2 Kɔrɛntɩ 11:13 - New Testament

¹³ Ɛyáa ḿbá, pɛcɛtɩɣ kɩcɛtʋ se pɛkɛ Krɩstʋ tiyiyaa. Paayɔɔdʋʋ toovenim pa-tʋmɩyɛ labʋ taa. Papɩsɩ pa-tɩ Krɩstʋ tiyiyaa kɩpɩsʋ.

2 Kɔrɛntɩ 11:13 ပူးပေါင်းရင်းမြစ်များ

Maatiyee 25:24

Pɩɖɩɣnɩ weyi ɛ́lɛ́ mʋ kʋɖʋmaɣ yɔ lɛ, ewolo ɛ-cɔlɔ nɛ eheyi-i se: ‹Kɩpaɣlʋ! Manawa se ñɔ-tɔm wɛ kaɖɛ pɩtɩɩfɛyɩ. Đenɖe ŋtoɖuu yaa ŋtamɩzɩ yɔ, peeɖe ŋkʋŋ.

Tʋma Labʋ 15:1

Nakʋyʋ wiye ɛyáa nabɛyɛ lɩnɩ Yudee egeetiye taa nɛ powolo Antɩyɔɔsɩ nɛ peheyiɣ taabalaa se yee peteyele nɛ pɛpɛlɩ-wɛ ɛzɩ palakʋʋ sɔnzɩ nzɩ́ Mooyiizi ɖʋwa yɔ sɩ-taa yɔ, paahikiɣ ñʋʋ yabʋ.

Tʋma Labʋ 15:24

Đɩnɩwa se ɛyáa nabɛyɛ lɩnɩ ɖɛ-tɛ nɛ pɔkɔɔ mɩ-tɛ nɛ peliɣti-mɩ nɛ pɛkpɛzɩ mɩ-kalɩzasɩ nɛ pɔ-tɔm. Đɩtana pɔ-yɔɔ kpem.

Tʋma Labʋ 20:30

Halɩ mɩ-maɣmaɣ mɩ-taa lɛlaa kɔŋ pɩsʋʋ cɛtɩyaa nɛ pepeɣzi Krɩstʋ wayɩ tɩŋɩyaa nɛ paba tɩŋ-wɛ.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

2 Kɔrɛntɩ 11:15

Pʋ-yɔɔ lɛ, pɩtaaɖɩɣzɩ-mɩ se ɛ-tʋmlaɖaa ñapɩsɩɣ pa-tɩ Ɛsɔ tʋmlaɖaa toovenim ñɩma. Mbʋ́ palakɩ yɔ, ḿbʋ́ pɔkɔŋ tɛmnaʋ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

Galaatɩ 1:7

Ŋgʋ́, tɩtɛkɛ Laŋhɛzɩyɛ Tɔm siŋŋ. Ɛlɛ́, nabɛyɛ wɛɛ peliɣtiɣ-mɩ nɛ pacaɣ se pɛlɛɣzɩ Krɩstʋ Laŋhɛzɩyɛ Tɔm.

Galaatɩ 2:4

Ɛlɛ́, mbá pɛcɛtaɣ se pɛkɛ Krɩstʋ ñɩma nɛ paasʋ ɖɛ-ŋgbɛyɛ taa yɔ, ḿbá yɔɔdaɣna se pʋwɛɛ se pɛpɛlɩ-ɩ. Ŋgʋ́, ɛyáa ḿbá, mɛsaɣ tɛɛ paasʋ ɖa-taa se pana ɛzɩma mbʋ́ pɩtɩŋnɩ Krɩstʋ Yesu yɔɔ nɛ ɖɩwɛɛ ɖa-tɩ yɔɔ yɔ. Pañɩnaɣ se ɖɩɖaɣnɩ pɩsʋʋ yomaa.

Galaatɩ 4:17

Ɛyáa ḿbá, pɛ-ɛsɩyɛ sɛnɩ mbʋ́ palakɩ-mɩ yɔ, ɛlɛ́, pɩfɛyɩ ɖeu. Mbʋ́ pʋyɔɔ yɔ, pañɩnɩɣ se ɩha-m siɣ́ye nɛ ɩnɩɩnɩ pe-ɖeke.

