2 Kɔrɛntɩ 10:4 - New Testament

⁴ Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

2 Kɔrɛntɩ 10:4 ပူးပေါင်းရင်းမြစ်များ

Tʋma Labʋ 7:22

Ḿbʋ́ hanɩ Mooyiizi waɖɛ nɛ ɛkpɛlɩkɩ mbʋ́ Ejiptɩ ñɩma sɩma yɔ pɩtɩŋa payɩ nɛ ɛyɔɔdʋʋ tɔm nɛ ɛlakɩ tʋma nɛ abalɩtʋ.

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

Room 6:13

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

1 Kɔrɛntɩ 2:5

Ḿbʋ́ yebina nɛ ɩwɛnɩ lidaʋ Ɛsɔ ɖoŋ yɔɔ. Ɛlɛ́, pɩtɛkɛ ɛyáa lɔŋsɩnɖɛ yɔɔ pɩtɩŋnaa.

1 Kɔrɛntɩ 9:7

Alakɩ sɔɔjatʋ nɛ paahɛyɩɣ-ɩ? Asɔʋ tɩʋ nɛ ɛɛtɔkɩ ki-pee? Aɖiyiɣ wondu nɛ ɛɛñɔʋ tɩ-naalɩm?

2 Kɔrɛntɩ 10:8

Paa maakɩlɩ kʋndɩnaʋ ɖoŋ weyi Kɩpaɣlʋ ha-ɖʋ yɔ yɔ, fɛyɛ ɛɛkpaɣ-m. Mbʋ́ pʋyɔɔ yɔ, ɛha-ɖʋ-ɩ se ɖɩsɩnɩ-mɩ nɛ ɩpɩɩ Ɛsɔ nʋmɔʋ taa. Ɛlɛ́, ɛtaha-ɖʋ-ɩ se ɖɩɖʋzɩnɩ-mɩ.

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Kɔrɛntɩ 3:5

Mbʋ́ pʋyɔɔ yɔ, ɖɩnawa se ɖɩɩpɩzɩɣ ɖɩla tʋmɩyɛ ńɖɩ́ nɛ ɖa-maɣmaɣ ɖo-ɖoŋ. Ɛlɛ́, Ɛsɔ yebina se ɖɩpɩzɩ ɖɩlabɩ-ɖɩ.

2 Kɔrɛntɩ 4:7

Đɩwɛ ɛzɩ cʋʋ pɛŋ weyi ɩ-taa wɛ ñɩm sɔsɔm ḿbʋ́ yɔ se paa weyi ɛna se ɖoŋ sɔsɔŋ ɛnʋ ɛtɛkɛ ɖa-ñɩŋ, ɛlɛ́ Ɛsɔ ñɩŋ ɛkɛnaa.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

1 Tesalooniki 5:8

Ɛlɛ́, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛsɛ camɩyɛ. Lidaʋ nɛ sɔɔlɩm pɛkɛnɩ-ɖʋ ñɩ́ɣ́yʋ́ʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Đa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ.

1 Timootee 1:18

Man-pɩɣa Timootee, manɖʋzʋʋ tɔm ndʋ́ mamaɣ takayaɣ kanɛ ka-taa yɔ ñe-nesi taa ɛzɩ paayɔɔdʋʋ tɔm ndʋ́ tɩlɩnɩ Ɛsɔ cɔlɔ yɔ ñɔ-yɔɔ yɔ. Pʋwɛɛ se ŋtɩŋnɩ tɩ-yɔɔ nɛ ŋlʋ lʋbɩyɛ nɖɩ́ ɖɩmʋnaa yɔ

2 Timootee 2:3

Ña ɖɔɖɔ, tisi nɛ ŋtɔɔ kʋñɔŋ ɛzɩ Krɩstʋ Yesu sɔɔja kɩbanʋ yɔ.

Ebree 11:30

Pɛwɛnɩ lidaʋ Ɛsɔ yɔɔ yɔɔ pɔcɔ Yeriikoo tɛtʋ kɩyakɩŋ lʋbɛ nɛ ti-kolonzi tɔlɩ.