaa nɛ ɩwɛnɩ lidaʋ Krɩstʋ yɔɔ. Paa ɖa-taa weyi ɛlakɩ tʋmɩyɛ nɖɩ́ Kɩpaɣlʋ ɖʋ-ɩ yɔ.

1 Kɔrɛntɩ 4:1

Pʋwɛɛ se ɛyáa ɛtɩlɩ se Krɩstʋ tiyiyaa ɖa, ɖɩkɛ ɛ-tʋmlaɖaa. Ɛsɔ ɖʋzɩ e-toovenim mbʋ́ pɩɩwɛ mɛsaɣ tɛɛ yɔ ɖe-nesi taa se ɖɩwɩlɩ ɛyáa.

1 Kɔrɛntɩ 4:11

Toovenim lɛ, halɩ nɛ sɔnɔ, ñɔɔsɩ wɛɛ sɩwɩɣ-ɖʋ nɛ lɔkɔtʋ ñɔɖɔkɩ-ɖʋ. Đɩfɛyɩnɩ wondu se ɖisuu. Pamakɩ-ɖʋ nɛ ɖɩwɛɛ ɖɩcɔʋ paa le.

1 Kɔrɛntɩ 4:9

Mbʋ́ pʋyɔɔ yɔ, pɩlakɩ-m ɛzɩ ɖa Krɩstʋ tiyiyaa lɛ, lone nɖɩ́ pʋtɔyɩnɩ-ɖɩ yɔ, ɖɩ-taa Ɛsɔ sɩ-ɖʋ yɔ. Đɩwɛ ɛzɩ mbá pakʋ pɔ-tɔm nɛ pʋpɔzʋʋ se pakʋ-wɛ yɔ. Pelem-ɖʋ ɛyáa nɛ Ɛsɔ tiyiyaa patɩŋa payɩ pɛ-ɛsɩndaa.

2 Kɔrɛntɩ 10:7

Ɩnaɣ wondu ɛsɛ yɔɔ yem. Yee nɔɔyʋ ɛna ɛ-maɣmaɣ se ɛkɛ Krɩstʋ tʋ lɛ, pɩlabɩ ɛzɩma ɛɛnaɣ se: ɖa ɖɔɖɔ ɖɩkɛ Krɩstʋ ñɩma ɛzɩ ɛnʋ yɔ?

2 Kɔrɛntɩ 11:5

Ɛyáa ḿbá, ɩkpakɩɣ-wɛ se pɛkɛ Krɩstʋ tiyiyaa sɔsaa. Ŋgʋ́, mantasa se pakɩlɩ-m pʋyʋ!

2 Kɔrɛntɩ 3:6

Eyeba ɖɔɖɔ se ɖɩkɛ nɔɔ haʋ kɩfam tʋmlaɖaa. Nɔɔ haʋ kɩfam ḿbʋ́, pɩtɛkɛ paɣtʋ ndʋ́ paamawa yɔ. Ɛlɛ́, pɩkɛ mbʋ́ pɩlɩnɩ Fezuu Kiɖeɖeu cɔlɔ yɔ. Mbʋ́ pʋyɔɔ yɔ, paɣtʋ yeki nɛ ɛyáa sɩkɩ. Ɛlɛ́, Fezuu Kiɖeɖeu ñahaɣ wezuu.

2 Kɔrɛntɩ 4:11

Yesu yɔɔ lɛ, ɖɩwɛ sɩm nɔɔ taa tam ɖe-wezuu caɣʋ taa se pɩwɩlɩ se paa ɖo-tomnaɣ ɛsɩkɩ yɔ, e-wezuu wɛ ka-taa tam.

2 Kɔrɛntɩ 6:9

Palakɩ ɛzɩ paasɩŋ-ɖʋ yɔ, ŋgʋ́ pasɩm-ɖʋ camɩyɛ. Pakpakɩɣ-ɖʋ ɛzɩ sɩɖaa yɔ, ŋgʋ́ ɖɩwɛ wezuu ɛzɩ ɩnaɣʋ yɔ. Pɔhɔŋ ɖa-nɩŋgbaaŋ, ɛlɛ́, paakʋʋ-ɖʋ.

Galaatɩ 6:17

Pɩkpaɣʋnɩ sɔnɔ yɔ, nɔɔyʋ ɛtaatasɩ-m cɛyʋʋ, mbʋ́ pʋyɔɔ yɔ, tɔndɔlɩŋ weyi ɩwɛ mɔ-yɔɔ yɔ, ɩwɩlɩɣ se mɔntɔɔ kʋñɔŋ Yesu yɔɔ.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 6:20

Ńdʋ́ Ɛsɔ tiyi-m se monsusi, tɩ-yɔɔ mɛwɛ salaka taa yɔ. Itendi-i nɛ manpɩzɩ monsusi-tʋ kaalɛyɩtʋ ɛzɩ pʋpɔzʋʋ yɔ.