Galaatɩ 6:12

Mbá patɩŋa payɩ pe-liu wɛɛ se payaa-wɛ se kɩbama yɔ, ḿbá cɛyɩɣnɩ-mɩ se pʋwɛɛ se pɛpɛlɩ-mɩ. Palakɩ ḿbʋ́ kpem se ɛyáa ɛtaawɛɛ pa-wayɩ kaŋ kaŋ. Yee posusuu Krɩstʋ sɩbʋ kaamaŋkaɣ yɔɔ yɔ pʋ-tɔm yɔ, pʋbʋ, pɛwɛɣ pa-wayɩ kaŋ kaŋ.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Filiipu 3:18

Toovenim lɛ, tɔm ndʋ́ manpam-mɩ heyuu yɔ, ńdʋ́ mantasɩɣ-mɩ heyuu lɛɛlɛɛyɔ nɛ ɛsɩtɛɣlɩm. Ńdʋ́ lɛ se: ɛyáa sakɩyɛ wɛɛ nɛ pɔ-ɖɔnɛ wɩlɩɣ se pɛkɛ Krɩstʋ weyi pakam-ɩ kaamaŋkaɣ yɔɔ yɔ e-koyindinaa.

Filiipu 3:2

Ɩkpa mɩ-tɩ nɛ tʋmlaɖaa azaɣ́a, pɛkɛ hasɩ mancaaciwaa, pɛtɛpɛlɩ-wɛ siŋŋ.

Koloosi 2:4

Meheyiɣ-mɩ ḿbʋ́ se nɔɔyʋ ɛtaakɔɔ ɛcɛtɩ-mɩ nɛ ɛ-nɔɔ leleŋ.

Koloosi 2:8

Ɩkpa mɩ-tɩ ɖeu nɛ nabɛyɛ ɛtaacɛtɩ-mɩ nɛ pa-maɣmaɣ pɔ-lɔŋsɩnɖɛ tɔm. Cɛtɩm tɔm ńdʋ́, tɩɩwazɩɣ pʋyʋ. Ɛyáa sɔnzɩ nɛ kedeŋa yɔɔ cɩnɛ ɖoŋ pɔ-cɔlɔ tɩlɩnaa. Tɩtɛkɛ Krɩstʋ ñɩndʋ.

1 Yohanɛɛsɩ 2:18

Men-piya! Kedeŋa wɩzɩ tɛm! Ɩnɩwa se paa pɩɩla ɛzɩma, Krɩstʋ koyindu kaɣ kɔm. Ɖɔɖɔ lɛ, ɖɩnawa se alɩwaatʋ tʋnɛ tɩ-taa e-koyindinaa sakɩyɛ lɩwa. Ḿbʋ́ ɖɩnanaa se kedeŋa wɩzɩ tɛm.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.

Wɩlʋʋ 2:2

mansɩm mbʋ́ ñɛ-ŋgbɛyɛ taa ñɩma lakɩ yɔ nɛ pa-pana ñaɣʋ nɛ ɛzɩma mbʋ́ pɔɖɔkʋʋ pa-tɩ yɔ. Manawa se paacaɣ se pa nɛ kañadɩnaa pɛkpɛndɩ. Pamaɣzɩ mbá pɔtɔŋ se pɛkɛ Yesu tiyiyaa yɔ nɛ pana se pɛkɛ cɛtɩyaa.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.

Wɩlʋʋ 2:9

mana ñɛ-ŋgbɛyɛ taa ñɩma siziŋ nɩʋ nɛ pa-kʋñɔndʋtʋ. Ŋgʋ́, pɛkɛ ñɩm tɩnaa! Manɩ tɔm ɛzaɣ́tʋ ndʋ́ mbá pɛcɛtɩɣ se pɛkɛ Yuda ñɩma yɔ, pɔyɔɔdɩ-wɛ yɔ: pɛkɛ Satanɩ ŋgbɛyɛ taa ñɩma!