2 Kɔrɛntɩ 10:3 - New Testament

³ Toovenim lɛ, ɖɩwɛ kedeŋa yɔɔ, ɛlɛ́, ɖɩɩlakɩ you ŋgʋ́ kedeŋa ñɩma lakɩ yɔ.

2 Kɔrɛntɩ 10:3 ပူးပေါင်းရင်းမြစ်များ

Room 7:5

Toovenim lɛ, alɩwaatʋ ndʋ́ ɖɩlakaɣ ɛzɩ ɖe-liu wɛʋ yɔ, paɣtʋ yɔɔ pɩtɛzaɣ-ɖʋ labʋ liu se ɖɩla kɩwɛɛkɩm. Ŋgʋ́, pɩtɛŋnɩ-ɖʋ sɩm.

Room 8:13

Mbʋ́ pʋyɔɔ yɔ, yee ɩcaɣ wezuu ɛzɩ pɩkɛdɩnaʋ mɩ-maɣmaɣ yɔ yɔ, ɩsɩkɩ. Ɛlɛ́, yee pɩtɩŋnɩ Fezuu Kiɖeɖeu yɔɔ nɛ ɩkɔ mɩ-ɛzaɣ́tʋ lakasɩ ñʋʋ yɔ, ɩwɛɣ wezuu.

Room 8:4

Ɛlabɩ ḿbʋ́ se ɖɩpɩzɩ ɖɩla mbʋ́ pʋtʋʋzaa yɔ ɛzɩ paɖʋʋ paɣtʋ taa yɔ. Mbʋ́ pʋyɔɔ yɔ, ɖɩɩɖɔŋ ɛzɩ ɖe-liu wɛʋ yɔ. Ɛlɛ́, ɖɩɖɔŋ ɛzɩ pɩkɛdɩnaʋ Fezuu Kiɖeɖeu yɔ.

2 Kɔrɛntɩ 1:17

Mbʋ́ maaɖʋwa yɔ, pʋ-yɔɔ yem malaba-pʋ yaa we? Yaa ma-lɩmaɣza ana, ɛyáa lɩmaɣza akɛnaa se maapɩzɩ mɛwɛnɩ nɔsɩ naalɛ tɔm kʋɖʋmtʋ yɔɔ?

2 Kɔrɛntɩ 10:4

Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

1 Timootee 1:18

Man-pɩɣa Timootee, manɖʋzʋʋ tɔm ndʋ́ mamaɣ takayaɣ kanɛ ka-taa yɔ ñe-nesi taa ɛzɩ paayɔɔdʋʋ tɔm ndʋ́ tɩlɩnɩ Ɛsɔ cɔlɔ yɔ ñɔ-yɔɔ yɔ. Pʋwɛɛ se ŋtɩŋnɩ tɩ-yɔɔ nɛ ŋlʋ lʋbɩyɛ nɖɩ́ ɖɩmʋnaa yɔ

2 Timootee 4:7

Malʋbɩ lʋbɩyɛ kɩbanɖɛ nɛ mense nɛ mantalɩ men-seya tɩnaɣ yɔɔ nɛ mɔnɖɔkɩ lidaʋ ŋgʋ́ mɛwɛnɩ Ɛsɔ yɔɔ yɔ.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.