Filiipu 1:13

Ḿbʋ́ yebina nɛ wiyaʋ sɔsɔ ɖɩɣa yɔɔ ɖaŋɩyaa nɛ ɛyáa lɛlaa, patɩŋa payɩ patɩlɩ se malakɩ Krɩstʋ tʋmɩyɛ yɔɔ paɖʋ-m salaka.

Filiipu 2:17

Mi-lidaʋ ŋgʋ́ ɩwɛnɩ Ɛsɔ yɔɔ yɔ, kʋwɛ ɛzɩ kɩlaʋ ŋgʋ́ ɩlaɣ-ɩ yɔ. Pʋtɔma yɔ, pakʋʋ-m nɛ man-calɩm sɔzɩ mɩ-kɩlaʋ ŋ́gʋ́ kʋ-yɔɔ. Paa pɩlaba ḿbʋ́ yɔ, man-taa hʋlʋmʋʋ nɛ ma nɛ mɩ ɖɩmayɩ amaya.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 1:29

Pʋ-yɔɔ mankʋʋ man-tɩ nɛ tʋmɩyɛ nɛ e-ɖoŋ seɣtiɣ-m siŋŋ nɛ malʋkɩ.

1 Tesalooniki 3:2

nɛ piyele ɖitiyi ɖa-tʋmlaɖʋ Timootee. Ɛkɛ Ɛsɔ tʋmlaɖʋ nɛ esusuu Krɩstʋ Laŋhɛzɩyɛ Tɔm. Đitiyi-i mɩ-cɔlɔ se eyele nɛ ɩtɛzɩ pɩʋ nɛ pɩlabɩ-mɩ hʋnʋm mi-lidaʋ wɛnaʋ taa

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

2 Timootee 1:16

Pɩkazɩ Onezifɔɔrɩ lɛ, Kɩpaɣlʋ ɛna ɛ-hɔʋ taa ñɩma pʋtɔdɩyɛ. Mbʋ́ pʋyɔɔ yɔ, ɛɛpam hɛzʋʋ ma-laŋɩyɛ, fɛyɛ takpa-ɩ mɔ-yɔɔ se mɛwɛ salaka taa.

2 Timootee 1:8

Pʋ-yɔɔ lɛ, fɛyɛ ɛtaakpa-ŋ nɛ ɖa-Kɩpaɣlʋ yɔɔ aseɣɖe lɩzʋʋ yaa weyi ma paɖʋ salaka ɛ-yɔɔ yɔ mɔ-yɔɔ. Ɛlɛ́, Yesu Laŋhɛzɩyɛ Tɔm yɔɔ lɛ, tisi nɛ pɩtɩŋnɩ ɖoŋ weyi Ɛsɔ ha-ŋ yɔ ɛ-yɔɔ nɛ ŋtɔɔ kʋñɔŋ ɖɔɖɔ ɛzɩ ma yɔ.

2 Timootee 2:9

Tɩ-yɔɔ malakɩ kʋñɔŋ, halɩ paɖɩ-m yoŋgbasɩ ɛzɩ kɩdɛkɛdɩm laɖʋ nɔɔyʋ yɔ. Ɛlɛ́, pataɖɩ Ɛsɔtɔm yoŋgbasɩ.

2 Timootee 3:11

nɛ ma-wayɩ wɛʋ kaŋ kaŋ nɛ man-kʋñɔmɩŋ pa-taa. Ŋsɩm kʋñɔmɩŋ weyi mɔntɔɔ Antɩyɔɔsɩ nɛ Ikoniyɔm nɛ Listrɩ yɔ nɛ ɛzɩma mbʋ́ paawɛ ma-wayɩ kaŋ kaŋ yɔ. Ɛlɛ́, Kɩpaɣlʋ lɩzɩ-m pɩtɩŋa payɩ pɩ-taa.

Fileemɔɔ 1:9

sɔɔlɩm yɔɔ lɛ, mentendiɣ-ŋ se ŋlabɩ-pʋ. Đenɖe mɛwɛɛ yɔ, ma Pɔɔlɩ mankpadɩyaa. Đɔɖɔ lɛ, lɛɛlɛɛyɔ paɖʋ-m salaka Krɩstʋ Yesu yɔɔ.

Ebree 10:34

Toovenim lɛ, ɩna salaka tɩnaa pʋtɔdɩyɛ. Mɩ-laŋa kahʋlʋmɩ alɩwaatʋ ndʋ́ pamʋwaɣ mɩ-ñɩm yɔ. Mbʋ́ pʋyɔɔ yɔ, ɩtɛm naʋ se ɩwɛnɩ ñɩm mbʋ́ pɩkɩlɩ ḿbʋ́ nɛ pʋwɛɛ tam yɔ.