2 Kɔrɛntɩ 10:7 - New Testament

⁷ Ɩnaɣ wondu ɛsɛ yɔɔ yem. Yee nɔɔyʋ ɛna ɛ-maɣmaɣ se ɛkɛ Krɩstʋ tʋ lɛ, pɩlabɩ ɛzɩma ɛɛnaɣ se: ɖa ɖɔɖɔ ɖɩkɛ Krɩstʋ ñɩma ɛzɩ ɛnʋ yɔ?

2 Kɔrɛntɩ 10:7 ပူးပေါင်းရင်းမြစ်များ

Maatiyee 23:5

Palakɩ pɩtɩŋa payɩ se ɛyáa ɛna-wɛ. Pʋ-yɔɔ pamaɣ Ɛsɔtɔm tɔnzɩ nzɩ́ sɩkɩlɩ walʋʋ yɔ sɩ-yɔɔ nɛ pataŋ pe-nesi nɛ pe-kila pa-taa. Pataŋ ɖɔɖɔ po-tokonaa nesi taa toma nɛ akɩlɩɣ lɛlaa tɛ.

Luka 16:15

Pʋ-yɔɔ Yesu heyi-wɛ se: «Ɩcaɣ se ɛyáa ɩna-mɩ se ɩkɛ kʋtʋʋzaa, ɛlɛ́, Ɛsɔ ñasɩm mɩ-lɩmaɣza tɩŋa. Mbʋ́ ɛyáa maɣzɩɣ se pɩkɩlɩ pɩtɩŋa payɩ yɔ, Ɛsɔ ɛɛcaɣ se ɛna-pʋ ɛ-ɛsɩndaa kpem.

Yohanɛɛsɩ 7:24

Iyele ɛyáa hʋnaʋ ɛsɛ yɔɔ yem. Ɛlɛ́, ɩhʋʋnɩ-wɛ ɛzɩ pʋmʋnaʋ yɔ.»

1 Kɔrɛntɩ 1:12

Ndʋ́ mɔyɔɔdʋʋ yɔ, tɩ-tɔbʋʋ se mɩ-taa nabɛyɛ wɛɛ pɔyɔɔdʋʋ se pɛkɛ Pɔɔlɩ ñɩma nɛ lɛlaa se paba kɛ Apoloosi ñɩma. Lɛlaa ñɔtɔŋ ɖɔɖɔ se paba ñɛkɛ Pɩyɛ ñɩma nɛ lɛlaa se pɛkɛ Krɩstʋ ñɩma.

1 Kɔrɛntɩ 14:37

Yee mɩ-taa nɔɔyʋ ɛmaɣzɩɣ se ɛkɛ náyʋ yaa ɛwɛnɩ Fezuu Kiɖeɖeu kʋjɔʋ yɔ, pʋwɛɛ se ɛtɩlɩ se ndʋ́ mama-mɩ lɛɛlɛɛyɔ yɔ, tɩkɛ Kɩpaɣlʋ paɣtʋ.

1 Kɔrɛntɩ 15:23

Ɛlɛ́, Ɛsɔ kɔŋ fezuu paa mbá nɛ pa-alɩwaatʋ: Krɩstʋ ɛcalɩnɩ fezuu. Ɛ-wayɩ lɛ, mbá pɛkɛ Krɩstʋ ɛnʋ ɛ-ñɩma yɔ, efeziɣ-wɛ alɩwaatʋ ndʋ́ Krɩstʋ pɩsɩɣ ɛkɔɔ yɔ.

1 Kɔrɛntɩ 3:23

Ɛlɛ́, mɩ mɩkɛ Krɩstʋ ñɩma nɛ Krɩstʋ ñɛkɛ Ɛsɔ ñɩnʋ.

1 Kɔrɛntɩ 9:1

Ma yɔ, mɛnfɛyɩ man-tɩ yɔɔ yaa we? Mɛntɛkɛ Krɩstʋ tiyiyu naa we? Mantana ɖa-Kɩpaɣlʋ Yesu yaa we? Ɩtɛkɛ Kɩpaɣlʋ tʋmɩyɛ nɖɩ́ malaba yɔ ɖɩ-kɛzɛɣa naa we?

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Kɔrɛntɩ 11:18

Mbʋ́ pʋyɔɔ yɔ, ɛzɩma mbʋ́ ɛyáa sakɩyɛ kʋndʋʋnɩ mbʋ́ pʋwɛ kedeŋa yɔɔ yɔ, ḿbʋ́ ɖɔɖɔ mɔnkɔŋ kʋndʋʋ.

2 Kɔrɛntɩ 11:23

Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

2 Kɔrɛntɩ 12:11

Mɔyɔɔdaa ɛzɩ mɛnkɛ kɩmɛlɛŋ yɔ: ɛlɛ́, miyebina nɛ mɔyɔɔdɩ ḿbʋ́. Mɩ pɩɩmʋnaa se ɩlʋ mɔ-yɔɔ. Mbʋ́ pʋyɔɔ yɔ, paa mɛntɛkɛ pʋyʋ yɔ, mbá ɩkpakaɣ-wɛ se pɛkɛ Krɩstʋ tiyiyaa sɔsaa yɔ, pa-taa nɔɔyʋ takɩlɩ-m pʋyʋ.

2 Kɔrɛntɩ 13:3

Ɩcaɣ se mawɩlɩ-mɩ ɛzɩma mbʋ́ mɔyɔɔdʋʋnɩ Krɩstʋ nɔɔ yɔ yaa we? Mawɩlɩɣ-mɩ ɖɔɖɔ. Krɩstʋ tɛkɛ ɛjam mɩ-hɛkʋ taa: ɛwɩlɩɣ-mɩ e-ɖoŋ.

2 Kɔrɛntɩ 5:12

Đɩɩɖaɣnɩɣ ɖa-tɩ wɩlʋʋ mɩ-cɔlɔ. Ɛlɛ́, ɖɩhaɣ-mɩ waɖɛ se ɩkʋndɩnɩ-ɖʋ nɛ ɩpɩzɩ icosi mbá pakpazɩɣ pa-tɩ ɛsɛ yɔɔ yem nɛ paanɩɣnɩ mbʋ́ pʋwɛ ɛyʋ taa yɔ.

Galaatɩ 3:29

Yee ɩkɛ Krɩstʋ ñɩma yɔ, pɩwɩlɩɣ ɖɔɖɔ se ɩkɛ Abraham sayɩnaa. Pʋ-yɔɔ lɛ, Ɛsɔ haɣ-mɩ mbʋ́ ɛɖʋwa se ɛhaɣ Abraham nɛ e-liɖe taa ñɩma yɔ.

1 Yohanɛɛsɩ 4:6

Piyele ma nɛ mɩ lɛ, ɖɩkɛ Ɛsɔ ñɩma. Weyi ɛsɩm Ɛsɔ yɔ, ɛnɩɣnɩ-ɖʋ. Weyi ɛ́lɛ́ tɛkɛ Ɛsɔ ñɩnʋ yɔ, ɛɛnɩɣnɩ-ɖʋ. Ḿbʋ́ ɖɩtɩlɩɣnɩ se toovenim Fezuu wɛnɩ nɔɔyʋ cɔlɔ yaa cɛtɩm ñɩŋgʋ wɛna.