2 Kɔrɛntɩ 10:5 - New Testament

⁵ Ɩnʋ ɖɔɖɔ ɖɩyɔkʋʋnɩ mbʋ́ tɩ kpazɩyaa ɖɩkɩnɩ ɛyáa nʋmɔʋ se pataatɩlɩ Ɛsɔ yɔ. Đɩpaɣ ɛyáa se pɛlɛɣzɩ pa-lɩmaɣza nɛ paña Krɩstʋ.

2 Kɔrɛntɩ 10:5 ပူးပေါင်းရင်းမြစ်များ

Maatiyee 15:19

Mbʋ́ pʋyɔɔ yɔ, lɩmaɣza kɩdɛkɛdɛɛ wena awɛ ɛyʋ taa yɔ, ana yekina se ɛkʋ ɛyʋ yaa ɛla acɛyɛ yaa ɛla acɛyɛ yaa ɛmɩlɩ yaa ɛcɛtɩnɩ lɛlaa taa yaa ɛwɛɛkɩ pa-hɩla.

Luka 1:51

Ɛ-maɣmaɣ ɛlabɩ tʋma sɔsɔna nɛ e-ɖoŋ: ɛɖɔɔnɩ mbá pakpazɩɣ pa-tɩ yɔ nɛ pese pamɩzɩ ɖama.

Room 1:21

Pʋ-yɔɔ lɛ, paapɩzɩɣ pawaanɩ natʋyʋ. Mbʋ́ pʋyɔɔ yɔ, pasɩm Ɛsɔ, ɛlɛ́, pataɖʋ-ɩ hɩɖɛ ɛzɩ pʋmʋnaʋ yɔ, patasam-ɩ ɖɔɖɔ. Pa-lɩmaɣza nɛ pa-laŋa taa wɛɛkaa, paasɩŋ pʋyʋ.

Room 1:5

Ɛ-yɔɔ pɩtɩŋnaa nɛ Ɛsɔ labɩ-m lootiye nɛ ɛha-m waɖɛ se mɛnkɛ Yesu ɛnʋ e-tiyiyu nɛ meyele nɛ ajɛya kpeekpe taa ɛyáa wɛnɩ lidaʋ ɛ-yɔɔ nɛ pañam-ɩ. Ḿbʋ́ yekina nɛ paɖʋ-ɩ hɩɖɛ.

Room 16:26

Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ.

Room 7:23

Ɛlɛ́, manaɣ se nabʋyʋ wɛ man-taa ɖɔɖɔ, pʋ nɛ mbʋ́ pɩkɛdɩnɩ-m ma-lɩmaɣza taa yɔ palʋkɩ. Ḿbʋ́ pɩsɩɣnɩ-m kɩwɛɛkɩm mbʋ́ pʋwɛ man-taa yɔ pu-yom.

1 Kɔrɛntɩ 1:19

Pama Ɛsɔtɔm Takayaɣ taa se: «Menɖeziɣ mbá pamaɣzɩɣ se pɛwɛnɩ lɔŋsɩnɖɛ yɔ pɔ-lɔŋsɩnɖɛ nɛ mamʋʋzɩ mbá pamaɣzɩɣ se pɛwɛnɩ lɛɣtʋ yɔ pɛ-lɛɣtʋ.»

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 9:13

Sɩnaʋ mbʋ́ ɩsɩŋnɩ-wɛ yɔ, pɩwɩlɩɣ mbʋ́ ɩkɛnaa yɔ. Peeɖe ɛyáa sakɩyɛ saŋ Ɛsɔ ɛzɩma mbʋ́ ɩɖɔŋ Krɩstʋ Laŋhɛzɩyɛ Tɔm yɔɔ yɔ pʋ-yɔɔ. Pasaŋ-ɩ ɖɔɖɔ ɛzɩma mbʋ́ mɩ nɛ wɛ nɛ lɛlaa tɩŋa payɩ ɩtayɩɣ mɩ-ñɩm nɛ laŋhʋlʋmɩyɛ yɔ pʋ-yɔɔ.

Filiipu 4:7

Pʋbʋ, Ɛsɔ laŋhɛzɩyɛ nɖɩ́ ɖɩkɩlɩ ɛyáa lɛɣtʋ tɩŋa payɩ yɔ, pɩtɩŋɩɣnɩ Krɩstʋ Yesu yɔɔ nɛ ɖihuuzi mɩ-laŋa nɛ mɩ-lɩmaɣza pɔ-yɔɔ.

2 Tesalooniki 2:4

Ɛkɔŋ kpazʋʋ ɛ-tɩ se ɛkɩlɩ mbʋ́ pɩtɩŋa payɩ ɛyáa kpakɩɣ se Ɛsɔ yɔ yaa poluŋuu pɩ-tɛɛ yɔ. Halɩ ewoki ɛsʋʋ Ɛsɔ ɖɩɣa taa nɛ ɛcaɣ se ɛ-maɣmaɣ lɛ Ɛsɔ.

2 Tesalooniki 2:8

Peeɖe Kañadʋ lɩzɩɣ ɛ-tɩ nɛ pana-ɩ, ɛlɛ́, Kɩpaɣlʋ Yesu kɔŋ-ɩ kʋʋ nɛ ɛ-nɔɔ taa heɣlim mbʋ́ ehosuu ɛ-yɔɔ yɔ nɛ ɛnaŋ-ɩ nɛ ñalɩmɩyɛ nɖɩ́ ɛkɔŋna yɔ.

Ebree 4:12

Mbʋ́ pʋyɔɔ yɔ, Ɛsɔtɔm wɛ wezuu nɛ tɩwɛɛ ɖoŋ ɖɔɖɔ. Tɩwɛ lɔŋ nɛ pɩkɩlɩ sɛsɩ nzɩ́ sɩwɛ lɔŋ cenje yɔ. Tɩsʋʋ ɛyʋ fɩŋ fɩŋ nɛ tɩtalɩ e-ciyam nɛ ɛ-kalɩzaɣ pa-ɖɩtanɛ nɛ tɩtayɩ-wɛ. Tɩtalɩɣ ɖɔɖɔ ɛ-mɔɔ nɛ a-taa num nɛ tɩtayɩ-wɛ. Ńdʋ́ tayɩɣnɩ ɖɔɖɔ ɛ-lɩmaɣza: kɩbana hɔɔlʋʋ nɛ kɩdɛkɛdɛɛ hɔɔlʋʋ.

Ebree 5:9

Ɛsɔ yeba nɛ ɛtalɩ ɖenɖe ɛñɩnaɣnɩ-ɩ yɔ. Pʋ-yɔɔ ɛpɩsɩ mbá patɩŋa pañaŋ Ɛsɔ ɛnʋ yɔ pa-ñʋʋ yaɖʋ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.